Haggai 1:8 - Bible Ni Thothup

⁸ Ere mmarod e chiney ngalan e burey ngam th’abed e ren, ngam toyed bayay fare Tempel; ma aram e ra felfelan’ug min liyor ngog ni bod nthingar nrin’.

Haggai 1:8 Iomraidhean Croise

1 Kings 6:1

U lan e bin l’agruw e pul ni fare pul ni Ziv, ko duw ni gaman e aningeg e duw nap’an nike pilung Solomon u Israel, ma ke gaman 480 e duw nap’an nike chuw yu Israel u Egypt, me tabab Solomon i muruwliy fare Tempel.

1 Kings 9:3

Me ga’ar SOMOL ngak, “Ku gu rung’ag e meybil rom. Re Tempel ney ni kam toy e ku gu tay nike mang Tempel rog ni ngu’un meybil ngog riy ndariy n’umngin nap’an. Bay ug matanagiy ma gu be yoror riy ni gubin ngiyal’.

1 Kronicles 22:19

Ere chiney e ngam pigpig ngak SOMOL ni Got rom u polo’ i gumircha’em nggu polo’ i lanin’um. Mu tabab i toy fare Tempel ya nge yag ni mu tay fare Kahol ko M’ag rok SOMOL nga langgin nge gubin fa pin’en nib thothup ni tatalin e liyor ngak.”

2 Kronicles 7:16

ni bochan e ku gu mel’eg ma ku gu thothupnag ni irera’ e gin’en ngu’un liyor ngog riy ndariy n’umngin nap’an. Bay ug matanagiy ma gu be yoror riy ni gubin ngiyal’.

Ezra 3:7

Me pi’ e girdi’ e salpiy ni nga ni pi’ ni puluwon e pi’in ni ba salap i ubung malangen e naun nge girdi’ nib salap ko dimow naun; miyad pi’ e ggan nge garbod nge gapgep ko olive ni nga ni pi’ nge yan ko binaw nu Tyre ngu Sidon ni ngan thiliyeg ko gek’iy ni cedar ni yibe fek u Lebanon ni ngan fek u maday nga Joppa. Nrin’ urngin e pin’ey ni Cyrus ni Emperor nu Persia e pithig e thin riy ngan rin’.

Ezra 6:4

Ma rungrung riy e nga ni ngongliy ni dalip thal e malang ni ngan tay me yib ba thal i ren nga daken, aray rogon ni ngan ubung i yan ngalang. Urngin e salpiy ni nge yan nga puluwon e ngan fek ko chubgil ko pilung.

Exodus 29:43

U rom e bay gu mada’nag e girdi’ nu Israel ngay, ma fare ram’en e maluplup ko gin gu bay riy e ra thothupnag e gin’em.

Isaiah 60:13

“Ren ko gek’iy ni pine nge juniper nge cypress, Ni tin th’abi fel’ e ren ni yibe fek ko Loway nu Lebanon, E bay ni fek i yib nga ni fulwegem nga rogom, i gur Jerusalem, Ya nga ni ngongliy e Tempel rog nge fel’ ya’an, Mi ni fal’eg e binaw rog nge maluplup’.

Isaiah 60:7

Urngin e saf nu Kedar ngu Nebayoth E bay ni fek i yib ngom ni nge mang maligach, Ni ngan pi’ ngak SOMOL u daken e altar ya nge felan’ SOMOL. SOMOL e bayi gelnag feni maluplup’ e Tempel rok.

Isaiah 66:11

Bay mu felan’gad ko fla’ab rok, ni bod bbitir u tan thuthun e chitiningin.

Haggai 1:7

Damur guyed fan e ran’ey nike yodroy?

Haggai 2:7

Bay gu rurug gubin e pi nam, ma gubin e pi machaf rorad ni bay ni fek ngaray, nge sug fare Tempel ko pi manigil.

Haggai 2:9

Bin be’ech e Tempel e bayi gel feni manigil ko bin ni kafram, mu rom e bay gu fla’abnag e girdi’ rog riy miyad par u fithik’ e gapas.” I SOMOL ni Gubin ma Rayag Rok e ke non.