Hosea 10:10 - Bible Ni Thothup

¹⁰ Bay gu cham ko pi girdi’ ney nib tadenen nggu gechig nagrad. Bayi chagil e pi nam ngar togopluwgad ngorad, min gechig nagrad ni bochan e denen rorad nib pire’.

Hosea 10:10 Iomraidhean Croise

1 Kings 12:28

Fa’ani leamnag nge mu’ me ngongliy l’agruw e liyos ni gol ni bod ya’an e garbaw ni pumo’on, me ga’ar ngak e tirok e girdi’, “Kayigi gel e gafgow romed ko sul ni gimed be tay nga Jerusalem ni fan e ngam liyorgad ngak Got. Gimed e girdi’ nu Israel, ba’aray e gal got romed nra fekew gimed nga wuru’ yu Egypt!”

BABYOR NI JOB 39:10

Rayag ni ngam m’ag e gaf nga reb nge gi’ e but’? Ara girengiy fen e bilbil but’ u daken e yungi flang rom?

Isaiah 1:24

Ere chiney e ngam telmed ko tin nge yog SOMOL ni Gubin ma Rayag Rok, ni ir fare Got rok yu Israel nrib gel gelngin, be ga’ar, “Bay gu fulweg taban ngomed gimed e pi to’ogor rog, nge dab ku mu k’arnged e damumuw rog nga dakenmed.

Jeremiah 15:6

Gimed e ka mu n’iged gag; ka mu pi’ed keru’med ngog. Ere ku gu k’iyag pa’ag ku ggad ngomed ka mu masengseng gad, ya kug dabuy e k’adan’.

Jeremiah 16:16

SOMOL e ga’ar, “Ku gu mol’og ni nge yib e pi tafita’ ni yad ba yo’or ni ngar koled e pi girdi’ ney. Ma bay gu l’oeg girdi’en e mun gamanman ni yad ba yo’or ngar gawegedyad ngan kolrad u daken gubin e pi burey nge yochi burey nge lan e yiy ngu fithik’ e war.

Jeremiah 21:4

ma nganog ngak Zedekiah ni SOMOL, ni Got nu Israel, e ke ga’ar, “Zedekiah, I gag e nggu cham nggu li’ fapi salthaw rom ni yad be cham nib togopluw ko pilung nu Babylon nge salthaw rok. Ma bay gu ulunguy talin e cham ko salthaw rom nga lukngun e binaw.

Ezekiel 16:37

Bochan e ran’ey ma bay gu kunuy gubin pi ilingem kafram — ni pi’in ga ba’adag dakenrad nge pi’in ni gab fananikay. Bay gu fekrad ngar cholngabiyed gur, ma aram mu gu luf e mad u dakenam ngar guyed downgim u tamilang.

Ezekiel 16:42

Ma aram e bay i m’ay e damumuw rog, mug gapas. Bay dab kug damumuw ara gu talyeg bi’id.

Ezekiel 23:46

Irera’ e n’en ni be yog SOMOL ni Th’abi Tolang ni be ga’ar, “Mu kunuy e girdi’ ni yo’or ngan gafgow nagrow ko marus min fek gubin ban’en rorow.

Ezekiel 23:9

Ma ere gu pi’ Oholah nga pa’ e pi’in nu Assyria ni pi ilngen ni kariyim’ ni bochrad.

Ezekiel 5:13

“Bay mu thamiy ga’ngin gelngin e damumuw rog nge taw ko ngiyal’ nike gaman u lanin’ug. Nap’an nra buch e piney, ma bayi mich u wun’um ni Gag SOMOL, e gu be non ngom ni bochan e kemus fanag damumuw nga feni damur yul’yul’.

Hosea 10:9

Be ga’ar SOMOL, “Piyu Israel e dawor rtalgad ko denen nib togopluw ngog ni ka nap’an e ra denengad u Gibeah. Ere u rom u Gibeah e yad ra machda’nag e mael riy.

Hosea 4:19

Nifeng e bayi tayrad nga daken pon nge fekrad, ma bay ra tamra’gad ni bochan e kar pi’ed e maligach ngak bogi got ni go’ bogi ban’en.

Hosea 4:9

Ta’ab gechig e bay mu gafgowgad e girdi’ u tanggin! Bay gu gechig nagmed ngam pi’ed puluwon e kireb romed.

Hosea 8:1

I SOMOL e ga’ar, “Mu thoyed e yabul ni ngan nang ni pi to’ogor e yad be ngolol i yib nga daken e nam rog ni bod e manuw! Girdi’ rog e kar th’abed fare m’ag ni gu ngongliy u thilmad yad be togopluw ko machib rog.

Hosea 8:10

Ma chiney e nggu kunuyrad ngug gechig nagrad. Dabki n’uw nap’an miyad guleplep u fithik’ e amith ko gafgow nib gel ni bayi tay fare pilung nu Assyria ngorad.

Matthew 22:7

Me ri damumuw fare pilung, me l’oeg e salthaw rok ngarbad ra thanged e fan rok e pi’in kar li’ed fapi tapigpig, miyad urfiy e binaw rorad.

Deuteronomy 28:63

Rogon feni rib felfelan’ Got ngay ni nge rin’ e tin bmanigil ngomed ma be yo’or nagmed ni girdi’, e ri ku aram rogon feni rib felan’ ngay ni nge gafgow nagmed ma be thang owchemed. Ma bayi mul pa’amed ko fare nam ni aram e ngam pired ngay.