Hosea 10:4 - Bible Ni Thothup

⁴ Thin ni yad ma yog e dariy gam’ingin ma tin yad ma micheg e go’ ban nge m’ag ko thin u thilrad e bm’ayfan. Ngongol nib mat’aw e ke pilyeg ke ngongol ni de mat’aw, ni be ilal ni bod e pan ni yub u lan e milay’ ni kan gi’ e but’ riy.

Hosea 10:4 Iomraidhean Croise

Isaiah 5:7

Israel e fa gi woldug ni grape rok SOMOL ni Gubin ma Rayag Rok; girdi’ nu Judah e yad fapi woldug ni grape ni i yung. I leamnag ni ngu’ur rin’ed e n’en ni bfel’, machane dar rin’ed miyad par ngu’ur thanged e pogofan! I leamnag ni ngu’ur rin’ed e n’en nib manigil, machane pi’in ur gafgow niged e ra yor niged e tin bmat’aw!

Hosea 4:2

Girdi’ riy e yad ra micheg boch e thin ni yad ra rin’ ma darir ted nga tagil’; yad ma lifith l’ugunrad, ma yad ma thang e pogofan, ma yad ma moro’ro’, ma yad ma par e pi’in ni gathi mabgol rorad. Pi kireb ni yad be rin’ e be yo’or i yan, yugu yad be pu’og e racha’.

Hosea 6:7

“Machane bod Adam yug nap’an e rabad ngalan fare nam, miyad th’ab fare m’ag u thilmad.

Amos 5:7

Gafgow gimed, gimed e pi’in ni gimed be dalibnag e tin nib mat’aw gimed be sasalpiy matwon e girdi!

Amos 6:12

Gur ma titimo’og e os u daken e war? Gur bay be’ nma gi’ e garbaw rok e day? Machane kam pingeged e tin nib yal’uw ke ngal’ ni yub, ma kam pingeged e tin nib mat’aw ko kireb.

Acts 8:23

Ya kug guy ni gab sug ko awan’ ma ke kalbus nigem e denen.”

Roma 1:31

ma yad ma ngongliy e ngongol ko balyang; darir yul’yul’gad ko tin ni karogned ni ngar rin’ed, ma dar golgad ma der kireban’rad ngak be’.

Deuteronomy 29:18

Ngam fal’eged i leamnag nge par ndariy be’ nib mo’on, ara be’ ni bpin, ara ba tabnaw, fa reb e ganong ni be sak’iy u roy e daba’ ni nge pigicheal nge pi’ keru’ ngak SOMOL ni Got rodad, ngi i tayfan e pi got rok yug boch e nam. Ya ra bod ba lik’ngin ni thay e nof riy nge ilal nib mo’oy mab yub.

Deuteronomy 31:16

Me ga’ar SOMOL ngak Moses, “Dabki n’uw nap’an ma gam’, ma nga tomuren ni kamum’ e bay dabki yul’yul’ fapi girdi’ ngog miyad th’ab fare m’ag ni gu ngongliy u thilmad. Bay ra n’igedgag ngar tedfan yugu boch e got ko re nam ni ba’aram ni bay ranod ngay.

Deuteronomy 31:17

Nap’an nra yodorom, ma bay gu damumuw ngorad; mu gu n’agrad ngan thirifrad u but’. Pire’ e gafgow nib gel ni bay yib ngorad, ma aram e bay ra nanged nike yib e pin’em ngorad, ya gag ni Got rorad e da kug moy rorad.

2 Timothy 3:3

ma bay dab kur golgad, ma bay dab kur runguyed e girdi’, ma bay ur t’ared e thin nga daken e girdi’, ma dariyfan ban’en u wun’rad, ma yad ba damumuw; ma bay ra dabuyed e tin ni bfel’;

Hebrews 12:15

Mu ayuwgad nge dabi pi’ bigimed keru’ ko runguy rok Got ngodad. Mu ayuwgad nge dabi bod bigimed ba ke pan nib mo’oy ni ilal nge gafgownag bo’or e girdi’ ko yub rok.