Hosea 5:2 - Bible Ni Thothup

² nge ba low nib to’ar ko binaw nu Akacia, ere bay gu gechig nagmed ni gimed gubin.

Hosea 5:2 Iomraidhean Croise

Isaiah 1:5

Mangfan ni kayugu mpired ni gimed be togopluw? Mogned, gimed ba’adag ni ngan gelnag e gechig ngomed? Israel, lolugmed e ke polo’ i maad’ad, ma lan gum’ircha’med nge lanin’med e ke m’ar.

Isaiah 29:15

Ke riya’ e pi’in yad ma mithag rok SOMOL e tin ni ka ra tanom niged ni ngar rin’ed! Ma yad be ngongol nib mith ma yad be leamnag ndariy be’ ni be guyrad ara manang e n’en ni yad be ngongliy.

Jeremiah 18:18

Ma aram me ga’ar e girdi’, “Marod ngad rin’ed ban’en ngak Jeremiah! Ya gubin ngiyal’ ni bay e pi prist ni yad ra fonow niged gadad, nge girdi’ nib gonop ni yad ra pow’iydad, nge pi profet ni yad ra weliy e thin rok Got ngodad. Ngad olobochgad ngak ma dab ku da motoyilgad ko tin be yog.”

Jeremiah 5:3

Ba muduwgil nra changarnag SOMOL e yul’yul’. Be toymed, machane damur motoyilgad; ke masengseng nagmed, machane dabmed ni ngam folgad. Gimed ba gelan’ ndamur paged e kireb romed.

Jeremiah 6:28

Yad gubin ni yad bogi gel laniyan’ ma yad be togopluw; yad ma yan ni yad ma dugdug thin. Ba gel lanin’rad ni bod e wasey ni bronze nge iron; yad gubin ni ka ra kirebgad.

Hosea 4:2

Girdi’ riy e yad ra micheg boch e thin ni yad ra rin’ ma darir ted nga tagil’; yad ma lifith l’ugunrad, ma yad ma thang e pogofan, ma yad ma moro’ro’, ma yad ma par e pi’in ni gathi mabgol rorad. Pi kireb ni yad be rin’ e be yo’or i yan, yugu yad be pu’og e racha’.

Hosea 6:5

Ere kug l’oeg e pi profet rog ngomed ni ngrogned ngomed murung’agen e pufthin nge gechig. N’en ni gu ba’adag ni ngam nanged e mmom ma ba tamilang:

Hosea 6:9

Fapi prist e yad bod baraba’ i girdi’ ntamororo’ ma yad ba tacham ni yad ma pach ngu’ur son gad. Mus nga daken fare kanawo’ ni yan ko fagin nib thothup nga Shekem ma yad ma mathang pogofan riy. Miyad be ngongliy gubin e pi kireb ney nri lanin’rad.

Hosea 9:15

Be ga’ar SOMOL, “Gubin e ngongol rorad nib kireb e tabab u Gilgal. Ireram e gin gu tabab i dabuy dakenrad riy. Ma bay gu tulufrad ngar chuwgad u daken e nam rog, ni bochan e kireb ni kar rin’ed. Aram e dabkur t’ufgad rog; gubin e pi tayugang’ rorad ma kar togopluwgad ngog.

Revelation 3:19

Gu ma puwan’ ma gu ma gechignag urngin e pi’in yad ba t’uf rog. Ere mu tiyan’um ngam pi’ keruum ko denen ni ga be rin’.