Hosea 13:13 - Bible Ni Thothup

¹³ Israel e bay kanawo’en ni nge fos, machane rib gel feni balyang ni gathi ra yan ko re wo’nem, ni bod bbitir nike taw nga nap’an ni nga ni gargeleg, ma be siyeg ni nge yib nga wean!

Hosea 13:13 Iomraidhean Croise

2 Kings 19:3

Ba’aray e thin ni yog ngorad ni ngar weliyed ngak Isaiah: “Daba’ e reb e rran nike yib e gafgow ngodad nge gechig, ma kani darifan nagdad. Gadad bod be’ ni bpin nike taw nga nap’an ni nge gargel ma dariy gelngin ni nge gargel.

Psalms 48:6

I m’agrad e marus riy nge amith u rom, ni bod be’ ni bpin ni nge gargeleg bbitir,

Proverbs 22:3

Girdi’ nib sul lanin’rad ngorad e yad ra guy e oloboch ni be yib miyad pilo’ riy, ma be’ ni der leam e ra yan nga fithik’, ma tomuren e ra kalngan’.

Isaiah 13:8

Yad gubin ni yad ra rus miyad yim’ ko amith, ni bod e amith rok be’ ni bpin ni nge gargel. Bay ra changargad ngorad u fithik’ e marus, ma owcharad e bay i yik ko tamra’.

Isaiah 21:3

N’en ni ku gguy mu gu rung’ag u lan e changar rog ni piliyeg e ke sug nigeg ko dugow nge amith, ni bod e amith rok be’ ni bpin ni nge gargel.

Isaiah 26:17

I gur SOMOL, e tapgin ma gamad yor ngalang ni bod be’ ni bpin ni nge gargel nma yor ngalang ko amith.

Isaiah 37:3

Irera’ e thin ni pi’ ngorad ni ngar weliyed ngak Isaiah: “Daba’ e rran ko gafgow; kan gechig nagdad ke m’ay fadad. Gadad bod be’ ni bpin nike taw nga nap’an ni nge gargel ma dabyag u gelngin.

Isaiah 66:9

Dab mu leamnag ni bay gu fek e girdi’ rog i yib nge taw ko ngil’an e gargel ma dab gu pag ngan gargelegrad.” I SOMOL e be non.

Jeremiah 13:21

Mang e gimed ra yog ni pi’in um fineyed ni fager romed e ka ra koled gimed yad be gagiyeg nagmed? Bay mu pired u fithik’ e amith ni bod be’ ni bpin ni nge gargel.

Jeremiah 22:23

Mu toffan nib pagan’um u fithik’ fapi ren ni cedar ni kan feku Lebanon; machane bu uw gelngin e gafgow ni ga ra tay u nap’an nra gadem e amith, ni amith ni bod be’ ni bpin ni nge gargel.

Jeremiah 30:6

Ere mu tal e chiney ngam leam! Rayag ni gargeleg be’ nib mo’on bbitir? Ere ke di’in ni gu be guy ni gubin e pumo’on ni kar koled e yal rorad ni bod e ppin ni nge gargel? Ke di’in nike m’ay racha’en owchen gubin e girdi?

Jeremiah 4:31

Ku gu rung’ag laman e yor, ni bod be’ ni bpin ni nge gargel, nge ba tolul ni bod be’ ni bpin ni nge gargaleg e bin som’on e bitir rok. Re lam nem e lungun Jerusalem ni be rere’nag e pogofan rok, be ki’yag pa’ ni be ga’ar, “Gafgow gag! Karbad ni ngar thanged e pogofan rog!”

Jeremiah 49:24

Girdi’ nu Damascus e ke aw parowrad ma kar milgad u fithik’ e marus. Kar awgad nga fithik’ e amith nge gafgow ni bod be’ ni bpin ni nge gargel.

Hosea 5:4

Kireb nike ngongliy e girdi’ e ke tayrad ndarir sulod ngak e Got rorad. Pigpig ni yad be tay ngak yug boch e got e ke michigiyrad, dakuriy madgun SOMOL u wun’rad.

John 16:21

Ra be n’en ni nge gargelnag be’ ni bpin reb e bitir me yib magaren ngak, ni bochan e re awa ni nge gafgow riy e ke taw, machane nap’an nra gargeleg fare tir me pag talin e gafgow nike tay, ya ke felfelan’ nike gargeleg reb e bitir nga fayleng.

Acts 24:25

Machane nap’an ni ul ul Paul ngay nge weliy murung’agen rogon ni ngan par ni yi ba mat’aw, nge rogon ni ngan t’ar lanin’uy ko tin nde mat’aw, nge murung’agen e Chirofen ni ba’aram ni bayi pufthinnag Got e girdi’ riy, me yib e marus ngak Felix me ga’ar, “Mman e chiney, ma bay puf rogog bangiyal’ mu kugog nga mub.”

2 Korinth 6:2

Mu telmed ko n’en ni be yog Got: “Kug motoyil ngom ko fare awa nib m’agan’ug ngay, kug ayuwegnem ko fare rran ni ngam thap ngak Got.” Mmotoyil! Ireray e re awa ni nge ayuwegey Got, daba’ e ireray e re rran ni ngan thap ngak Got!

Deuteronomy 32:6

Mog, arrogon ngongolmed ngak SOMOL, gimed e pi balyang nir ni dariy e gonop romed? Ir e chitamangimed, me ir e sunumiymed, me ir e gagiyeg nagmed kam manged ba nam.

1 Thessalonika 5:3

Ngiyal’ nem e ra ga’ar e girdi’ e ke gapas ndariy ban’en nra buch, ma yad ra da’da’ nike taw e riya’ ngorad! Ma dabiyag ni ngar milgad riy — ya bod e amith nma yib ngak be’ ni bpin ni be n’en ni nge gargel.