Hosea 14:5 - Bible Ni Thothup

⁵ Rogog ngak piyu Israel e bod e n’uw ko but’ ni fengfeng. Bay yib e muk’uf rorad ni bod e floras; ma bay yan lik’ngirad nib to’ar nga fithik’ e but’ ngar pired ni yad mmudugil ni bod e pi gek’iy nu Lebanon.

Hosea 14:5 Iomraidhean Croise

2 Samuel 23:4

e bod e woch ni be puf ni kadbul ndariy e manileng u lanelang, ma bod e yal’ nma yib ram’en nga daken e pan u tomuren e n’uw me galgal.”

2 Kings 19:30

Ma girdi’ nra mageygad u Judah ndar m’ad e bayi fel’ rogorad ni bod e woldug ni yan lik’ngin nga fithik’ e but’ nib to’ar me yib wom’ngin.

BABYOR NI JOB 29:19

Bod rogog ba ke gak’iy ni bay lik’ngin u fithik’ e ran ni gubin ngiyal’ ma papa’ngin e be par nib monur ko wa’angchal.

Psalms 133:3

Bod e wa’angchal u daken e Burey ni Hermon, ni be mul nga daken e burey nu Zion. Ya ireram e gin ke micheg SOMOL e tow’ath rok riy — ni yafos ndariy n’umngin nap’an.

Psalms 72:16

Mang e yigi yo’or e grain u daken e nam; mang e yigi sug daken e yochi burey ko woldug, ngi i k’uf ni bod e woldug nu Lebanon. Mang e yigi sug e pi binaw ko girdi’, ni bod e pan u daken e pi flang.

Psalms 72:6

Mang e yigi par e en ni pilung ni bod e n’uw ni be aw nga daken e yungi flang, nge ran ni be tarannag e but’.

Psalms 80:9

Kam tamilangnag mit ni nge tugul; ke yan lik’ngin nib to’ar’, ke fana’ daken e fare nam.

Psalms 92:12

Pi’in nib mat’aw e bay ra dommalgad ni bod e gek’iy ni palm; yad ra ilal ni bod e cedar nu Lebanon.

Psalms 92:13

Yad bod e gek’iy nni yung ngalan e naun rok SOMOL, ni be dommal u lan e Tempel rok e Got rodad,

Proverbs 19:12

Damumuw ko pilung e bod e tolul rok ba layon, machane ra felan’ ma bod e waangchol u daken ran’ e pan.

Tang Ko Pitang 2:16

Adag rog e ba milfan ngog, ma bmilfag ngak. Ma durwi’iy e gamanman rok u fithik’ e floras ni giyab,

Tang Ko Pitang 4:5

Thuthum e bod e gazelle, ni gowa l’agruw i deer ni athlog ni yow be kay e pan u fithik’ e floras ko giyab.

Isaiah 12:1

Bayib reb e rran ni bayi tang e girdi’ ni yad be ga’ar, “Gu be pining e sorok ngom, SOMOL! Um damumuw ngog, ma chiney e kam fal’eg lanin’ug ma ke chuw e damumuw rom.

Isaiah 18:4

I SOMOL e ga’ar ngog, “Bay gu changar u tharmiy nga but’ ni bod feni mocho’ e garbeb nma sum nnep’ ko ngiyal’ nike el wom’ngin e woldug, bod feni mayluy ram’en e yal’ nimsiw’.

Isaiah 26:19

Girdi’ rodad ni karm’ad e yad ra fos bayay! Dowef rorad e ku ra sul e yafos ngay. Urngin e pi’in yad bmol u lan e low rorad e bay ra odgad miyad tangnag e felfelan’. Bod nma gal ra’en e wa’angchol ko garbeb nge kak’lingnag e fayleng, aram rogon SOMOL ni bayi faseg e pi’in karm’ad kakrom.

Isaiah 27:6

Lan e pi rran nem ni bayib e girdi’ nu Israel, ni owchen Jakob e bayib lik’ingirad ni bod ba ke gek’iy, nge puf e floras riy nge yib wom’ngin. Fayleng e ra sug daken u wom’ngin ni be k’uf.

