Hosea 12:5 - Bible Ni Thothup

⁵ Ireram fare SOMOL ni Got ni Gubin ma Rayag Rok, I SOMOL e ir e re ngachal ni ngu’un liyor ngay.

Hosea 12:5 Iomraidhean Croise

Genesis 28:16

Me od Jakob me ga’ar, “I SOMOL e riyul’ ni bay u roy, ma da ug nang.”

Genesis 32:30

Me ga’ar Jakob, “Kug guy Got nga owcheg, ma ku gub fas”; ma aram me tunguy fithingan e gin’em ni Peniel.

Genesis 35:9

Nap’an ni sul Jakob u Mesopotamia, me yib i m’ug Got ngak bayay miki faleg wa’athan.

Psalms 135:13

SOMOL, gur e gubin ngiyal’ ni bay unognem ni gur e Got; gubin e mfen ni bay um par u wun’rad.

Psalms 30:4

Ngan tangnag e sorok ngak SOMOL, gimed gubin e girdi’ rog nib yul’yul’ ngak! Mu ted u wan’med e n’en ke rin’ e En nib Thothup, migimed pining e magaer ngak!

Exodus 3:15

Mog ngak piyu Israel ni Gag, fare SOMOL, ni fare Got ko pi chitamangirad, ni Got rok Abraham, Isak, nge Jakob, e ku gu l’ogem ngorad. Ireray fithingag ni bay i par ndariy n’umngin nap’an; tin bay fini i yib e mfen e irera’ e re ngachal ni bay ur pininged ngog.

Isaiah 42:8

“Kemus ni Gag e SOMOL ni Got rom. Dariy yugu reb e got ni ta’reb rogomow; dab gu pag e pi liyos nganog e sorok ngorad ni aram e kan unegrad ngog.