Hosea 4:5 - Bible Ni Thothup

⁵ Maruwel ni gimed be tay ni rran nge nep’ e mm’ay fan, ma fapi profet e dariy e thilthil romed. Aram e nggu thirif yu Israel u but’ ni ir e chitiningmed.

Hosea 4:5 Iomraidhean Croise

Isaiah 50:1

Be ga’ar SOMOL, “Mogned, gimed be finey ma gu n’agmed e girdi’ rog ni bod be’ ni n’ag le’engin? Ere bu uw babyoren e machuw? Gimed be finey ma gu pi’med nchuway’ ngam kalbusgad ni bod be’ nib mo’on ni pi’ pifak nchuway’ ngar manged sib? Danga’, ni fekmed nga reb e nam ngan kalbus nagmed ni bochan e denen romed; ni fekmed ngam marod ni bochan e kireb romed.

Jeremiah 15:8

Ku gu yo’ornag e ppin nike yim’ e pumo’on rorad nike yo’or ko yan’ ni bay u dap’el’ay. Pi’in ni pagel ni pifakmed nike taw nga fel’ngirad e ku gu thang e pogofan rorad, ku gu gagiyegnag pi chitiningirad ka ra gafgowgad. Gugad paag ngorad nib tomgin ke yib e gafgow nib gel ngorad ma kar pired nga fithik’ e marus.

Jeremiah 23:9

Ke m’ingan’ug, ma gu be da’da’ nreb. Ni bochan SOMOL, nge bochan e thin rok nib thothup, ma kugu bod be’ nib chingnag, nike pag oren e wayin nike unum.

Jeremiah 50:12

machane fare binaw romed nib sorok e bay ni sobut’nag nge m’ay fan. Babylon e ra par ni ir u fithik’ gubin e nam e th’abi sobut’; ra fengfeng nge par nike daken e ted ni dariy e ran riy.

Ezekiel 14:3

Ni ga’ar, “Fak e girdi’, pi pumo’on ney e kar m’onaged e liyos u wan’rad kemang liyos e be waliyrad nga fithik’ e denen. Ere yad be leamnag ni gu ra non ngorad?

Hosea 2:2

Pifakag, mu weniggad ngak e chitiningimed, ni yugu aray rogon ni gathi ku ir le’engig ma gathi ku gag figirngin. Mu weniggad ngak nge tal ndabki yan nga figirngin be’ ma dabki i pi’ ir ni chuway’.

Hosea 2:5

ma der tamra’ ni be pi’ ir ni chuway’. I ga’ar, “Bay ug lek pi’ilngeg, ni yad be pi’ ganag nge ran, nge bunu’en e saf nge mad ni wech, nge gapgep ko olive nge wayin rog.”

Hosea 5:5

Uf uf ko girdi’ nu Israel e be togopluw ngorad. Denen rorad e be tun ayrad ngay ngar dol’ gad, ma girdi’ nu Judah e be un ngorad ko madol’.

Zekariah 11:8

Dakiyag ni gu k’adan’ug rok dalip i tagafal saf, ni dubrad dakenag, mug chuwegrad ni yad gubin u lan ta’ab pul.

Zekariah 13:2

Ma rofen nem e bay gu chuweg fithngan e pi liyos u daken e re nam ney, nge dab ku’urbad ngan’uy. Ma ku bay gu chuweg u daken e re nam ney e pi profet ni go’ bogi ban’en, mug chuweg u wun’uy chogowen e pi liyos ni nga un tayfan.

Galatia 4:26

Machane bin bay u tharmiy e Jerusalem e gathi ir reb e sib, me ir e chitiningdad.