Hosea 4:16 - Bible Ni Thothup

¹⁶ Piyu Israel e yad ba gelan’ ni bod feni gelan’ e pi gamanman ni mule. Ere uw rogon ni nggu duruw’iyrad ni bod rogon pi pifak e saf ni bay u bangi garger nib galunglung e pan riy?

Hosea 4:16 Iomraidhean Croise

Psalms 78:8

Dab ra boded e pi chitamangirad kakrom, ni bogi girdi’ ni yad ba tatogopluw ma darir folgad, ni de muyluy e pagan’ rorad ngak Got, ma darir pired ni yad ba yul’yul’ ngak.

Isaiah 22:18

Bayi chibiyem ngalang ni bod bbat’ me yon’em ngalan bbinaw nib ga’. Nu rom e ga ra yim’ riy u charen e pi chariot nri ga ba uf ngay. I gur e ka mu thiyernag e naun rok e masta rom.

Isaiah 30:23

Demturug e ngiyal’ ni gimed ra yung e woldug romed, ma Somol e ra pi’ e n’uw ni nge tugulnag e pi woldug romed me yo’ornag wom’ngin, ma gamanman romed e bayi pire’ e yungi n’en ni ngu’ur abichgad riy.

Isaiah 5:17

Pifak e saf e bay ur ked e pan ma kaming ni bitir e bay ra pir’eged e gin ngar abichgad riy u lan fapi binaw nike mogoth.

Jeremiah 14:7

Girdi’ rog e yad be yor ngog ni yad be ga’ar, ‘Yug aray rogon ni denen romad e ku gu affed riy’en, machane SOMOL, mu aywegmad ni bod ni mmicheg. Kug pi’ed keru’mad ngom nike yo’or yay; ma ku gu denengad nib togopluw ngom.

Jeremiah 3:11

Ma aram me yog SOMOL ngog, ni yug aram rogon nike pi’ Israel keru’ ngak, ma ke gagyel ni ka ba manigil boch ngak Judah nde yul’yul’.

Jeremiah 3:6

Nap’an nib pilung Josiah, me ga’ar SOMOL ngog, “Kam guy e n’en ke rin’ Israel ni fare pin ni de yul’yul’? Ke cheal rog nga orel, ma gubin pe’bugul e yochi burey nge gubin tanggin e yuke gek’iy nib galunglung ma be ngongol riy ni bod be’ nma chuway’ ngak.

Jeremiah 3:8

I Judah e ki guy ni gu chuweg Israel nggu l’oeg nge chuw ni bochan e ke pi’ keru’ ngog ke mang be’ nma chuway’ ngak. Machane i Judah, ni be’ ni bpin nde yul’yul’ ni walagen Israel e de rus. Ku ir ma ke mang be’ nma chuway’ ngak

Jeremiah 31:18

“Ku gu rung’ag laman e girdi’ nu Israel ni be lungurad u fithik’ e kireban’, ‘SOMOL, ug moyed ni gamad bod ba gamanman ni dawor i mangmor, machane ka mu fil rogon ngomad ni nggu folgad. Mu fulwegmad; ku gu fal’egged rogomad ni nggu sulod ngom, I gur SOMOL, ni gur e Got romad.

Jeremiah 5:6

Aramfan ni gamanman ni layon u loway e bayi thangrad; ma pilis ni malboch u daken e ted ni desert e bayi popofrad ni yochyang, ma pi leopard e bay ura pachpach gad niyad be fita’ u lan e yochi binaw rorad. Pi girdi’ ney e yad ra yan nga waen, ma yira popofrad ni bochan e denen rorad ni kaygi yo’or ma ke yo’or yay ni yad be pi’ keru’rad ngak Got.

Jeremiah 7:24

Machane der folgad ara rtayan’rad ko tin kugog. Miyad thiliyeg ngu’ur rin’ed e tin be yog e gelan’ rorad ngorad nge leam rorad ni kireb, ma aram ma ra piggad ngari gel e kireb rorad.

Jeremiah 8:5

Ere mangfan ni gimed e girdi’ rog, e kammarod nga orel rog ni dakriy e sul romed nga tomur? Ka mu gamuchmuchgad ko pi liyos romed ka mu dabuyed ni ngam sulod ngog.

Hosea 10:11

“Israel e immoy ni bod ba fak e garbaw ni kan llowan’nag, nib magan’ ngay nma gunugunuy e grain. Machane kug turguy ni nggu tay ba m’at nga daken belel’gun ni bfel’usun nggu m’ag mug gelnag boch e maruwel ngak. Kug tay yu Judah ni ngu’ur girngiyed fen e magi’ but’ ma yu Israel e yad e ngu’ur girngiyed fen e pingeg but’ nge une.

Hosea 11:6

Mael e bay yan u lan e pi binaw rorad nge t’ar e mab ko garog. Me li’ e girdi’ rog, ni bochan e yad be rin’ e n’en ni yad rorad e yad be leamnag ni bfel’.

Hosea 11:7

Ri yad be guy rogon ni ngar pi’ed keru’rad ngog. Bay ra yorgad ngalang ni bochan fare mat’ ni bay u porad, ma dariy be’ nra chibiy nge chuweg rorad.

Levitikus 26:33

Bay gu pag e mael nge yib ngomed mu gu weregmed i yan u boch e nam ni gathi tafenmed. Nam romed e bay n’ag, ma pi binaw romed e bay ni pag nike mogothgoth.

Zekariah 7:11

“Machane pi girdi’eg e ra gel niged lanin’rad ndar motoyilgad, ra ninged lanin’rad

1 Samuel 15:11

“Kug kolngan’ug ni gu turguy Saul ni nge mang pilung; ya ke pi’ keru’ ngog daki fol ko tin gog ngak ni nge rin’.” Me par Samuel ni kari kireban’ ma ke damumuw, me par e re nep’ i n’em ni polo’ ni be wenig ngak SOMOL.