Hosea 2:19 - Bible Ni Thothup

¹⁹ Israel, bay gu fekem ngam mang le’engig; bay gu par ni gub yul’yul’; bay gu dag ngom e t’ufeg rog ni derma thil nge marnguy rog ni dabimus, mu ug tem nike mil suwom ngog ndariy n’umngin nap’an.

Hosea 2:19 Iomraidhean Croise

Psalms 85:10

T’ufeg nge yul’yul’ e yow ra mada’; mat’aw nge gapas e yow ra gamuchmuch nga ta’bang.

Isaiah 1:27

Ya SOMOL e ba mat’aw ere bayi mat’awnag yu Jerusalem nge en ke pi’ keru’ ko kireb rok.

Isaiah 54:14

Ngongol nib yal’uw ma bmat’aw e bayi gel nigem; ma dakuriy e gafgow nge marus ni nge yib ngom.

Isaiah 54:5

En ni sunumiyem e bayi bod be’ ni figirngim, fithingan e SOMOL ni Gubin ma Rayag Rok! Fare Got nib thothup nu Israel e bayi biyuliyem, ir e be gagiyegnag ga’ngin e fayleng!

Isaiah 54:6

Israel, ga bod ba rugod nike mabgol, ma kari kireban’ ya ke cheal figirngin ke n’ag. Machane SOMOL e ke piningem ni ngam sul ngak ma be ga’ar:

Jeremiah 4:2

ma aram e rayag ni ngam mowgad u fithingag. Ma aram e gubin e nam e bay roged ngog ni nggu tow’ath nagrad, ma bay ra pininged e sorok ngog.”

Ezekiel 16:8

“Ma nap’an ni gub gu wan bayay u to’obem, mug guy nike taw nga nap’an ni ngam adag be’. Mug upunguy dowam ni bay u tamilang ko thal ni wuru’ e mad rog mug micheg ngom ni nggu t’ufegnem. Magdow m’ag e mabgol rodow, ni aram e nge milfam ngog.” Irera’ e n’en ni be yog SOMOL ni Th’abi Tolang.

Ezekiel 39:29

Bay gu pu’og e kan nthothup rog nga daken e girdi’ nu Israel ma dakriy bingyal’ ni gu ra pi’ keru’ug ngorad. I Gag fare SOMOL ni Th’abi Tolang e kugog e pi thin ney.”

Hosea 14:4

Be ga’ar SOMOL, “Bay gu fulweg e girdi’ rog ngog. Ma bay ra pired nri yad ba t’uf rog, ya dakugur damumuw ngorad.

Joel 3:20

Bay gu falbeyen e pi’in kan thang e pogofan rorad; dabiyag ni gu pag e pi’in kireb e rok ndab gu gechig nagrad. Ma yu Judah nge yu Jerusalem e bay i par e girdi’ riy ndariy n’umngin nap’an, me Gag fare SOMOL e bay gu par u daken e Burey ni Zion.”

Zekariah 13:2

Ma rofen nem e bay gu chuweg fithngan e pi liyos u daken e re nam ney, nge dab ku’urbad ngan’uy. Ma ku bay gu chuweg u daken e re nam ney e pi profet ni go’ bogi ban’en, mug chuweg u wun’uy chogowen e pi liyos ni nga un tayfan.

John 3:29

Re mo’on ni nge mabgol e aram e cha’ nib mil suwon ngak e re pin ni nge le’ay; ma re mo’on ni fager rok fare mo’on ni ir e nge mabgol e ba sak’iy u to’oben ni be motoyil, mra rung’ag laman fare mo’on ni nge mabgol me felfelan’. Ireray rogon e felfelan’ rog nike yan i aw ngarogon.

Roma 7:4

Pi walageg, ere ku er rogomed ni kam m’ad rok e Motochiyel, ni bochan e kam manged bangi downgin Kristus, ni ir e chiney e ke mil famed ngak, ni ir e ni faseg ko yam’ ni fan e nge yib fadad ngak Got.

2 Korinth 11:2

Gu be taliyeg nagmed ni bod gelngin ni be leam nagmed Got; ya gimed bod be’ ni bpin nib machalbog ni kugog ngak ta’abe’ nib mo’on ni bay ra mabgolgow, ni aram Kristus.

Revelation 21:2

Mu gguy fare Binaw nib Thothup, ni aram fa bin nib be’ech e Jerusalem ni be yib u tharmiy nga but’ nike yib rok Got, nike fal’eg rogon ni bod be’ ni bpin ni nge mabgol nike yin’ e mad rok ni bfel’ ni nge yan ngar mada’gow e pumo’on rok.