Hosea 4:2 - Bible Ni Thothup

² Girdi’ riy e yad ra micheg boch e thin ni yad ra rin’ ma darir ted nga tagil’; yad ma lifith l’ugunrad, ma yad ma thang e pogofan, ma yad ma moro’ro’, ma yad ma par e pi’in ni gathi mabgol rorad. Pi kireb ni yad be rin’ e be yo’or i yan, yugu yad be pu’og e racha’.

Hosea 4:2 Iomraidhean Croise

Genesis 4:8

Me ga’ar Kain ngak Abel ni walagen, “Mu un ngog nga darow nga milay’.” Fa’anra tawgow nga milay’, me cheal Kain ngak walagen nge li’ ngem’.

Isaiah 24:5

Girdi’ e ka ra alit niged e fayleng ni bochan e yad be th’ab e motochiyel rok Got miyad be kirebnag fare m’ag ni ngongliy ni nge par ni manemus.

Isaiah 48:1

Motoyilgad ko ran’ey, gimed e girdi’ nu Israel, gimed e pi’in owchen Judah: Gimed ma mow nga fithingan SOMOL ma gimed ma yog ni gimed ma liyor ngak Got nu Israel — machane dariy bbug e thin ni gimed ma yog ni aram rogon u wan’med.

Jeremiah 51:5

I Gag fare SOMOL ni Got ni Gubin ma Rayag Rok, e dag pag yu Israel nge yu Judah, ni yug aram rogon ni kar denengad nib togopluw ngog, I Gag Fare Thothup nu Israel.

Jeremiah 6:7

Bod ba luwed nma par e ran riy nib machalbog, e aram rogon yu Jerusalem ni yad ma cha’riy e kireb ngi i par nib kak’ling u puluwrad. Cham nge gafgow e gu be rung’ag u lan binaw; ma liliy nge maad’ad e go’ ir e gu be guy.

Lamentations 4:13

Machane me buch ni aram rogon, ni bochan e i denen e pi profet nge pi prist ni aram tapgin e yam’ ngak bokun e girdi’ ni dariy ban’en nra bucheged.

Ezekiel 7:23

“Gubin ban’en ma ke wagagey — kesug e nam ko pi’in kan thang e fan rorad nge pi binaw nike suguy e cham.

Hosea 10:13

Ma dam rin’ed, ya kireb e mu yunged ni ngam t’ared wom’ngin. Kam ked wom’ngin e malulfith l’ugun romed. “Ya i pagan’med ko pi chariot romed nge feni yo’or e salthaw romed,

Hosea 10:4

Thin ni yad ma yog e dariy gam’ingin ma tin yad ma micheg e go’ ban nge m’ag ko thin u thilrad e bm’ayfan. Ngongol nib mat’aw e ke pilyeg ke ngongol ni de mat’aw, ni be ilal ni bod e pan ni yub u lan e milay’ ni kan gi’ e but’ riy.

Hosea 11:12

SOMOL e ga’ar, “Girdi’ nu Israel e kar liyegned gag ko felfel’ llugun nge ban, ma girdi’ nu Judah e ki yad be togopluw ngog, ni Gag fare Got nib yul’yul’ ma ba thothup.

Hosea 12:14

Girdi’ nu Israel e kar k’aringed e damumuw nib gel ngak SOMOL; tin kar ngongliyed e kabfel’ ni yad ra yim’. SOMOL rorad e bayi gechig nagrad ni fan e kar thiyar niged fithngan.

Hosea 5:2

nge ba low nib to’ar ko binaw nu Akacia, ere bay gu gechig nagmed ni gimed gubin.

Hosea 6:8

Yu Gilead e bbinaw nib sug ko girdi’ ni kireb nge pi tamathang pogofan.

Hosea 6:9

Fapi prist e yad bod baraba’ i girdi’ ntamororo’ ma yad ba tacham ni yad ma pach ngu’ur son gad. Mus nga daken fare kanawo’ ni yan ko fagin nib thothup nga Shekem ma yad ma mathang pogofan riy. Miyad be ngongliy gubin e pi kireb ney nri lanin’rad.

Hosea 7:1

“Nap’an ni gu ra leamnag ni nggu golnag e girdi’ rog nu Israel mug fal’eg rograd bayay, ma tin gu be guy e kemus ni leam rorad nge pangirad ni kireb. Yad be dumpumrad ngorad, ma yad be mab naun ngu’ur mororo’gad, ma yad be og ko girdi’ u kanawo’.

