Hosea 4:14 - Bible Ni Thothup

¹⁴ Machane dab gu gechig nagrad ni bochan e ren’ey, ya ku er rogon gimed ni gimed ma yan ngak e pi ppin ni yad ma chuway’ ngorad u tempel, ngam cheaggad ngorad ngu’um pi’ed e maligach ko pi got ni go’ bogi ban’en. Ni bod fare bugithin ni yima yog nma lunguy, ‘Girdi’ ndariy e nangan’ rorad e yad ra kireb.’

Hosea 4:14 Iomraidhean Croise

1 Kings 15:12

Me chuweg u lan e re nam nem urngin e pumo’on nge ppin ni yad ma falchuway’ ngorad ma yad ma pigpig ngak yug boch e got ko yung i n’en tagil’ e meybil, me n’ag urngin e liyos ni yima meybil ngay ni i ngongliy e tin ni yad bm’on rok e pilung.

2 Kings 23:7

Me buthug e naun ni bay u lan e Tempel ni be par e pi’in yad ma falchuway’ ngorad u tempel riy. (Mu rom e ma lifith e ppin e mad riy ni fan ngak fare got ni bpin ni Asherah.) .

Proverbs 28:5

Girdi’ ni kireb e der manang fan e tin nib mat’aw, machane pi’in be liyor ngak SOMOL e yad mnangfan ni bfel’ rogon.

Isaiah 1:5

Mangfan ni kayugu mpired ni gimed be togopluw? Mogned, gimed ba’adag ni ngan gelnag e gechig ngomed? Israel, lolugmed e ke polo’ i maad’ad, ma lan gum’ircha’med nge lanin’med e ke m’ar.

Isaiah 27:11

Papa’ngin e gek’iy e ke l’ud be m’ingm’ing, be kunuy e pi’in ppin ni nge mang l’ud. Bochan e dar nang e girdi’ fan ban’en, me’ere Got ni En ni Sunumiyrad e bay dabki kirban’ ngorad ara dag bochu’uw i marunguy ngorad.

Isaiah 56:11

Yad bod e pilis ni bfel’ngak ndariy bingyal’ nma gaman. Picha’ ney e dariy ban’en ni yad manang fan. Ra bagyad ma be rin’ e n’en ni ba’adag ma be gaweg e tin nge yagnag ngak.

Daniel 12:10

Bo’or e girdi’ ni bay ni machalbog nagrad miyad par ni kar yal’uw gad. Girdi’ nib kireb e bay dab ra nanged fan, ngu’ur pired ni yad be ngongliy e kireb; ma pi’in yad ba gonop e bay ra nanged fan.

Hosea 14:9

Pi’in yad ba gonop e mang e yugur nanged fan e pin’ey ni ka ni yoloy miyad tay nga lanin’rad. Pi kanawo’ rok SOMOL e bmat’aw, ma pi’in nib mat’aw e yad ma yan riy, ma pi’in tadenen e ma tun ayrad ngar dol’gad, ya darir folgad riy.

Hosea 4:1

I SOMOL e bay e n’en ni nge yog ni ba togopluw ko girdi’ nu Israel ni be par ko re nam ney. Israel, mu telim ko n’en ni be yog ni be ga’ar, “Dariy e yul’yul’ nge t’ufeg u daken e re nam ney, ma dakriy e girdi’ ni be yog ni Gag Got.

Hosea 4:17

Girdi’ nu Israel e yad be par u tan gelngin e liyos. Ngan pagrad ngranod ko birorad e kanawo’

Hosea 5:4

Kireb nike ngongliy e girdi’ e ke tayrad ndarir sulod ngak e Got rorad. Pigpig ni yad be tay ngak yug boch e got e ke michigiyrad, dakuriy madgun SOMOL u wun’rad.

Amos 2:7

Yad be yot’ nga but’ e pi’in ni me’waer ndabiyag ni ngar ayuweged yad, ma yad be tharbeg e pi’in ni gafgow ni ngar chuwgad u kanawo’. Be’ nge chitamngin e yow be moleg ba sib ni bpin, ni aram e kar darifan niged fithingag nib thothup.

Amos 7:17

Amaziah, bochan e re bugithin nir ni kamog, me ere be ga’ar SOMOL ngom, ‘Le’engim e bay i pi’ ir nchuway’ u lan binaw, ma pifakam e bay nli’rad u fithik’ e mael. Ma binaw rom e bay ni th’eth’ab u but’ nga ni pi’ ngak yugu boch e girdi’, me gur e bay mum’ u daken e nam rok e pi’in ndar nanged Got. Ma girdi’ nu Israel e rib mich ni bay nchuwegrad ko nam rorad ngan kalbus nagrad.’”

Numbers 25:3

ni Baal u Peor. Ma aram miri damumuw SOMOL ngorad

John 8:43

Ere mangfan ndamur nanged fan e tin ni gu be yog? Bochan e dabiyag ni gimed ra k’adan’med ngam motoyilgad ko thin nike pi’ Got ngog ni nggub gog ngomed.

Roma 3:11

dariy ta’abe’ nib tamilangan’, ara be gayiy Got.

1 Korinth 6:16

Sana da mu nanged ni cha’ nra pi’ e dowef rok ngak be’ ni bpin nma pi’ ir nchuway’ e aram e kar ta’ab dowef fare pin? Ya babyor nib thothup e be yog nib tamilang ni be ga’ar, “Fa gali cha’ e bay ra pirew ni kar ta’ab dowef.”

Efesus 4:18

ma be par lanin’rad u fithik’ e lumor. Dawori yag ngorad e bin nma pi’ Got e wok, ni fan e dar nanged ma yad ba gelan’.

Deuteronomy 23:17

“Dariy be’ nib mo’on fa be’ ni bpin nu Israel ni ngi i chuway’ ngak u tempel.

Hebrews 12:8

Fa’anra dabi gechig nagmed ni bod rogon nma rin’ ngak urngin e tin ni pifak, me ere gathi gimed pifak, ya gimed pifak e moro’ro’.