Hosea 2:15 - Bible Ni Thothup

¹⁵ Mu gu fulweg ngak fa yungi grape ni fi’in, mu gu gagiyegnag e Loway ko Gafgow nge par ni mban e l’agan’. Mu rom e bay gu t’uf rok riy ni bod ni rin’ ko fa ngiyal’nem ni kab rugod, ni fa ngiyal’nem ni yib u Egypt.

Hosea 2:15 Iomraidhean Croise

1 Kings 16:31

Gathi kemus ni i rin’ e kireb ni i rin’ Jeroboam ni Pilung; ya ki leay Jezebel, ni fak Ethbaal ni Pilung nu Sidon, me un i tay fan Baal.

Psalms 106:12

Ma aram me mich u wan’ e girdi’ rok e thin ni i micheg miyad tangnag e sorok ngak.

Psalms 129:1

Israel, mog ngomad rogon nike gafgow nigem e pi to’ogor rom ni ka nap’an e kagab bitir.

Isaiah 65:10

Bay ra maybilgad ngog miyad pow’iy e saf rorad nge garbaw ko gin ngar ked e pan riy u lan e tafelfel’ u Sharon u lan e ngal ngu lan ba loway u lan e ngek ni fithingan e Loway ko Oloboch.

Isaiah 65:21

Girdi’ e bay ra toyed e naun miyad par u lan, ma gathi yugu be’ e bay yib i par ngay. Bay ra yunged e woldug ni grapes me fel’ rogorad u logowen, ma gathi yugu boch e girdi’ e bay ur unumed. Girdi’ rog e bayi n’uw nap’rad ni bod e gek’iy. Pin’en ni kar muruwliyed e ri bayi fel’ rogorad riy.

Jeremiah 2:1

I yog SOMOL ngog

Jeremiah 2:2

ni nggu wan nggu weliy e thin rok ngak urngin e girdi’ nu Jerusalem ni nge lungug: “Ku gu manang fanam yul’yul’ ko fa ngiyal’nem ni ka ga ba rugod, nge rogon fanag t’uf rom ko fa ngiyal’ ni ba’aram ni ka fin da mabgolgow; um lekeg u daken e ted ni desert, ngu daken e but’ ni dawor ni wolduguy bi’id.

Jeremiah 29:11

Yi go’ gag e gumnang e tin ku gu tanomnag ni fan ngomed, tanom ni nggu man’og nagmed ma gathi nggu gafgow nagmed, pi tanom nem e nge yag ngomed e tin u mu nameged.

Jeremiah 3:4

“Ma chiney ma ga be ga’ar ngog, ‘I gur e chitamag gur, ni ug moy ni gub t’uf rom ni kanpan e kugub bitir.

Jeremiah 32:15

I SOMOL ni Gubin ma Rayag Rok, ni fare Got rok yu Israel, e keyog ni naun, nge flang, nge milay’ ni grape e bay kun chuw’iy bayay u lan e re binaw ney.”

Lamentations 3:21

I sul e l’angan’ ngog nap’an ni gu leamnag e ren’en ni ba’aray:

Ezekiel 16:22

Nap’an e yafos rom ni sunsonogor ni ga ma falchuway’ ngom, ma dariy bingyal’ ni yib ngan’um salpem ni kagab bitir — fa ngiyal’ i n’em ni dariy e upong u dakenam, ni um leapleap u fithik’ e racha’ rom.”

Ezekiel 16:60

Machane bay gu tayfan fare m’ag ni gu ngongliy u thildow u nap’an ni kagab bitir, bay gu ngongliy ba m’ag u thildow nib manemus.

Ezekiel 16:8

“Ma nap’an ni gub gu wan bayay u to’obem, mug guy nike taw nga nap’an ni ngam adag be’. Mug upunguy dowam ni bay u tamilang ko thal ni wuru’ e mad rog mug micheg ngom ni nggu t’ufegnem. Magdow m’ag e mabgol rodow, ni aram e nge milfam ngog.” Irera’ e n’en ni be yog SOMOL ni Th’abi Tolang.

