Hosea 10:14 - Bible Ni Thothup

¹⁴ ma bay yib e mael ko girdi’ romed, ma urngin e pi binaw ni kam yaroriyed nib tolang ni fan ko mael e bay ni kirebnag. Ra bod fa rofen ni thirif Shalman ni Pilung fare binaw ni Betharbel u fithik’ e mael. Matin nge bitir e ni pirdi’iyrad u but’ ngarm’ad.

Hosea 10:14 Iomraidhean Croise

Genesis 32:11

Wenig ngom, mu ayuwegneg rok Esau ni walageg. Kug rus ngak ya richey nge yib i li’mad ni gamad gubin, nib mu’un e ppin nge bitir ngay.

2 Kings 17:16

Ra th’abed urngin e motochiyel rok SOMOL ni Got rorad ngar ngongliyed l’agruw i wasay ni ya’an fak e garbaw ni pumo’on ni ngu’ur tedfan; mu kur ngongliyed ya’an fare got ni bpin ni Asherah, mu’ur tedfan e pi t’uf, mu’ur pigpiggad ngak fare got ni Baal.

2 Kings 17:3

Me mael Shalmaneser ni Pilung nu Assyria ngak; me par Hoshea nga tan pa’ Shalmaneser ngi i pi’ e walbuw ni yu duw.

2 Kings 18:33

Gur bay reb e got u reb e nam ni ka’a yigi ayuweg e birok e nam u pa’ e pilung nu Assyria?

Isaiah 17:3

Israel e bayi par ndakriy e yoror riy, ma Damascus e dabkiyag ni nge par rok ni dabki todong ku be’. Ma pi’in nu Syria nra mageygad e bayi m’ayfarad ni bod rogon e girdi’ nu Israel. I, Gag SOMOL ni Gubin ma Rayag Rok e gu be non.”

Isaiah 33:14

Girdi’ nu Zion ni yad ba sug ko denen e yad be t’on ko marus. Be lungurad, “Gechig rok Got e bod ba nifiy ni be yik ndariy n’umngin nap’an. Gur rayag rok bagadad ni nge dabi yim’ u ba nifiy ni aram rogon?”

Jeremiah 13:14

Aram e bay gu chafnegrad nga ta’bang ni pi’lal nge fel’ yangren, ni bod e melor nchafneg reb nga reb, dariy ba kireban’ ara ba marnguy nra talegneg ni nge dabkug thang e pogofan rorad.”

Jeremiah 48:41

ma yochi binaw nge yungi tagil e ayuw e bay ni kol. Re rran nem e pi salthaw nu Moab e kar dugow gad ni bod be’ ni bpin ni nge gargel.

Hosea 10:15

Irera’ e tin bayi buch romed e girdi’ nu Bethel, ni bochan e tin nrib kireb ni kam rin’ed. Yug nap’an nra tabab fare mael, me yim’ fare pilung nu Israel.”

Hosea 13:16

Samaria e thingar ni gechignag ni be togopluw ngog. Girdi’ rok e bay yim’ u fithik’ e mael; pi bitir ni kab ran e bay ni garpay nga but’, ma ppin nib diyen e bay ni guchthuy yinrad.”

Amos 3:14

Chirofen ni gu ra gechignag e pi girdi’ nem nu Israel ni bochan e denen rorad, e bay gu kirebnag fapi altar rok Bethel. Fapi gagey ko tabthung ko pi altar nem e bay nt’ar nge puth nga but’.

Amos 3:8

Nap’an nra tolul ba layon, me mini’ e ra par ndabi rus? Ma nap’an nra welthin SOMOL ni Th’abi Tolang, me mini’ e rayag rok ni nge par ndabi weliy e thin rok?

Amos 9:5

I SOMOL ni Th’abi Tolang ma Gubin ma Rayag Rok e math ko fayleng, me durru’; ma urngin e girdi’ ni yad ma par u rom e yad ra yor. Ma fayleng ni polo’ e ra i puw ngalang me mul nga but’ ni bod e lul’ ni Nile.

Mikah 5:11

Mu gu thirif u but’ e pi binaw ni bay u lan e nam rom mu gu buthug e yungi n’en ni kam yororiy ni fan ko mael.

Nahum 3:10

Girdi’ nu Thebes e kan fekrad ni kalbus nga wuru’ e nam. Gubin e m’ing ko kanawo’ ma go’ bay pifakrad riy ni kan li’rad karm’ad. Pi pumo’on ni tayugang’ rorad e kan chen nagrad kan fekrad kan graregrad u pa’ e pi to’ogor rorad.

Nahum 3:12

Urngin e pi yoror rom ko mael e bod e gak’iy ni fig nike lol wom’ngin, mu rurug fapi gek’iy me munugun wom’ngin nib pluw ngalan langam!

Habakkuk 1:10

Bay ur darifan niged e pi pilung, ma yad be minmin ngak e pi tolang. Dariy ba yoror nib gel ni fan ko mael nrayag ni nge talegrad, ya yad ra ubung e but’ ko yoror riy ngar koled.