Hosea 14:9 - Bible Ni Thothup

⁹ Pi’in yad ba gonop e mang e yugur nanged fan e pin’ey ni ka ni yoloy miyad tay nga lanin’rad. Pi kanawo’ rok SOMOL e bmat’aw, ma pi’in nib mat’aw e yad ma yan riy, ma pi’in tadenen e ma tun ayrad ngar dol’gad, ya darir folgad riy.

Hosea 14:9 Iomraidhean Croise

Genesis 18:25

Rib mudugil ndab mu chagiy e pi’in ndawor ra ngongliyed e kireb ko pi’in yad ba kireb ngam thangefan rorad. Dabiyag! Dabiyag ni ngam rin’ ni er rogon. Ya ra yodor, me ere bay ni gechignag e pi’in ndawor ra ngongliyed e kireb nta’reb rogon ngak e pi’in kar ngongliyed e kireb. Dabiyag ni nge yodor. Tapufthin ko fayleng ni polo’ e ma ngongol nib yal’uw.”

BABYOR NI JOB 17:9

Pi’in yad ma leamnag ni bfel’ e ngongol rorad e ka ra tared u wan’rad ni yad e ba sororad.

Psalms 107:43

Pi’in yad ba gonop e mang e yugur leam niged e pin’ey; mang e yugur tafnay niged fare t’ufeg rok SOMOL ni dabimus.

Psalms 119:128

Ere gag e rug ma falwok u gubin e fanow rom; gu ma fananikay urngin wo’en e kireb.

Psalms 119:75

SOMOL, gumnang ni tiriggil rom e go’ bmat’aw, ma ka mu gechig nigeg ni bochan e ga ba yul’yul’.

Psalms 84:5

Rib felfelan’ e pi’in gelngirad e gur e be yib rom, ma ba pasigan’rad ngay ni ngar milekaggad ngarbad ko burey ni Zion.

Psalms 84:7

Ra yad be yan ma yad be gel i yan, bay ra guyed fare Got ni ir e th’abi ga’ u fithik’ e pi got u Zion!

Proverbs 10:29

I SOMOL e ma yororiy e pi’in yul’yul’, machane ma kirebnag e pi’in yad ma ngongliy e kireb.

Proverbs 16:21

Be’ nib gonop ma ke ilal lanyan’ e yira nang u rogon feni tamilngan’ u ban’en. Ya feni fel’ e thin rok, e aram feni be m’agan’uy ko tin be weliy.

Proverbs 4:18

Fare pa’ i kanawo’ nma yan e girdi’ nib mat’aw u daken e bod e yal’ ni nge m’ug, ni be ga’ ra’en i yan nge mada’ ko ngiyal’ ni kari rran.

Isaiah 1:28

Machane bayi pirdi’iy e pi’in yad be denen ma yad be togopluw ngak; bayi thang e pogofan rok e pi’in kar pi’ed keru’rad ngak.

Isaiah 17:8

Bay dab ku ra paged e taga’ ko pi altar ni rfel’egned nga pa’rad, ara lagan’rad ko pin’en ni yad ma chamey nga pa’rad ni bogi ya’an Asherah ni fare got ni bpin nge altar ni yima urfiy e incense riy.

Isaiah 26:7

SOMOL, i gur e ga be pacheg e wo’ ni fan ngak e pi’in ni bfel’; kanawo’ ni yad be milekag riy e ba ayal ma bpach.

Jeremiah 29:12

Ma aram e bay um pininged gag. Ma bay um bad ngu’um meybilgad ngog ma bay gu fulweg taban e meybil romed.

Jeremiah 9:12

Mu gu fith nug ga’ar, “SOMOL, mangfan nike kireb e binaw ke par ndariy e ran riy ni bod daken e ted ni desert, ni dakuriy be’ ni be milekag riy? I mini’ e ba gaman e gonop rok nra nang fan e biney e pa’? I mini’ e ka mu weliy fan ngak nrayag ni nge weliy ngak boch e girdi’?”

Ezekiel 11:18

Ma nap’an ni yad ra sul, ma dabisiy ni ngar chuwegned gubin e pi liyos nib alit, mab sonogor ni yad ra pir’eg.

Ezekiel 18:25

“Machane bayi lungumed, ‘N’en ni be rin’ SOMOL e de mat’aw.’ Gimed piyu Israel, mu telmed ngog. Mogned, gimed be finey ni rogon ni gu be rin’ e tin ni gu be rin’ e de mat’aw? Rogon ni gimed be rin’ ban’en e de mat’aw.

Ezekiel 36:25

Bay gu atngiy e ran nib machalbog nga dakenmed nggu machalbog nagmed u urngin e meybil ni um ted ko pi liyos romed nge urngin ban’en nike taymed ni kam kirebgad u p’eowcheg.

