Hosea 3:4 - Bible Ni Thothup

⁴ Fan e ren’ey e bayi par e girdi’ nu Israel nib n’uw nap’an ndariy e pilung rorad ara pi’in ni nga urogned e thin rorad, ma dariy e gamanman ni maligach ni yad be pi’ ngak Got, ma dariy e malang nib thothup ni kan suweg, ma dariy e liyos ara fon ban’en ni yima bey ngay.

Hosea 3:4 Iomraidhean Croise

Genesis 31:19

U m’on ni chuw Rachel u nap’an ndemo’ Laban u tabnaw rok ya ke yan ni nge thethab buni’en e saf rok, me iring Rachel fapi liyos ni thothupen e tabnaw rok Laban.

Genesis 31:34

Ma kefek Rachel fapi liyos ni thothupen e tabnaw rok Laban ke tay ngalan e tutuw ko kamel ke par nga daken. Me’ere i gaweg Laban u gubin yang u lan fare tent ma de pir’eg.

Genesis 49:10

Fare sog ko pilung e dabi chuw rok Judah, ma ku dabi chuw fa lay i ren ni fen e gagiyeg u thilin e rifrif u ay; nge mada’ ko ngiyal’ ni bay yib e en ir e fen, ma bay i fol e girdi’ rok.

2 Samuel 6:14

Me churu’ David nike musmus nga rogon ni be tay fan SOMOL, ni kemus ni bangi mad nib wech e bay u lukngun.

2 Kings 23:24

Bochan e ngan fol ko fapi motochiyel ni ka ni yoloy u lan fare ke babyor ni pir’eg Hilkiah ni prist nib th’abi tolang u lan e Tempel, me chuweg Josiah ni Pilung u lan yu Jerusalem ngu lan yu Judah urngin e girdi’ nma non e kan u dakenrad, nge pi’in yad ma yog ban’en ni kabay nga m’on ni bayi buch, nge pi thothupen e tabnaw, nge liyos ni yima meybil ngay, nge urngin ban’en ni yima tayfan yug boch e kan ngay.

2 Kronicles 15:2

me yan ni nge mada’nag Asa ni Pilung. Me tolul ngak nib ga’ laman ni be ga’ar, “Asa ni Pilung mmotoyil ngog, nge gimed gubin e girdi’ nu Judah nge Benjamin! I SOMOL e bay romed u n’umngin nap’an ni gimed bay rok. Fa’an gimed ra gay, ma ra pagmed ngam patgad ngak, machane fa’an gimed ra pag, ma ra n’agmed.

Exodus 28:4

Mog ngorad ni ngar ngongliyed bangi mad ni yima tay nga daken ngorngorey, nge ba efod, nge ba wuru’ e mad nib n’uw, nge ba kenggin ni kan sisyunag, nge bangi mad ni yima bachiy nga lolugey, nge bangi leed ni mad. Ngar ngongliyed e mit i mad ney ni madan e prist nge fanay walagem i Aron nge pifak ni pumo’on, ya ngar pigpiggad rog ni prist.

Exodus 28:6

“Miyad ngongliy fare efod u bunu’en e saf ni kan k’ad ko ra’en mak’ef, purple, nge row; nge tret ni gol ra’en, nge mad ni wech, mi ni sisyunag daken ni fel’ ya’an riy.

Lamentations 2:9

Pi garog riy e ke mathrow nga chabungen e tin ke puth, ma pi dubchey ko garog e ke m’ingm’ing ke yochyang. Fare pilung nge pi tolang rok e kan fekrad ni kalbus ngabang. Fare Motochiyel e daknir machibnag, nge pi profet ni dakir pilyeg SOMOL e changar rorad.

Ezekiel 19:14

Kenggin fare ke grape e aw e nifiy ngay; me mo’ruf papa’ngin nge wom’ngin. Me par ndakriy reb i pa’ngin nib gel; ni dabkiyag ni yira fanay ni sog ko pilung. Re tang ney e rib tang ko kireban’ ara ba dololoy’; ni yugu yima yin’.

