Hosea 13:3 - Bible Ni Thothup

³ Ere pi girdi’ ney e bay ra m’aygad ngabang ni bod e garbeb ni kadbul, ma bod e wa’angchol nma m’ay ngabang nri kakadbul u reb e rran. Bay ra boded keru’ e grain nike fek e nifeng ke chuw ko gin yima chuweg keru’ e grain riy, ku bod e ath ni be chuw u tafen e ath.

Hosea 13:3 Iomraidhean Croise

BABYOR NI JOB 21:18

ara thoyrad ngar uned u fithik’ e nifeng ni bod e chabung nike mlik, fa bod e fiyath ni un ko yako’?

BABYOR NI JOB 30:15

Ke li’eg e marus; kem’ay fag ni bod buchuth i nifeng ma fla’ab rog e ke ling ni bod bangi manileng.

Psalms 1:4

Ma girdi’ nib kireb e gathi ara’rogorad! Yad bod kenggin e grain ni kan th’ab ke mlik’, nra aw e nifeng ngay me changegnag.

Psalms 68:2

Ni bod e ath nike un ko nifeng, e aram rogon nma tulufrad; ni bod rogon nma ranran e kindel u mit e nifiy, e aram rogon e pi’in kireb nra math owcharad u p’eowchen Got.

Isaiah 17:13

Fapi nam e kar gurgad i yib ni bod payngin e n’ew, machane Got e puwan’ ngorad miyad sul nga tomur, rchuwgad ni bod e fiyath ni un ko nifeng u barba’ e burey ara pan ni mlik’ u fithik’ e nanyor.

Daniel 2:35

Ka chingiyal’nem me muchubu’ fapi wasey, nge fapi but’, nge fapi wasey ni bronze, nge fapi silber, nge fapi gol nge yan i par ni bod e fiyath u daken bangi n’en ni yima gunugunuy wom’ngin e grain riy ko ngal’an e gowel. Me yib i aw e nifeng ngay nge changegnag ni gubin, nde pag buchu’uw i chabungen. Machane me ga’ fare malang nge yan i par nike ngal’ nib burey nike upunguy e fayleng ni ga’ngin.

Hosea 6:4

Be ga’ar SOMOL, “Israel nge Judah, be mang e nggu rin’ ngomew? Rogon ni gub t’uf romew e kem’ay ni bod e ath ni sum ko garbeb ni kadbul me m’ay ngabang nib machreg; bod e wa’angachal ni kab kadbul me m’ay ngabang.

Zefaniah 2:2

u m’on ni nge thoyem e nifeng ngam changeg ni bod e chabung ni un ko nifeng, u m’on ni nge yib e damumuw rok SOMOL ni be yikyik nga dakenam, ngu m’on ko fare rran ni nge dag gelngin e damumuw rok.

Zekariah 8:12

Bay ra yunged e woldug rorad u fithik’ e gapas. Yuke grape rorad e bay yib wom’ngin, me tugul e woldug u but’, ma bayi yo’or yang e n’uw ni ngi i aw. Gubin e pi tow’ath ney e bay gu pi’ ngak girdi’en fare nam rog nra magachgad ni yad bfos.