Hosea 5:14 - Bible Ni Thothup

¹⁴ Bay gu cham ngak e girdi’ nu Israel ngu Judah ni bod ba layon nib gel. Bay gu popofrad nge mu’ mu gu pagrad. Nap’an ni gu ra girngiyrad nga bang, ma dariy be’ nra ayuwegrad u pa’ag.”

Hosea 5:14 Iomraidhean Croise

BABYOR NI JOB 10:16

Fa’an gu ra ngongliy ban’en nge yan i aw nib manigil, mag tulufeg ni bod ba layon; mus ko maang’ang ni ga ra ngongliy ni ngam gafgow nigeg.

BABYOR NI JOB 10:7

Ga manang nde buch e rog, ma dariy be’ nrayag rok ni nge ayuwegneg u pa’am.

Psalms 50:22

“Motoyilgad ko ren’ey, gimed e pi’in gimed be fekyathig, ya ri gu thang owchamed, ma dariy be’ nra ayuwegmed.

Psalms 7:2

ya ra dangay, ma bay ra fekedgag ni bod ba gamanman ni layon ko gin ndariy be’ riy ni nge ayuwegneg, ngar popofedgag u rom.

Isaiah 5:29

Salthaw e ke mada’ lungrad ngalang ni bod lungun e pi gamanman ni layon ni ka ra li’ed ba gamanman ni yad be fek i yan ngabang ndariy be’ nrayag ni lag rorad.

Jeremiah 25:38

I SOMOL e ke pag e girdi’ rok ni bod ba layon ni chuw ko low rok. Angin e mael nge gelngin e damumuw rok SOMOL nib gel e ke pingeg fare nam ke par ni gowa bang i daken e ted ndear tugul ban’en riy.

Lamentations 3:10

I son nageg ni bod ba gamanman ni bear; me og ngog ni bod ba layon.

Hosea 13:6

Machane fa’an mmarod ngalan fare nam ni bfel’, mi gimed abich ngam fosgad, mi gimed ufanthin ngam paged talig.

Hosea 2:12

Bay gu kirebnag e woldug rok ni grape nge fa yu ke gek’iy rok ni fig, ni i yog ni pi ilingen e ra pi’ed ngak ni bochan e i pigpig ngorad. Bay gu pingeg e yungi grape nge gek’iy ni fi’in nge par nike ba chuwo’ i gerger, ma bay yib e gamanman ni malboch nge kirebnag.

Hosea 6:1

Be ga’ar e girdi’, “Ngad sulod ngak SOMOL. Ke popofdad, machane ku bayi faseg e maad’ad rodad; ke maad’ad ngodad; machane bayi m’ag e mad ko yungi n’en nike maad’ad u dowdad.

Amos 2:14

Mus ko pi’in yad mmachreg ko mil ma dabiyag ni ngar thay gad; ma pi’in yad ba gel e bayi m’ay gelngirad, ma pi salthaw e dabkiyag rorad ni ngar ayuweged e pogofan rorad.

Mikah 5:8

Ma ku yad ra bod ba layon ni be gay e ggan ni nge kay u fithik’ e gerger ara gin bay e pan riy nma kay e gamanman. Bay i yan nga fithik’ e saf ngi i og ngorad nge popofrad, ma dariy be’ nra ayuwegrad rok.

Deuteronomy 28:31

Pi garbaw romed e bay nli’rad u p’eowchemed, machane dariy bang e ufin riy ni gimed ra kay. Pi dongki romed e bay ni girngiyrad nga orel ni gimed be guy, ma dab kun fulwegrad ngomed. Pi saf romed e bay ni pi’ ngak e pi to’ogor romed, ma dariy be’ nra ayuwegmed.

Deuteronomy 32:39

“‘I Gag, ma kemus ni go’ Gag e Got; dakuriy yugu reb e got ngabang. Gu ma thang e pogofan ma gu ma pi’ e pogofan, gu ma maad’ad nigey ma gu ma faseg e maad’ad, ma dariy be’ nrayag ni nge togopluw ko tin gu ma rin’.