Hosea 13:7 - Bible Ni Thothup

⁷ Ere bay gu cham ngomed ni bod ba layon. Bay gu pach nggu son nagmed ni bod rogon ba gamanman ni leopard.

Hosea 13:7 Iomraidhean Croise

BABYOR NI JOB 10:16

Fa’an gu ra ngongliy ban’en nge yan i aw nib manigil, mag tulufeg ni bod ba layon; mus ko maang’ang ni ga ra ngongliy ni ngam gafgow nigeg.

Isaiah 42:13

SOMOL e ke yan ni nge mael nrogon be’ nib falu’ ma ba sorok; ke fal’eg rogon ni fan ko mael. Bayi tolulnag ni ngan mael; me dag gelngin nib togopluw ngak e pi to’ogor rok.

Jeremiah 25:38

I SOMOL e ke pag e girdi’ rok ni bod ba layon ni chuw ko low rok. Angin e mael nge gelngin e damumuw rok SOMOL nib gel e ke pingeg fare nam ke par ni gowa bang i daken e ted ndear tugul ban’en riy.

Jeremiah 5:6

Aramfan ni gamanman ni layon u loway e bayi thangrad; ma pilis ni malboch u daken e ted ni desert e bayi popofrad ni yochyang, ma pi leopard e bay ura pachpach gad niyad be fita’ u lan e yochi binaw rorad. Pi girdi’ ney e yad ra yan nga waen, ma yira popofrad ni bochan e denen rorad ni kaygi yo’or ma ke yo’or yay ni yad be pi’ keru’rad ngak Got.

Lamentations 3:10

I son nageg ni bod ba gamanman ni bear; me og ngog ni bod ba layon.

Hosea 5:14

Bay gu cham ngak e girdi’ nu Israel ngu Judah ni bod ba layon nib gel. Bay gu popofrad nge mu’ mu gu pagrad. Nap’an ni gu ra girngiyrad nga bang, ma dariy be’ nra ayuwegrad u pa’ag.”

Amos 1:2

Me ga’ar Amos, “I SOMOL e tolul u Burey ni Zion; be yib laman u Jerusalem ni bod lingan e dirra’. Nap’an ni yodorom me yim’ e pan nma kay e gamanman, ma pan nib galunglung ni bay u daken e Burey ni Karmel e pig nge mororoy.”

Amos 3:4

Gur rayag ni nge tolul ba layon u magerger ni ba ga’ laman ni fa’anra dawori pir’eg ba gamanman ni nge og ngak? Gur rayag ngi i tolul ba layon ni kab bitir u lan tafen ni fa’anra dawori kol ban’en?

Amos 3:8

Nap’an nra tolul ba layon, me mini’ e ra par ndabi rus? Ma nap’an nra welthin SOMOL ni Th’abi Tolang, me mini’ e rayag rok ni nge par ndabi weliy e thin rok?

Revelation 13:2

Re gamanman nem ni gguy e bod ya’an ba gamanman ni leopard, ni bay ay ni bod ay e gamanman ni bear, nge l’ugun ni bod l’ugun e layon. Me pi’ fare dragon gelngin ngak fare gamanman, nge tagil’, nge mat’awun ni ba ga’ lungun u puluwon e girdi’.