Daniel 12:10

Bo’or e girdi’ ni bay ni machalbog nagrad miyad par ni kar yal’uw gad. Girdi’ nib kireb e bay dab ra nanged fan, ngu’ur pired ni yad be ngongliy e kireb; ma pi’in yad ba gonop e bay ra nanged fan.

Zefaniah 3:5

Machane SOMOL e ka be par u lan fare binaw; n’en nib mat’aw e be rin’ ya dariy e ngiyal’ nma rin’ ban’en nib kireb. Dariy reb e kadbul nde rin’ e tin nib mat’aw ko girdi’ rok. Ma girdi’ u rom nde mat’aw e go’ kireb e yad be rin’ ni dariy e ngar tamra’gad.

Zekariah 10:6

“Bay gu pi’ gelngin e girdi’ nu Judah; ma bay gu ayweg e girdi’ nu Israel ni dabi buch ban’en rorad; ma bay i kireban’ug ngorad nggu fulwegrad nga taferad. Ni gowa dag fek owcheg rorad. I Gag SOMOL ni Got rorad; bay ug fulweg taban e meybil rorad.

Matthew 11:19

Me yib e en ni Fak e Girdi’, mi i abich ma be garbod me ga’ar e girdi’ ni gubin, ‘Mu guyed e re mo’on ney! I ir be’ nib ta’abich mma unum e wayin, me ir e fager rok e pi’in tamukun tax nge pi’in ndabuy dakenrad ni yad ba thiyar u lan binaw!’ Machane gonop rok Got e ke gagyal nib riyul’, ko tin ke yib i m’ug riy.”

Luke 2:34

Me yibiliyrow Simeon ngak Got me ga’ar ngak Maria, ni chitiningin fachi tir, “Re tir ney e Got e ke duwgiliy ni ir e bo’or e girdi’ nu Israel ni nge mul ni bochan, ma bo’or e nge thap ngak Got; me ir e bayi mang ba pow ni yib rok Got ni bo’or e girdi’ ni bayi non nib togopluw ngay,

Luke 7:23

Rib felan’ e en ndagur maruwar u wan’!”

John 15:24

Fa’an mang e da gu ngongliy e pin’en u fithik’rad ndariy ta’abe’ ni ka’a rin’ ma dabi yan i aw nib kireb e rorad ko denen ni kar ngongliyed; machane rogon nike yan i aw e chiney e kar guyed e n’en ni kug ngongliy ma kar fanenikayed gag nge Chitamag.

John 18:37

Ma aram me fith Pilate ngak ni ga’ar, “Ere gur be’ ni gab pilung?” Me fulweg Jesus ni ga’ar, “Kamog ni gag be’ ni gub pilung. Ni gargel nigeg ngaray nga fayleng ni bochan e nggu weliy murung’agen e tin riyul’. En ni girdi’en e tin riyul’ e ra rung’ag e thin ni gu be yog.”

John 8:47

En ni yib rok Got e ma motoyil ko thin rok Got. Machane gimed e gathi mbad rok Got, aram fan ndab mmotoyilgad ko thin rok Got.”

John 9:39

Me ga’ar Jesus, “Ku gub ngaray nga fayleng ni nggu ki’eg e girdi’ ni fan e pi’in yad bmalmit e ngar guyed ban’en, ma pi’in yad be guy ban’en e ngar malmitgad.”

Acts 13:10

me ga’ar, “Fak e mo’onyan’ gur! I gur e to’ogor rok urngin e tin ni bfel’ ban’en; gab sug ko urngin mit e sabanban ni kireb, ma gubin ngiyal’ ni ga be guy rogon ni ngam pingeg e thin rok Got nib riyul’ nge yan i par u wan’ e girdi’ ni thin ni malifith!

Roma 7:12

Re Motochiyel nem ni polo’ e ba Thothup, mra reb e pi motochiyel nem ma ba Thothup, ma bmat’aw, ma bfel’.

Deuteronomy 32:4

“I SOMOL e ba gel ma bay i par ni manaf romed, ir e ba yal’uw ma bmat’aw urngin e tin ma rin’. Got romed e ba yul’yul’ ma der ma ban, ngongolen e bfel’ ma ba yal’uw.

Revelation 15:3

ni yad be yin’ fare tang rok Moses, ni ir fare tapigpig rok Got, nge fare tang rok fare Fak e Saf, ni ga’ar: “Somol ni Got, ni Gubin ma Rayag Rok, rib sorom ngarogon feni fel’ e ngongol rom! Me gur e Pilung rok gubin e nam, rib mat’aw ma ba riyul’ e tirom e kanawo’!