Hosea 1:8 - Bible Ni Thothup

⁸ Ma nap’an ni chuguliy Gomer Det’uf nge pag e thuth, miki diyen bayay ngki gargeleg bochi pagel.

Hosea 1:8 Iomraidhean Croise

Genesis 21:8

Me ilal e re tir nem, ma chirofen nda kun duruw’iy ko thuth e ngongliy Abraham ba mur ni ba ga’.

Hosea 1:6

Me diyen Gomer bayay nge gargel ni bochi pin. Me ga’ar SOMOL ngak Hosea, “Mu tunguy ‘Det’uf’ ngak ya dabku gu dag e t’ufeg rog ngak e girdi’ nu Israel ara gu n’ag fan e kireb rorad.

Hosea 1:7

Machane bay gu dag e t’ufeg ko girdi’ nu Judah. I Gag SOMOL, ni Got rorad e bay gu ayuwegrad u pa’ e to’ogor rorad, machane gathi bay gu rin’ u daken e mael, — ni kan fek e saydon ara gat’ing, ara os ara salthaw ni be yan u os.”

Hosea 1:9

Me ga’ar SOMOL ngak Hosea, “Mu tunguy fithingan ni ‘Gathi-girdi’-rog’, ya girdi’ nu Israel e gathi girdi’ rog, ma gathigag e Got rorad.”