Hosea 6:10 - Bible Ni Thothup

¹⁰ Kug guy ban’en nrib kireb u lan yu Israel; girdi’ rog e kar alit nigedyad ko tayfan ni yad be tay ko pi liyos.

Hosea 6:10 Iomraidhean Croise

1 Kings 12:8

Machane de fol Rehoboam rok fapi pumo’on. Me yan ngak boch e pagel ni yad ma puruy’ nra ilalgad u ta’bang.

1 Kings 15:30

Ran’ey e buch ni bochan e ke pug Jeroboam e damumuw rok SOMOL, ni Got nu Israel, ko pi denen nike ngongliy ma ku ir tapgin yu Israel ni denen.

2 Kings 17:7

I waer yu Samaria ni bochan e denen yu Israel nib togopluw ku SOMOL ni Got rorad, ni ir e ayuwegrad u pa’ fare pilung nu Egypt nge pow’iyrad nga wuru’ yu Egypt. Yad be tay fan yug boch e got,

Jeremiah 18:13

Me ga’ar SOMOL, “Mu fithed urngin e nam ko bay reb e nam ni ka’a yigi yodoro’ fa dariy. Piyu Israel e rib kireb e n’en ni kar ngongliyed!

Jeremiah 23:14

Machane pi profet nu Jerusalem e kug guyrad ni ka ba gel e kireb ko tin yad be ngongliy: yad be par e ppin ni gathiyad bmabgol ma yad be lifith l’ugunrad; yad be towaser ko girdi’ ni nge ngongliy e kireb, ya nge dariy be’ ni nge tal i ngongliy e kireb. Rogon ko leam rog e yad gubin ni yad bod yu Sodom, ta’reb farad kireb ngak yu Gomorrah.

Jeremiah 3:6

Nap’an nib pilung Josiah, me ga’ar SOMOL ngog, “Kam guy e n’en ke rin’ Israel ni fare pin ni de yul’yul’? Ke cheal rog nga orel, ma gubin pe’bugul e yochi burey nge gubin tanggin e yuke gek’iy nib galunglung ma be ngongol riy ni bod be’ nma chuway’ ngak.

Ezekiel 23:5

Yug aram rogon nib milfan Oholah ngog, ma ka be falchuway’ ngak ma ka be lol’oeg e pi ilingen nu Assyria,

Ezekiel 23:7

I Oholah e i af u pa’ urngin e tayugang’ nu Assyria, ni waliy e dawol rok nge alitnag ir ko pi liyos nu Assyria nma tayfan.

Hosea 4:11

Be ga’ar SOMOL, “Wayin e be chuweg e gonop rok e girdi’ rog ma be balyang nagrad!

Hosea 4:12

Yad be de’eriy yungi ren ni nge dag ngorad e tin ni ngar rin’ed! Boch ley i gek’iy e be yog ngorad e tin ni yad ba’adag ni ngar nanged! Kar pi’ed keru’rad ngog; kar pi’ed yad ngak yugu boch e got ni bod be’ ni bpin ni yan ngi i pi’ ir ni chuway’.

Hosea 4:17

Girdi’ nu Israel e yad be par u tan gelngin e liyos. Ngan pagrad ngranod ko birorad e kanawo’

Hosea 5:3

Gu manang salpen Israel, dabiyag ni nge mithag rog. Be par nder yul’yul’ ngog, ma tirok e girdi’ e daki bung ni ngar meybilgad ngog.”