Ezekiel 20:32

Kam duwgiliyed u wun’med ni ngam pired ni bod boch e nam, ni bod rogon e girdi’ nma par u yug boch e binaw ni yad ma tayfan e gek’iy nge war. Machane dabyag ni nge yodrom.

Ezekiel 21:21

Fare pilung nu Babylon e sak’iy nga charen fa gin’en ni pow ko madar ko fa gal pa’ i kanawo’. Me rurug gan e gating rok; me fith lanyan’ e pi liyos rok; me fal’eg i yaliy adin ba gamanman ni maligach, ni nge nang e re pa’ i kanawo’ ni nge yan riy.

Ezekiel 21:31

Bay mu thamiyed e damumuw rog u nap’an ni gu ra th’ab gufan nga dakenmed ni bod e daramram. Ma bay gu pi’med nga pa’ e girdi’ ni kireb, nib salap ko mathang pogofan.

Daniel 11:31

Boch e salthaw rok e bay ra ta’ay niged fare Tempel. Bay ra taleged e maligach ni yu rran miyad suweg ngalang Fare N’en ni Th’abi Dabuy

Daniel 12:11

“Ngiyal’ ni ba’aram ni bay rtalgad ndab kur pi’ed e maligach ni yu rran, ni aram fa ngiyal’ ni ngan tay fare N’en ni Th’abi Dabuy nga tagil’, e 1,290 e rran ni bay yib nga tomuren.

Daniel 9:27

Ma re pilung nem e bayi par ni bay e tha’ nib mudugil u thilrad bo’or e girdi’ ni medlip e duw, mra yan dalip nge baley e duw ma bayi taleg e pi maligach nge pin’en ni yima ognag. Ma Fare N’en ni Th’abi Dabuy e bay ni tay ko gin th’abi tolang ko fare Tempel me par u rom nge mada’ ko ngiyal’ ni nge taw nga tol’ e cha’ ni ir e tay ngaram ni Got e ke tanomnag ni nge aw ngak.”

Hosea 13:10

Kam wenig niged ngog ni nggu pi’ ba pilung ngomed nge girdi’ ni ngi i yog e thin romed. Machane ra di’in me yag rorad ni ngar chuweged e nam romed ko riya’?

Hosea 13:11

Kug pi’ e pi pilung ngomed u fithik’ e damumuw rog, ma kug chuwegrad u fithik’ e damumuw nib gel.

Hosea 2:11

Urngin e pin’en ni be pi’ e felfelan’ ngak e bay gu taleg, ni aram e mur nma tay ko yu duw, nge rran nib thothup ko yu pul, nge madnom ko Sabbath ko yu wik — urngin e madnom nma tay.

Levitikus 8:7

Me yin’ fare kenggin e mad nga daken Aron nge fare wuru’ e mad nib n’uw me m’ag fare gi leed nga lukngun. Me yin fare efod nga daken me m’ag ko fare gi leed ni kan lifith nrib fel’ u lukngun.

Zekariah 10:2

Girdi’ e ma fith lanyan’ e pi liyos nge pi tamanbay, machane fulweg ni yad ma pi’ e go’ ban ni dariy fan. Bochiyad e ma weliy fan e lik’ay, ma kemus ni yad ma olobochiyem; ya ayuw ni yad ma pi’ e dariy fel’ngin. Ere girdi’ e be goroy i yan ni bod e saf nike malog. Kar oloboch gad ni bochan e dariy be’ ni be gafaliyrad.

Zekariah 13:2

Ma rofen nem e bay gu chuweg fithngan e pi liyos u daken e re nam ney, nge dab ku’urbad ngan’uy. Ma ku bay gu chuweg u daken e re nam ney e pi profet ni go’ bogi ban’en, mug chuweg u wun’uy chogowen e pi liyos ni nga un tayfan.

Luke 21:24

Ma bay nthang e fan rorad ko saydon, min fekrad ni kalbus nga urngin e nam, ma pi’in gathi yad piyu Israel e bay ur yot’ed daken yu Jerusalem nge mada’ ko ngiyal’ ni ngar musgad riy.”