Isaiah 35:2

Ted ni desert e bayi tang ma be tolulnag e felfelan’; bayi bod feni fel’ ya’an e Burey nu Lebanon, ma ba yong’ol e but’ riy ni bod e ted u Karmel ngu Sharon. Gubin e girdi’ ni bayi guy e muluplup rok SOMOL, nge feni ga’ nge feni gel gelngin.

Isaiah 44:3

“Bay gu pi’ e ran ko fare but’ nike balel, mu gu gagiyegnag yu pa’ i lul’ nge yan u daken e but’ nike mlik. Bay gu pu’og e kan nthothup rog nga daken pifakmed, mu gu fal’eg wa’athan e pi’in owchemed.

Isaiah 45:8

Bay gu pi’ e gel nge mat’aw nge map’ u lang nga but’ ni bod e n’uw; bayi mab e but’ nge fek, me yib wom’ngin ni puf rogon nge mat’aw. I Gag SOMOL e bay gu gagiyeg nge yodoro’.”

Isaiah 57:18

“Kug guy rogon ni yad be ngongol, machane bay ggol nagrad. Bay gu pow’iyrad mu gu ayuwegrad, ma bay gu fel’eg laniyan’ e pi’in ke kireban’rad.

Isaiah 57:19

Ma bay gu pi’ e gapas ngak gubin e girdi’, ni tin yad ba chugur nge tin yad bpalog! Bay gu golnag e girdi’ rog.

Jeremiah 3:22

Msulod, gimed urngin e pi’in ka mu pi’ed keru’med ku SOMOL; ra gol nagmed me gagiyeg nagmed ngam yul’yul’gad ngak. Gimed be ga’ar, “Arogon, ngu sulod ngak SOMOL ni bochan e ir e Got romad.

Jeremiah 32:41

Bayi fel’ lanin’ug ngay ko tin nib manigil ni nggu rin’ ngorad, ma bay gu dugliyrad ni dariy n’umngin nap’an u lan e re nam ney.

Hosea 6:3

Ngad guyed rogon ngad nanged SOMOL. Bay yib ngodad ni bod feni muduwgil nma puf e woch ara bod e n’uw nma aw u ngal’an e n’uw.”

Mikah 5:7

Girdi’ nu Israel nra magachgad ni dar m’ad e bay ra boded e wa’angachal niki kakling bayay ni SOMOL e ke l’oeg ni fan nga bokum e nam, ni bod e n’uw nga daken e woldug ni be ilal. Bay ra toergad ngak Got ma gathi girdi’.

Mikah 7:18

SOMOL, dakuriy yugu reb e got nga bang ni bod gur; kam n’ag fan e denen rok e tin ke magey ko girdi’ rom. Damur par ni gab damumuw ni dariy n’umngin nap’an, ga ba felan’ ngay ni ga ma dag ngomad fare t’ufeg rom ni dabimus.

Matthew 6:28

“Ma mang ni nge magafan’med ko mad ni nga mon’ed? A mu guyed rogon ni be tugul e floras u fithik’ e pan: darir maruwelgad ara ur ngongliyed e mad ni fan ngorad.

Luke 12:27

A mu guyed ngarogon ni be tugul e floras u fithik’ e pan: darir maruwelgad ara ur ngongliyed e mad ni fan ngorad. Machane nggog ngomed, ni mus ngak Solomon, ni aram feni yo’or ban’en rok ma da immoy e mad rok ni bod feni fel’ ya’an reb e pi floras ney.

Efesus 3:17

mi i par Kristus u lanin’med u daken e michan’ romed ngak. Gu be meybil ngak Got ni nge yan lik’ngimed nga fithik’ e t’ufeg nrogon ni nge t’uf Got romed nge girdi’, mi gimed par riy me mang def ngomed,

Deuteronomy 32:2

Machib rog e bayi aw ni bod e n’uw, me ngal’ ni wa’angachal u but’ ni kadbul. Thin rog e bayi aw ni bod e n’uw ni aw ko woldug ni ka fini tugul, ma bod e n’uw ni be sa’aw’aw nga ran’ e pan ni kab mererey.