Hosea 13:4 - Bible Ni Thothup

⁴ Be ga’ar SOMOL, “I Gag SOMOL ni Got romed, ni gag e gu pow’iymed nga wuru’ yu Egypt. Re ngiyal’ i nem e dariy reb e Got romed kemus ni Gag. Yi go’ gag e ta’ayuw romed.

Hosea 13:4 Iomraidhean Croise

2 Kings 18:35

Gur bay reb e got u fithik’ urngin e kan ko pi nam ni yag rok ni nge ayuweg e nam rok u pa’ e pilung nu Assyria? Ere uw rogon ni gimed be leamnag ni nge ayuweg SOMOL yu Jerusalem?”

Isaiah 43:3

Ya Gag e SOMOL ni Got rom, ni fare Got nib thothup nu Israel ni ir e ma chuwegem u pa’ e to’ogor rom. Bay gu tay yu Egypt nga luwam ni fan e ngan pagem; bay gu tay yu Ethiopia nge yu Seba nga luwam.

Hosea 11:1

Be ga’ar SOMOL, “Nap’an ni kab bitir Israel ma rib t’uf rog; mu gu pining nga wuru’ yu Egypt ni bod be’ nib mo’on ni fakag.

Hosea 12:10

“Gu non ko pi profet; me Gag e gu pilyeg e changar rorad ngar guyed bo’or ban’en, mu daken e pi profet rog e bo’or yay ni gginang e girdi’ rog riy.

Hosea 12:9

Machane Gag fare SOMOL ni Got romed ni gu pow’iymed nga wuru’ yu Egypt, e bay gu taymed ngkum pired u tent bayay, ni bod ni um pired fa ngiyal’ ni gub ngomed u lan e ted ni desert.

Hosea 2:15

Mu gu fulweg ngak fa yungi grape ni fi’in, mu gu gagiyegnag e Loway ko Gafgow nge par ni mban e l’agan’. Mu rom e bay gu t’uf rok riy ni bod ni rin’ ko fa ngiyal’nem ni kab rugod, ni fa ngiyal’nem ni yib u Egypt.

Hosea 2:20

Bay gu tay nga tagil’ e thin ni kug micheg ngom mu gu tem nike mil suwom ngog; ma bay mu nang ni gag e SOMOL.

Jonah 2:10

Me non SOMOL ngak fare nig, me yib fare nig i thuwag Jonah nga dap’el’ay.

Acts 4:12

Kemus ni Jesus e rayag rok ni nge thapeg e girdi’ ngak Got; ya dakuriy yugu reb e ngachal ngabang u roy u fayleng ni pi’ Got ngak e girdi’, ni ir e rayag rok ni nge thapegdad ngak Got.”