Hosea 12:14 - Bible Ni Thothup

¹⁴ Girdi’ nu Israel e kar k’aringed e damumuw nib gel ngak SOMOL; tin kar ngongliyed e kabfel’ ni yad ra yim’. SOMOL rorad e bayi gechig nagrad ni fan e kar thiyar niged fithngan.

Hosea 12:14 Iomraidhean Croise

2 Samuel 1:16

me ga’ar David ngak fare Amalekite, “Gur e kam girengiy e biney e pa’ nga dakenam. Gur e mu turguy e n’en ni ngan rin’ ngom nnap’an ni mog ni gur e kam li’ e en ni SOMOL e turguy ni nge mang pilung.”

Ezekiel 18:10

“Susun e aram rogon ma bay bpagel ni fak nma moro’ro’ u fithik’ e yargel mma thang e pogofan, ma be rin’ bogi n’en

Ezekiel 18:13

mma pi’ e salpiy ngak e girdi’ ni nga ni maruwel ngay nge mu’ min fulweg ngak ni bay e win ni ka nin’ ngay. Gur ra par nib fos? Danga’, dabi par nib fos. Ke rin’ urngin e pi kireb ney ma aram fan ni bay yim’. Yam’ nra tay e ir e kireb rok.

Ezekiel 33:5

Ir e kireb rok me yim’, ni bochan e dariy fan u wan’ e yabul ni rung’ag. Fa’an mang e tiyan’, ma dabiyag ni nge yim’.

Daniel 11:18

Ma bayi m’ag e mael ngak e pi nam ni bay u charen e day me kol bo’or riy. Machane bay ba tolang u reb e nam ni bayi gel ngak me taleg ndabkiyag ni ngi i ufanthin.

Hosea 4:2

Girdi’ riy e yad ra micheg boch e thin ni yad ra rin’ ma darir ted nga tagil’; yad ma lifith l’ugunrad, ma yad ma thang e pogofan, ma yad ma moro’ro’, ma yad ma par e pi’in ni gathi mabgol rorad. Pi kireb ni yad be rin’ e be yo’or i yan, yugu yad be pu’og e racha’.

Hosea 7:16

Dakrir sulod ngog yad be lek ba got ni dariy gelngin. Dar muduwgil gad ni gowa ba gat’ing nib bug. Ni bochan e pi’in nma gagiyeg nagrad e ba tolang e thin rorad, yad ra yim’ nib ma’abwoch, ma ra minmin piyu Egypt.”

Mikah 6:16

Bayi buch e pin’ey ya kam folwokgad ko kireb ni i ngongliy Omri ni Pilung nge fare pumo’on ni fak, i Ahab ni Pilung. Ya kam pired ni gimed be folwok ko tin ur rin’ew, ere bay gu kireb nagmed me dabuy gubin e girdi’ dakanmed.”

Deuteronomy 18:15

Ye SOMOL ni Got romed e bayi pi’ ba profet ngomed ni bod gag ni bayib i sum u fithik’ e tiromed e girdi’, ma ngu’um folgad rok.

Deuteronomy 18:18

Bay gu pi’ ngorad ba profet ni bod gur ni bayi sum u fithik’ e tirorad e girdi’; bay gog ngak e thin ni nge weliy ngorad, ma bayi weliy ngorad urngin e tin kugog ni ngar rin’ed.

Deuteronomy 28:37

U lan e pi nam ni bayi weregmed SOMOL ngay, e girdi’ riy e bay ra dada’gad ko n’en ke buch romed; bay ur minmingad ngomed ma yad be moning nagmed.

1 Samuel 2:30

I gag, fare SOMOL ni Got rok piyu Israel, e gu micheg kakrom ni girdi’ nu tabinaw rom nge kerom e girdi’ e bay ur pigpiggad ngog ni prist ni gubin ngiyal’. Ere chiney e gu be yog ni dabki par riy ni aram rogon! Bay gu tay fan e pi’in yad be tay fag, ma bay gu darifannag e pi’in yad bfananikeg.