Hosea 11:6 - Bible Ni Thothup

⁶ Mael e bay yan u lan e pi binaw rorad nge t’ar e mab ko garog. Me li’ e girdi’ rog, ni bochan e yad be rin’ e n’en ni yad rorad e yad be leamnag ni bfel’.

Hosea 11:6 Iomraidhean Croise

Psalms 106:39

Miyad ta’ay nigedyad ko pi ngongol rorad miyad par nda ku ra yul’yul’gad ngak Got.

Psalms 106:43

Bo’or yay ni ayuweg SOMOL e girdi’ rok, machane yad e ra turguyed ni ngar togopluwgad ngak ngar mak’gad nga fithik’ e denen.

Isaiah 18:5

U m’on ni yira kunuy wom’ngin e grape, u nap’an nike mulmul e mak’uf ni flores ma be lol e grape, ma aram e bayi gathay e en to’ogor piyu Ethiopia ni bod feni mom papa’ngin e grape ni yima th’eth’ab ko yar.

Isaiah 27:10

Fare binaw ni kan yororiy ni fan ko mael e ke magoth ke par ni go bang i ted ni dakriy ban’en riy. Bayi par ni bang i tagil’ e garbaw nrayag ni ngu’ur toffangad riy miyad be kay e pan.

Isaiah 30:1

I SOMOL e ke ga’ar: “Pi’in yad be gagiyegnag yu Judah e ka ni turguy e gechig nga dakenrad, ya yad be togopluw ngog. Yad be fol u bogi n’en ni gathigag e gu turguy, ma yad be sayinnag e babyor ko m’ag u thilrad nge boch e nam nib togopluw ko tin nib m’agan’ug ngay. Yad be yin’ daken e denen ni yad be rin’.

Isaiah 9:14

U lan ta’reb e rran e ra gechignag SOMOL e pi tayugang’ nu Israel nge girdi’ riy; ni bay i thab’ lolugrad nge p’ebuk’rad nge mul.

Jeremiah 5:17

Bay ra ful’ed wom’ngin e woldug romed nge ganmed; bay ra thanged e pogofan rok e pagel nge rugod ni pifakmed. Bay ra li’ed e yu ran’ nge yu ulung i gamanman romed miyad gathay fi’imed ni grape nge gek’iy ni fig. Yungi binaw ni ka ni yororiy ni fan ko mael ni pagan’ romed e bayi buthug e salthaw rorad nga but’.

Jeremiah 50:35

Be ga’ar SOMOL, “Yam’ e nge tay yu Babylon! Yam’ e nge tay e girdi’ riy, nge pi’in ma gagiyegnag, nge girdi’ riy nib gonop.

Lamentations 2:9

Pi garog riy e ke mathrow nga chabungen e tin ke puth, ma pi dubchey ko garog e ke m’ingm’ing ke yochyang. Fare pilung nge pi tolang rok e kan fekrad ni kalbus ngabang. Fare Motochiyel e daknir machibnag, nge pi profet ni dakir pilyeg SOMOL e changar rorad.

Ezekiel 20:47

Mog ko loway u lan e yimuch ni nge rung’ag e n’en ni be yog SOMOL ni Th’abi Tolang: Mu sap! Gu be k’eg ba nifiy, ni bayi urfiy gubin kaen e gek’iy rom, ndemturug ko ba kak’ling fa ba mororay. Dariy ban’en nrayag ni thang. Ra garer ko yimuch i yan ko lel’och, ni gubin e girdi’ nra thamiy gawelngin e doromrom riy.

Hosea 10:14

ma bay yib e mael ko girdi’ romed, ma urngin e pi binaw ni kam yaroriyed nib tolang ni fan ko mael e bay ni kirebnag. Ra bod fa rofen ni thirif Shalman ni Pilung fare binaw ni Betharbel u fithik’ e mael. Matin nge bitir e ni pirdi’iyrad u but’ ngarm’ad.

Hosea 10:6

Re liyos nem e bay ni fek nga Assyria nib wolbuw ni fen fare pilung nib gel gelngin. Girdi’ nu Israel e bay i m’ayfarad min tamara’ nagrad ko n’en ni ur folgad riy.

Hosea 13:16

Samaria e thingar ni gechignag ni be togopluw ngog. Girdi’ rok e bay yim’ u fithik’ e mael; pi bitir ni kab ran e bay ni garpay nga but’, ma ppin nib diyen e bay ni guchthuy yinrad.”

Hosea 4:16

Piyu Israel e yad ba gelan’ ni bod feni gelan’ e pi gamanman ni mule. Ere uw rogon ni nggu duruw’iyrad ni bod rogon pi pifak e saf ni bay u bangi garger nib galunglung e pan riy?

Hosea 4:17

Girdi’ nu Israel e yad be par u tan gelngin e liyos. Ngan pagrad ngranod ko birorad e kanawo’

Levitikus 26:25

Bay gu pag e mael nge yib ngomed ni nge gechig nagmed ya kam th’abed fare m’ag u thildad, ma fa’an gimed ra mukun ngalan e pi binaw romed ni fan e nge dabi buch ban’en romed, ma bay gu pi’ e m’ar ndariy falayyin nge yib nga fithik’med, ma bay mpired nike math e liyeb ngomed mi gimed m’ing ngak e to’ogor romed.

Levitikus 26:31

e gu ra thirif u but’ e pi binaw romed, mug kirebnag tagil’ e meybil romed, mug siyeg ni dab gu fanay e pi maligach romed.

Levitikus 26:33

Bay gu pag e mael nge yib ngomed mu gu weregmed i yan u boch e nam ni gathi tafenmed. Nam romed e bay n’ag, ma pi binaw romed e bay ni pag nike mogothgoth.

Amos 6:8

I SOMOL ni Th’abi Tolang ma Gubin ma Rayag Rok e ke micheg e re thin ney nib ginaeng ni ga’ar: “Kug fanenikay e ufanthin ko girdi’ nu Israel; kug dabuy e pi naun rorad ni fafelel’ ma gagang. Bay gu pi’ fare binaw ni tochuch u taferad nge urngin ban’en ni ba’ riy nga pa’ e to’ogor rorad.”

Mikah 5:11

Mu gu thirif u but’ e pi binaw ni bay u lan e nam rom mu gu buthug e yungi n’en ni kam yororiy ni fan ko mael.

Malaki 4:1

I SOMOL ni Gubin ma Rayag Rok e be ga’ar, “Nap’an ni bayi taw ko fare rran ma bayi mo’oruf e pi’in tolngan’ nge girdi’ ni kireb e leam rorad ni bod e pan nike mlik’. Rofen nem e yad ra mo’oruf ni dariy bochyang rorad nra magay.

Deuteronomy 28:52

Bay ra chamgad ngak urngin e binaw nu lan fare nam ni bayi pi’ SOMOL ni Got romed ngomed, ma pi yoror romed nib tolang ni fan ko mael nma pagan’med ngay e go’ ra puth.

Deuteronomy 32:25

Mael e bayi li’ e girdi’ ngarm’ad u lan e yupa’ i kanawo’; marus ni tinowey e bayi aw ngalan e pi tabnaw. Pagel nge rugod e bay ram’ad; mus ko bitir ni kabran nge pilibthir ni dariy bagyad nra magach.