Hosea 2:18 - Bible Ni Thothup

¹⁸ Re ngiyal’ i n’em e bay gu ngongliy ba m’ag u thilmad urngin e gamanman ni malboch nge arche’, nge dab ra gafgow niged e girdi’ rog. Bay gu chuweg urngin talin e cham ni fan ko mael u daken e nam, ni urngin e saydon nge gat’ing, mu gu tay e girdi’ rog ngu’ur pired u fithik’ e gapas ndakuriy ban’en nra buch rorad.

Hosea 2:18 Iomraidhean Croise

BABYOR NI JOB 5:22

Ra yib e cham nge uyongol ma ga ra minmin ngay, ma dab mu rus ko gamanman ni malboch.

BABYOR NI JOB 5:23

Yungi flang ni ga ra gi’ ni fan ko woldug e dariy e malang u fithik’; ma pi gamanman ni malboch e yad ba mangmor ngom.

Psalms 148:10

nge gimed urngin e gamanman, ni tin ni mongmor nge tin malboch, nge gamanman nma sirgig u daken e but’ i yan nge pi arche’!

Psalms 23:2

Ma pi’ e toffan ngog u daken e ted nib galunglung e pan riy, mma pow’iyeg nga yungi ran nib machalbog ma ba mocha’.

Psalms 46:9

Be taleg e pi mael ni yibe tay u fayleng i yan; be t’ar e gat’ing, ma be kirebnag epi sarey nge dilak, ma be urfiy e pi shield!

Isaiah 2:11

Bay i taw nga reb e rran ni bayi tal e tolngan’ ko girdi’ me math mit e ufanthin. Ma aram e SOMOL e go’ ir e bayi gilbugwan.

Isaiah 2:17

Tolngan’ ko girdi’ e bayi tal, me thang mit e ufanthin ko girdi’. Ma pi liyos e gubin ni bayi m’ay nga bang, ma SOMOL ni go’ ir, e bayi gilbugwan e rofen nem.

Isaiah 2:4

Bayi gapaseg thilin e pi nam ni gang’. Bay ra ama niged e pi saydon rorad ngar ngongliyed talin e maruwel riy nma gi’ e but’ nge pi sarey rorad nge mang yar ni yima th’ab papa’ngin e woldug ngay. Pi nam e dab ku ra maelgad bayay, ma dab ku ra fal’eged rogorad bayay ni fan ko mael.

Isaiah 26:1

Bayi taw nga reb e rran nra yin’ e girdi’ e re tang ni ba’aray u lan yu Judah: Binaw romad e ba gel! Got e ir e ma n’uf e pi rungrung riy.

Isaiah 32:18

Pi naun rok e girdi’ rok Got e bay un par riy u fithik’ e gapas ma dabi buch ban’en rorad, ma kem’ay e magafan’ rorad.

Isaiah 54:5

En ni sunumiyem e bayi bod be’ ni figirngim, fithingan e SOMOL ni Gubin ma Rayag Rok! Fare Got nib thothup nu Israel e bayi biyuliyem, ir e be gagiyegnag ga’ngin e fayleng!

Isaiah 65:25

Gamanman ni wolf nge pifak e saf e bay ur abichgad u ta’bang, ma pi gamanman ni layon e bay ur ked kenggin e grain ni bod e garbaw. Pi porchoyog e dab kur maad’adgad ngak e girdi’. Zion ni fare burey rog nib thothup e bayi par ndakuriy e kireb riy ma dariy ban’en riy ni yira maad’ad ngay.”

Jeremiah 23:6

Nap’an nra pilung, ma aram e dabki buch ban’en rok piyu Judah, ma aram e girdi’ nu Israel e bay ra pired u fithik’ e gapas. Ma cha’nem e bay nog fithingan ni ‘Ir SOMOL Nma Mat’aw Nagdad.”

Jeremiah 30:10

“Girdi’ rog dab murus gad; gimed e girdi’ nu Israel, dabi aw e marus nga yal romed. Ya bay gu laegmed ko fare binaw nib palog, fare binaw ni gimed ba kalbus riy. Bay mu sulod nga tabnaw ngam pired u fithik’ e gapas; bay um pired ni dariy ban’en ni ku ra buch romed, ma dariy be’ ni ku ra k’ar marus ngomed.

Jeremiah 33:16

Girdi’ nu Judah ngu Jerusalem e bay ur pired ni dabi buch ban’en rorad. Fare binaw e bay nog ni ‘Fare SOMOL ni Ir e Mat’wegdad.’

Ezekiel 34:25

Bay gu ngongliy reb e m’ag u thilmad ni ir e bayi micheg ngorad ni dabki buch ban’en rorad. Bay gu chuweg ko nam rorad urngin e gamanman nra i maad’ad ngorad, ni fan e nge yag ni par e saf rog u daken e ted ma yad be mol u fithik’ e gerger ni dabki buch ban’en rorad.

Ezekiel 39:1

I SOMOL ni Th’abi Tolang e ga’ar, “Fak e girdi’, mu non nib togopluw ngak Gog, ni ir e ga’ ko gagiyeg ko fagal nam nu Meshek ngu Tubal, ni ngamog ngak ni gag e to’ogor rok.

Zekariah 14:4

Rofen nem e ra sak’iy nga daken fare Burey ni Olive, ni bay ko ngek u Jerusalem. Ma aram e fare Burey ni Olive e bayi sey ko ngek i yan ko ngal nge ruw raba’, me aw ba loway nib ga’ u thilin. Barba’ fare burey e ra kan, ko lel’och, ma barba’ riy e ra kan ko yimuch.

Zekariah 14:9

Ma aram e bayi mang SOMOL e pilung u fayleng ni ga’ngin; gubin e girdi’ e bay ra liyor gad ngak ni ir Got miyad nang ni ku ireram fithingan.

Zekariah 2:11

Re ngiyal’ i n’em e ba yo’or e nam nra yib ngak SOMOL ngar manged girdi’en. Bayi par u fithik’med, mi gimed nang ni ir e ke l’oegeg kugub ngomed.

Zekariah 3:10

Ra taw ko rofen nem, ma ra bigimed me pining e en yow bbuguliyoror ni nge un ngak ko felfelan’ u fithik’ e gapas nge muduwgil, u fithik’ yungi woldug romed ni grape nge gek’iy ni fig.”

Zekariah 9:10

Be ga’ar SOMOL, “Bay gu chuweg e pi chariot ni fan ko mael u Israel, mu gu chuweg e pi os ni bay u Jerusalem; ma pi gat’ing ni yibe fanay ko mael e bay ni kirebnag. Pilung romed e bayi gagiyeg nge aw e gapas u thilin e pi nam; bayi gagiyeg u bang e day nge mada’ nga bang, me tabab ko lul’ ni Eufrates nge yan i mada’ ko yungi n’en ni mus e fayleng riy.”