Ezekiel 28:25

I SOMOL ni Th’abi Tolang e ga’ar, “Bay gu fulweg e girdi’ nu Israel ko pi nam ni gu weregrad ngay. Ma gubin e nam ni yad ra nang ni gub thothup. Girdi’ nu Israel e bay ra pired u daken e but’ rorad, ni fare nam ni gu pi’ ko tapigpig rog i Jakob.

Ezekiel 28:26

Bay ra pired u rom ndabi buch ban’en rorad. Ma bay ur toyed e naun ma yad be ngongliy yung i milay’ ni grape. Bay ggechignag urngin e pi’in yad bbuguliyoror ni ur togopluwgad ngorad, me par yu Israel ni yad ba muduwgil. Ma aram e bay ra nanged ni Gag SOMOL ni Got rorad.”

Hosea 11:1

Be ga’ar SOMOL, “Nap’an ni kab bitir Israel ma rib t’uf rog; mu gu pining nga wuru’ yu Egypt ni bod be’ nib mo’on ni fakag.

Hosea 12:13

Me l’oeg SOMOL ba profet ni nge leag e girdi’ nu Israel ko sib ni yad be tay u Egypt me ayuwegrad.

Hosea 12:9

Machane Gag fare SOMOL ni Got romed ni gu pow’iymed nga wuru’ yu Egypt, e bay gu taymed ngkum pired u tent bayay, ni bod ni um pired fa ngiyal’ ni gub ngomed u lan e ted ni desert.

Hosea 13:4

Be ga’ar SOMOL, “I Gag SOMOL ni Got romed, ni gag e gu pow’iymed nga wuru’ yu Egypt. Re ngiyal’ i nem e dariy reb e Got romed kemus ni Gag. Yi go’ gag e ta’ayuw romed.

Hosea 2:12

Bay gu kirebnag e woldug rok ni grape nge fa yu ke gek’iy rok ni fig, ni i yog ni pi ilingen e ra pi’ed ngak ni bochan e i pigpig ngorad. Bay gu pingeg e yungi grape nge gek’iy ni fi’in nge par nike ba chuwo’ i gerger, ma bay yib e gamanman ni malboch nge kirebnag.

Amos 9:14

Bay gu fulweg e girdi’ rog ko nam rorad. Ma bay ra ngongliyed rogon lan e pi binaw rorad ni kan kirebnag miyad par riy; bay ra yunged yungi milay’ ni grape ngu’ur unumed e wayin riy; bay ra yunged yung i woldug ngu’ur ked wom’ngin e tin yad be yung.

Zekariah 9:12

Mu sulod, e pi kalbus u wuru’ e nam ya chiney e ke yib e l’agan’ romed; mu sulod ko nam romed ndabki buch ban’en romed. Chiney e gu be yog ngomed ni bay gu fulweg ngomed e pi fel’ wa’athan ni l’agruw yay nib yo’or ko pi gafgow ni ku’um ted.

Numbers 21:17

Aram e ngiyal’ ni yin’ e girdi’ nu Israel e re tang ni ba’aray: “Luwed mu pi’ e ran; Ma bay gun’ed tangin —

John 10:9

I gag e re mab nem. En nra yib ngog nge yan ngalan e yoror e ra thap; bay yib ngalan e yoror me sul nga wuru’, me pir’eg e pan ni nge kay.

Acts 14:27

Ma fa’anra tawgow nga Antiok miyow ulunguy girdi’en fare galesiya ngar weliyew ngorad urngin e tin nike rin’ Got u pa’row, nge rogon nike bing e kanawo’ ngak e pi’in gathi yad piyu Israel ni nge mich Jesus u wun’rad.

Joshua 7:26

Mar ulunguyed ba to’lung i malang nga daken ni kabay e pi malang nem u’ rom e daba’. Aramfan ni ku yima yog fithingan e re gin’em ni Loway ko Wagagey. Ma aram me m’ay e damumuw rok SOMOL.

Judges 8:34

Ma dakur pigpiggad ngak SOMOL, ni ir e Got rorad, ni ir e ayuwegrad u pa’ urngin e pi to’ogor rorad ni bay u to’obrad i yan.