Hosea 12:1 - Bible Ni Thothup

¹ Gubin ban’en ni be ngongliy yu Israel ni kakadbul nge blayal’ e dabyag i fanay mra kirebnag boch ban’en. Sasalap nge modyargel. Yad be fal’eg e tha’ u thilrad yu Assyria miyad be siyobay yu Egypt.”

Hosea 12:1 Iomraidhean Croise

Genesis 41:6

Me yib i m’ug medlip punug e grain nib achig punug ma ke mororoy ni bochan e nifeng nib gowel ni be yib ngay u daken e ted ni desert,

2 Kings 15:19

Me Tiglath Pileser, ni ir e pilung u Assyria, e yib i mael ngak yu Israel, me pi’ Menahem guyey nge meruk e ton e silber ngak ni nge fel’ u wan’ nge ayweg Menahem nge pi’ gelngin ni nge gagiyegnag fare nam.

2 Kronicles 21:11

Mus ko yungi n’en ni tagil’ e tayfan rok e pi’in ndar nanged Got niki ubung u daken e ted nu Judah me pow’iy e girdi’ nu Judah ngu Jerusalem ngar denengad nib togopluw ngak SOMOL.

Psalms 78:36

Machane u rogned e thin ni fel’faen; dariy ban’en nrogned nib riyul’.

Jeremiah 2:36

Kam mom nigem ko pi got u boch e nam. Bayi kirebnag piyu Egypt lanin’um, ni bod ni rin’ yu Assyria ngom.

Jeremiah 22:22

Pi tayugang’ rom e bayi changag nagrad e nifeng, mi ni fek e pi’in gimed ngabang ngar manged kalbus ko mael, binaw rom e ke m’ayfan ma bay ni tamra’nag ni bochan e gubin e kireb ni ka mu rin’.

Jeremiah 7:15

Bay gu tulufmed ngam chuwgad u p’eowcheg ni bod ni gu rin’ ngak e girdi’ romed, ni girdi’ nu Israel. I Gag SOMOL e gu be non.”

Lamentations 5:6

U gu ninged e ggan nga Egypt ngu Assyria, ni fan e nge dab gu m’ad.

Ezekiel 17:10

Arogon, kan yung, gur ra tugul nge ga’? Gur dabi mroray ko nifngin e ngek? Ma gur dabi mroray ko gin be tugul riy?”

Hosea 11:12

SOMOL e ga’ar, “Girdi’ nu Israel e kar liyegned gag ko felfel’ llugun nge ban, ma girdi’ nu Judah e ki yad be togopluw ngog, ni Gag fare Got nib yul’yul’ ma ba thothup.

Hosea 11:9

Dab gu gechig nigem u fithik’ e damumuw rog; dab kug kirebnag Israel bayay. Ya Gag Got, ma gathi gag e girdi’. I Gag fa En nib Thothup e gu bay rom. Dab gub ngom u fithik’ e damumuw.

Hosea 4:15

“Yugu aray rogon ndamur yul’yul’gad piyu Israel ngog, ma yu Judah e mang e yugu ra pired ndab ra ngongliyed e tin gimed be rin’. Dab marod mu meybilgad nga Gilgal nge nga Bethel, ma dab mmicheged yu bugithin u rom nga fithingan SOMOL ni be par nib fos.

Hosea 4:19

Nifeng e bayi tayrad nga daken pon nge fekrad, ma bay ra tamra’gad ni bochan e kar pi’ed e maligach ngak bogi got ni go’ bogi ban’en.

Hosea 5:13

“Fa’ani guy Israel feni gel e m’ar nike yib ngak, me guy yu Judah e maad’ad nike tay, ma aram me yan Israel nga Assyria ni nge wenig ngak fare pilung ni nge ning e ayuw, machane de yag rok ni nge gol nagrad ara faseg e maad’ad rorad.

Hosea 7:1

“Nap’an ni gu ra leamnag ni nggu golnag e girdi’ rog nu Israel mug fal’eg rograd bayay, ma tin gu be guy e kemus ni leam rorad nge pangirad ni kireb. Yad be dumpumrad ngorad, ma yad be mab naun ngu’ur mororo’gad, ma yad be og ko girdi’ u kanawo’.

Hosea 7:11

Yu Israel e yad be so’og’og ni bod ba arche’ ni bulogol nib man lanyan’; som’on riy me man ayuw e girdi’ nu Israel nga Egypt, miyad cheal ngar milgad nga Assyria!

Hosea 8:7

Nap’an ni yad ra yung e nifeng, ma yad ra t’ar wom’ngin ni yoko’! Bangi woldug ni grain ndar el wom’ngin e dabiyag ni nge pi’ e flowa. Ma fa’an mang e ra yib wom’ngin, ma girdi’ u bang e yad ra kay wom’ngin nge m’ay.