Hosea 11:1 - Bible Ni Thothup

¹ Be ga’ar SOMOL, “Nap’an ni kab bitir Israel ma rib t’uf rog; mu gu pining nga wuru’ yu Egypt ni bod be’ nib mo’on ni fakag.

Hosea 11:1 Iomraidhean Croise

Psalms 129:1

Israel, mog ngomad rogon nike gafgow nigem e pi to’ogor rom ni ka nap’an e kagab bitir.

Exodus 19:4

Ni gur e muguy e n’en ni kug rin’, gag SOMOL, ngak piyu Egypt nge rogon ni gu chubiymed nggu fekmed ngog ngaray, ni bod ba arche’ ni eagle ni tay fak nga daken pon ngi i fek.

Exodus 4:22

Ma aram e thingar mog ngak ni Gag, fare SOMOL, e gu be ga’ar, ‘Israel e bin nganni’ i fakag ni pumo’on.

Exodus 4:23

Kugog ngom ni ngam pag fakag nge yan, ni fan e nge yag ni meybil ngog, machane kam siyeg. Ere bay gu thang e pogofan rok e bin nganni’ i fakam.’

Isaiah 43:4

Gu ra tay bogi nam ni polo’ nga luwam ni fan e nggu ayuweg e pogofan rom, ya ri gab fel’ u wun’ug ma bochan e ri ga ba t’uf rog rog ma aram e gu be gagiyeg nagem ngu’un tay fam.

Jeremiah 12:7

I SOMOL e be ga’ar, “Ku gu n’ag yu Israel; kug furuy fare nam ni gu mel’eg. Fapi girdi’ nib t’uf rog e ku gu pagrad nga tan gelngin e pi to’ogor rorad.

Jeremiah 2:2

ni nggu wan nggu weliy e thin rok ngak urngin e girdi’ nu Jerusalem ni nge lungug: “Ku gu manang fanam yul’yul’ ko fa ngiyal’nem ni ka ga ba rugod, nge rogon fanag t’uf rom ko fa ngiyal’ ni ba’aram ni ka fin da mabgolgow; um lekeg u daken e ted ni desert, ngu daken e but’ ni dawor ni wolduguy bi’id.

Ezekiel 16:22

Nap’an e yafos rom ni sunsonogor ni ga ma falchuway’ ngom, ma dariy bingyal’ ni yib ngan’um salpem ni kagab bitir — fa ngiyal’ i n’em ni dariy e upong u dakenam, ni um leapleap u fithik’ e racha’ rom.”

Ezekiel 16:6

“Ma aram mu gub u to’obem mug guyem ni ga be pigpig u fithik’ i racha’em. Nike mada e racha’ u dowam, machane dag pagem nga mum’.

Hosea 10:15

Irera’ e tin bayi buch romed e girdi’ nu Bethel, ni bochan e tin nrib kireb ni kam rin’ed. Yug nap’an nra tabab fare mael, me yim’ fare pilung nu Israel.”

Hosea 12:13

Me l’oeg SOMOL ba profet ni nge leag e girdi’ nu Israel ko sib ni yad be tay u Egypt me ayuwegrad.

Hosea 12:9

Machane Gag fare SOMOL ni Got romed ni gu pow’iymed nga wuru’ yu Egypt, e bay gu taymed ngkum pired u tent bayay, ni bod ni um pired fa ngiyal’ ni gub ngomed u lan e ted ni desert.

Hosea 13:4

Be ga’ar SOMOL, “I Gag SOMOL ni Got romed, ni gag e gu pow’iymed nga wuru’ yu Egypt. Re ngiyal’ i nem e dariy reb e Got romed kemus ni Gag. Yi go’ gag e ta’ayuw romed.

Hosea 2:15

Mu gu fulweg ngak fa yungi grape ni fi’in, mu gu gagiyegnag e Loway ko Gafgow nge par ni mban e l’agan’. Mu rom e bay gu t’uf rok riy ni bod ni rin’ ko fa ngiyal’nem ni kab rugod, ni fa ngiyal’nem ni yib u Egypt.

Malaki 1:2

Be ga’ar SOMOL, “Gubin ngiyal ni gimed bt’uf rog.” Miyad fulweg nra ga’ar gad, “U rogon ni kam dag ngomad ni gamad bt’uf rom?” Me fulweg SOMOL ni ga’ar, “I Esau nge Jakob e ruw i walag ni pumo’on, machane ba t’uf Jakob rog nge pi’in owchen,

Matthew 2:15

ni aram e gin ni par riy nge mada’ ko ngiyal’ ni yim’ Herod. Ren’ey e nrin’ ni aram rogon ni fan e nge yib i m’ug nib riyul’ e pin’en ni yog Somol u l’ugun fare profet ni ga’ar, “Kug pining Fakag u Egypt.”

Deuteronomy 33:3

SOMOL e rib t’uf e tirok e girdi’ rok, ma yoror rok e girdi’ nike mil farad ngak. Ere da parawgad nga but’ u to’oben e rifrif u ay, ma gadad fol ko tin keyog.

Deuteronomy 7:7

“I SOMOL e gathi mu t’ufgad rok me mel’egmed ni bochan e gimed pire’ ngak girdi’en yugu boch e nam; ya gimed e umoyed ni gimed bochu’uw.