Hosea 7:3

Be ga’ar SOMOL, “Girdi’ e ra ban niged fare pilung nge pi tayugang’ rok ko pi makath rorad ni kireb.

Hosea 7:4

Yad gubin ni yad ba sasalap ni dariy e yul’yul’ rorad. Fananikan rorad e be gabulbul ni bod e nifiy u lan e wum ni cha’ ni be lum flowa e der bit’ ngay nge taw ko ngiyal’ nike fel’ rogon e flowa ni ngan lith.

Mikah 3:2

machane dabumed e tin ni bfel’, ya ba t’uf romed e tin nib kireb. Gimed be fathiy e biyach u downgin e girdi’ ni ka yad ba fos ma gimed be fathiy e ufin ko yil rorad.

Mikah 3:9

Gimed e pi’in gimed be gagiyegnag piyu Israel, ni ndabumed e tin nib yal’uw ma gimed be pingeg e tin nib mat’aw nge kireb.

Mikah 6:10

U lan e pi naun rok e pi’in kireb e bay e machaf riy nra feked u fithik’ e sasalap. Yad be sasalapiy i foleg ban’en, aram ban’en ni gub fananikay.

Mikah 7:2

Dariy ta’abe’ nike magey u daken e re nam ney nder sasaliyeb, ma dariy be’ riy nib yul’yul’ ngak Got. Ya yad gubin ni karm’ad. Urngin e girdi’ nra be’ ma yugu be son ni gomanga yigi bung rogon nge thang e pogofan. Gubin e girdi’ nra be’ ma be guy rogon nge aw be’ ko wup rok, ni be’ ko nam rok.

Zefaniah 3:1

Gafgow e nge tay yu Jerusalem, nib binaw nike sug ko kireb nge togopluw ni be gafgownag e girdi’ riy.

Zekariah 5:3

Ma aram me ga’ar ngog, “Daken e re gi babyor nem e kan yoloy ngay e buch wa’athan ni nge nad u daken e nam ni polo’. Ma barba’ i yang ko re babyor nem e be yog riy ni gubin e mororo’ ni bay ni chuweg u daken fare nam; ma barba’ i yang fare babyor e be yog riy ni gubin e pi’in yad ma mow ni go’ bogi ban’en e kiyra chuwegrad.

Zekariah 7:9

“Kakrom e gu pi’ e pi motochiyel ney ko girdi’ rog: ‘Thingar mu ted gimed ngay ni tin nib mat’aw e ngan rin’, ma thingar i m’ug e gol nge t’ufeg nge wurengan’ ni bayu thilmed ngomed.

Matthew 23:35

Aram fan ni gechig ni bay yib ni bochan urngin e girdi’ ni bfel’ nli’rad ngarm’ad e bay yib ngomed, ni mus ngak Abel nthang e fan rok ni be’ ni bfel’ e rok nge mada’ ngak Zekariah nib mo’on ni fak Barakiah, ni ir e mu li’ed ngem’ u thilin e Tempel nge altar.

Acts 7:52

Gur immoy ta’reb e profet ni pag pi chitamangimed ndar gafgow niged? Ra thanged e pogofan rok e pi’in nra feked e thin rok Got i yib ngorad ni Got e l’oegrad, ni kab kakrom me weliy Got ngorad murung’agen e wub ni bayi tay e Tapigpig rok ni be’ nib mat’aw. Me ere chiney e kam thanged e pogofan rok ni bochan e gimed e kam pi’ed kan li’.

Deuteronomy 5:11

“‘Dab mogned fithingag ni fan ko tin kireb, ya Gag fare SOMOL ni Got romed, e gu ra gechignag demturug be’ ni dariyfannag fithingag.

Deuteronomy 5:18

“‘Dab mu pirew be’ ni gathi mabgol rom.

Deuteronomy 5:19

“‘Dab mmoro’ro’.

1 Thessalonika 2:15

ni ireram e picha’ nra li’ed Somol Jesus nge pi profet, miyad gafgow nagmad. Dar fel’gad u wan’ Got! Ma yad be togopluw ngak urngin e girdi’!

Revelation 17:6

Mu gguy fare pin nike chingnag nga racha’en pi girdi’en Got, nge racha’en e pi’in nli’rad ngarm’ad ni bochan e ur pired ni yad ba yul’yul’ ngak Jesus. Ma fa’an gguy e re pin nem me ri gu gin ngak.