Hosea 4:10 - Bible Ni Thothup

¹⁰ Bay mu ked e biromed e f’oth ko maligach, machane dabi m’ay e mak’iy romed. Bay um ted fan fapi got ko yong’ol, machane dabiyag e bbitir ngomed, ni bochan e ka mu pi’ed keru’med ngog ka mu leked boch e got.”

Hosea 4:10 Iomraidhean Croise

2 Kronicles 24:17

Machane yug nap’an ni yim’ Jehoyada me gelfen e pi tayugang’ nu Judah ngak Joash ni Pilung ni yad e ngi i motoyil ngorad.

Psalms 125:5

Machane nap’an ni ga ra gechignag e pi’in kireb, mu kum gechignag boch e pi’in ka ra paged e pi kanawo’ rom. Nge par e gapas u lan yu Israel!

Psalms 36:3

Ba kireb e thin rok ma ba sug ko mululufith; dar gonpiy ni nge rin’ e n’en nib gonop ma ba manigil.

Proverbs 13:25

Pi’in nib mat’aw e ba gaman garad, machane pi’in kireb e gubin ngiyal’ ni yad be yim’ ko bilig.

Jeremiah 34:15

Dawri n’uw nap’an nim thilyeged lanin’med ngam rin’ed e n’en nib magan’ug ngay. Gimed gubin ni magan’med ngay ni ngam paged e girdi’ nu Israel nge puf matawrad, mi gimed ngongliy ba m’ag u p’eowcheg, u lan fare Tempel ni yima liyor ngog riy.

Jeremiah 9:12

Mu gu fith nug ga’ar, “SOMOL, mangfan nike kireb e binaw ke par ndariy e ran riy ni bod daken e ted ni desert, ni dakuriy be’ ni be milekag riy? I mini’ e ba gaman e gonop rok nra nang fan e biney e pa’? I mini’ e ka mu weliy fan ngak nrayag ni nge weliy ngak boch e girdi’?”

Ezekiel 18:24

“Ma be’ nib mat’aw e fa’anra tal ndabki rin’ e tin ni bfel’ me tabab i rin’ urngin e kireb, ni pin’en nma rin’ e girdi’ ni kireb ni yira tamra’ ngay, gimed be finey nra par nib fos? Danga’! Dariy ban’en ko tin ni rin’ ni bfel’ ni gu ra leamnag. Bayi yim’ ni bochan e daki yul’yul’ nge bochan e denen rok.

Ezekiel 22:9

Boch e girdi’ romed e be gathibthibnag ma be t’ar e thin nga daken boch e girdi’ ya ngan thang e pogofan rorad. Ma bochi yad e be kay e pin’en ni kanpi’ ni maligach ko liyos. Ma boch i gimed e gubin ngiyal’ ni yad be gay e chum’er, ni nge gamen e tin yad be ar ar nag.

Hosea 4:14

Machane dab gu gechig nagrad ni bochan e ren’ey, ya ku er rogon gimed ni gimed ma yan ngak e pi ppin ni yad ma chuway’ ngorad u tempel, ngam cheaggad ngorad ngu’um pi’ed e maligach ko pi got ni go’ bogi ban’en. Ni bod fare bugithin ni yima yog nma lunguy, ‘Girdi’ ndariy e nangan’ rorad e yad ra kireb.’

Hosea 7:4

Yad gubin ni yad ba sasalap ni dariy e yul’yul’ rorad. Fananikan rorad e be gabulbul ni bod e nifiy u lan e wum ni cha’ ni be lum flowa e der bit’ ngay nge taw ko ngiyal’ nike fel’ rogon e flowa ni ngan lith.

Levitikus 26:26

Bay gu taleg e ggan nma yib ngomed, me par nri ta’reb e stof e ba t’uf rok ragag e ppin ni ngar lithed urngin e flowa ni bay rorad riy. Mra kuweged u pa’med nra be’ ma buchu’uw, ma nap’an ni gimed ra mu’ i kay ni gubin miki gimed be yim’ ko bilig.

Mikah 6:14

Bay um abichgad, machane damur fosgad. Bay um pired niki gimed ba yam’ ko bilig. Gimed ra fek boch ban’en, ma dabi magach u pa’med. Demturug e tin gimed ra cha’riy, ma gu ra kirebnag u fithik’ e mael.

Zefaniah 1:6

Bay gu thang mit e pi’in kar pi’ed keru’rad ngog nda kurir lekedgag, ni pi’in nda kurirbad ngog ara ra ninged e ayuw ngog ni nggu pow’iyrad.”

Haggai 1:6

Kam yunged e woldug ni grain nrib yo’or, machane wom’ngin ni kam t’ared e ri bochu’uw. Bay e ggan ni ngam ked, machane de gaman ni ngam fosgad ngay. Bay e wayin ni ngam unumed, machane de gaman ni ngam chinggad ngay. Bay e mad romed, machane de gaman ni nge magwal nagmed. Ma pi’in yad be maruwel e dab ra gaman gad u pulworad.