Hosea 13:15 - Bible Ni Thothup

¹⁵ Yugu aram rogon ni be fel’ rogon yu Israel i yan ni bod rogon e pan ni be tugul i yan nib machreg, ma bay gu pi’ e nifeng nib gowel u ngek nge yib u daken e ted ni desert, ma bayi mlik’nag e pi alublub nge pi luwed rorad. Bayi fek urngin ban’en nib t’uf ma ba tolang puluwon.

Hosea 13:15 Iomraidhean Croise

Genesis 41:23

Me yib i m’ug medlip punug e grain nib achig, ma ke mororoy ni bochan e nifeng nib gowel ni be yib ngay u daken e ted ni desert.

Genesis 41:52

Miki ga’ar, “Re nam ni kug pir’eg e gafgow riy, e ir e ke pi’ Got e bitir ngog riy”; ma aram me tunguy fithingan e bin l’agruw e pagel ni fan ni Efraim.

Genesis 41:6

Me yib i m’ug medlip punug e grain nib achig punug ma ke mororoy ni bochan e nifeng nib gowel ni be yib ngay u daken e ted ni desert,

Genesis 48:19

Me siyeg e chitamngin ni ga’ar, “Fakag, gu manang, gu manang. Pi’in ni bay yib ni owchen Manasseh e ku er rogorad ni bay ra manged girdi’en reb e nam ni ba ga’. Machane bin ni walagen nib bitir ngak e bayi par ni kab ga’ rok, ma pi’in ni bay yib ni owchen e bay ra manged girdi’en boch e nam nib ga’.”

Genesis 49:22

“I Josef e bod ba dongki nib malboch u to’oben ba alublub, Bod ba fak e dongki ni malboch ni bay u sigre’en bburey.

BABYOR NI JOB 18:16

Pi lik’ngin nge pa’ngin e go’ ke mororoy ke mlik’.

Psalms 1:4

Ma girdi’ nib kireb e gathi ara’rogorad! Yad bod kenggin e grain ni kan th’ab ke mlik’, nra aw e nifeng ngay me changegnag.

Psalms 109:13

Mang e yigi math mit e pi’in owchen, mang e yigni pagtalin fithingan u lan e bin bayib e mfen.

Isaiah 14:21

Nge tabab e mathang pogogfan! Pi’in pagel ni fak e re pilung ney e ngarm’ad ni bochan e pi denen ko pi chitamangirad kakrom. Dakriy bagyad nra gagiyegnag e fayleng bangiyal’ ara rsugyed daken ko pi binaw ni yad e ra ngongliyed.

Isaiah 17:13

Fapi nam e kar gurgad i yib ni bod payngin e n’ew, machane Got e puwan’ ngorad miyad sul nga tomur, rchuwgad ni bod e fiyath ni un ko nifeng u barba’ e burey ara pan ni mlik’ u fithik’ e nanyor.

Isaiah 27:8

I SOMOL e gechignag e girdi’ rok ni pi’rad ni kalbus nga wuru’ e nam. I tharbegrad nga fithik’ e nifeng nib gel ni yib ko ngek.

Isaiah 41:16

Bay mon’rad ngalang; me yib e nifeng i fekrad, me weregrad e nifeng nib gel. Ma aram e bay mu felfelan’ ni bochan e Gag e Got rom; bay mu pining e sorok ngog i Gag fare Got nu Israel ni gub thothup.

Jeremiah 20:5

Bay ku gu pag e pi to’ogor rorad ngar giliw niged urngin e tin be fel’ rogon e re binaw ney riy, miyad fek urngin e chugom, ni mus ko machaf ni fen e pilung nu Judah miyad fek nga Babylon.

Jeremiah 4:11

Bay i taw nga bangiyal’ nap’an yira yog ko girdi’ nu Jerusalem ni bay bang i nifeng nib mo’oruf gowalngin ni be yib u lan e ted ni desert i yib ngorad. Gathi bang i nifeng nib waer ni kemus ni chabung e nge changagnag

Jeremiah 4:12

nifeng nma yib ni SOMOL e ke tirigiliy e kabgel gelngin ko ginem! I SOMOL e ir e keyog ni nge aw e gechig nga daken e girdi’ rok.

Jeremiah 51:1

Be ga’ar SOMOL, “Arme nggu fek i yib e nifeng nib almarin ngak yu Babylon nge girdi’ riy.

Jeremiah 51:36

Ma aram me ga’ar SOMOL ngak e girdi’ nu Jerusalem, “Bay gu aywegmed mu gu sulweg taban ngak e pi to’ogor romed e n’en ni kar rin’ed ngomed. Bay gu mliknag e gin ma yib e ran nu Babylon riy nge pi lul’ riy ni go’ ra mlik.

Ezekiel 17:10

Arogon, kan yung, gur ra tugul nge ga’? Gur dabi mroray ko nifngin e ngek? Ma gur dabi mroray ko gin be tugul riy?”

Ezekiel 19:12

Machane u fithik’ e damumuw, min pug lik’ngin ngalang nga non’ nga daken e but’. Meb nifngin e ngek nge fengfengnag wom’ngin. Me m’ingm’ing papa’ngin; nge mlik’ min orfeg.

Daniel 11:8

Ma bayi fek e pi liyos ni ya’an e pi got rorad, nge chagiy nga urngin e pin’en nrib tolang puluwon nni ngongliy ko gol nge silber, me fek nga Egypt. Ma tomuren boch e duw ni i par ni bay e gapas,

Hosea 10:1

Yu Israel e yad bod bake woldug ni grape nib sug wom’ngin. Ra i yo’or ban’en rorad ma aram e fin be yo’or e altar ni yad be toy. Ra be fel’ rogorad i yan ma aram e ku be fel’usun fa yu raba’ i malang ni yad be ngongliy ni ngu’ur meybilgad ngay.

Hosea 2:3

Ma fa’anra dabi tal, ma bay gu chuweg e mad u daken nge yan i par ni bod e rofen nni gargeleg ndariy e mad u daken. Bay gu gagiyegnag nge yan i par ni bod bbinaw ndariy e ran riy ma der tugul ban’en riy, ma aram e bay yim’ nriyul’ ko balel.

Hosea 4:19

Nifeng e bayi tayrad nga daken pon nge fekrad, ma bay ra tamra’gad ni bochan e kar pi’ed e maligach ngak bogi got ni go’ bogi ban’en.

Hosea 9:11

Fel’ngin yu Israel e bayi changeg nge yan ni bod ba arche’ — ma dabkur fakyed e bitir, ma dabki diyan e ppin, ma dabkun parnag e bitir.

Jonah 4:8

Ma fa’ani tolang e yal’ i yan, me l’oeg Got e nifeng nib gowel nge yib ko ngek, me chugur ni nge aw Jonah nga but’ ni bochan gowelngin e yal’ ni be aw ngak. Me finey ni manga yim’. Me ga’ar, “Kabfel’ ni gu ra yim’ ko bin ni nggu par ni gub fos.”

Nahum 2:9

Ni leag e silber! Ni leag e gol! Fare binaw e ba sug ko machaf!

Deuteronomy 33:17

Josef e bod gelngin ba garbaw ni pumo’on, ni bod e gagey rok ba garbaw ni malboch. Gagey rok e fa yu biyu’ i girdi’ rok Manasseh, nge fa yu ragag i biyu’ i girdi’ rok Efraim. Ir e ma yip’ ngak e pi nam nge thuruyrad i yan nga thathran e fayleng.”