John 19:15

Miyad fulweg u fithik’ e tolul ngak ni be lungurad, “Mu li’ ngem’! Mu li’ ngem’! Mu richibiy ko kuruth!” Me fith Pilate ngorad ni ga’ar, “Gimed ba’adag ni nggu richibiy e pilung romed ko kuruth?” Me fulweg fapi tolang ko prist ni lungurad, “Kemus ni Emperor nu Roma e ir e pilung romad!”

Hebrews 10:26

Ya dakuriy reb e maligach nra chuweg e denen ni fa’anra da leam niged ni ngu’ud denengad i yan u tomuren ni kan weliy ngodad e tin riyul’ kadnanged.

Judges 17:5

Re mo’on ney i Mikah e immoy tagil’ e meybil rok. I ngongliy boch e liyos nge ba efod, me mel’eg reb e pagel ni fak nge mang prist rok.

Judges 18:14

Ma aram e fa lal i pumo’on nranod ra damit niged fare gi binaw nib liyeg yu Laish e lungurad ngak e pi’in yad, “Gimed manang, nu roy u lan reb e pi naun ney e bay ba liyos riy ni yima meybil ngay ni kan ing ko silber? Ma kubay yug boch e liyos ni yima meybil ngay nge ba efod. Ere mang e gimed be leamnag ni ngad rin’ed?”

Judges 8:27

Me ngongliy Gideon ba liyos ko fapi gol nge tay ngalan e binaw rok u Ofra. Me pag piyu Israel Got ngranod ngaram ni ngar ted fan miyad meybil ko fare liyos. Ireram e wup nga puluwon Gideon nge girdi’ nu tabinaw rok.

1 Samuel 14:3

Ma Ahijah nib mo’on ni fak Ahitub, nib mo’on ni walagen Ikabod, me Ahitub e be’ nib mo’on ni fak Finehas, nib mo’on ni fak Eli, ni i mang prist rok SOMOL u Shiloh, e ke yon’ fare efod nga daken. Ma de nang fapi pumo’on nike yan Jonathan.

1 Samuel 15:23

Togopluw ni ngan tay ngak e ta’reb feni kireb nge pig, ma ufanthin nge tolngan’ e ba denen ni ta’reb rogon ko meybil ni yima tay ko liyos nma meybil boch e girdi’ ngay. Bochan e kam pi’ed keru’med ko tin ni yog SOMOL ngom ni ngam rin’, ma aram e ku er rogon ir nike n’igem ni aram e dab kum pilung.”

1 Samuel 2:18

Me par fare pagel i Samuel ngi i pigpig ngak SOMOL, ma chuw ngalan ba mad nib wech nrogon e prist.

1 Samuel 21:9

Me fulweg Ahimelek ni ga’ar, “Bay e saydon rok Goliath ni fare Filistine, ni facha’ nim li’ nge yim’ u lan e loway u Elah; bay u roy ni kan bachiy nga bangi mad u fon fare mad ni Efod. Fa’anra ga ba’adag, mag fek — kari mus e re talin e cham ni bay u roy.” Me ga’ar David, “Mu pi’ ngog, ya dariy bang e saydon u bang ni bod feni fel’ e gin!”

1 Samuel 22:18

Ma aram me ga’ar Saul ngak Doeg, “Mu thang e fan rorad!” — me thang Doeg e fan rorad ni yad gubin. Rofen nem e thang e fan rok meruk i ragag nge lal e prist ni kar tayon’ed e mad ni efod.

1 Samuel 23:6

Nap’an ni mil Abiathar ni fak Ahimelek nge yan ngak David ngalan yu Keilah, me ke fek fare mad ni efod.

1 Samuel 23:9

Nap’an ni rung’ag David nike t’ar Saul liben ni nge cham ngak, me ga’ar ngak Abiathar ni prist, “Mfek fare efod i yib ngaray.”

1 Samuel 30:7

Me ga’ar David ngak Abiathar ni prist ni be’ ni pumo’on ni fak Ahimelek, “Mu fek fare efod i yib ngog,” me fek Abiathar i yib ngak.