Genesis 9:12 - Bible Ni Thothup

^12-13 Me ga’ar Got, “Bay gu tay e ragim rog nga fithik’ e manileng ni nge mang pow ko re m’ag ney ndabi m’ay bi’id ni kug ngongliy u thildad nge urngin e gamanman, bayi par ni pow ko m’ag rog ngak e fayleng.

Genesis 9:12 Iomraidhean Croise

Genesis 17:11

Chiney i yan ngaram e thingar mu maad’adgad ngak urngin pifakmed ni pumo’on ko ngiyal’ ni meruk e rran yangren, nib mu’un e pi’in ni yibe gargeleg u lan e tabinaw romed ngay ni yad e sib nge pi’in ni sib nchuw’iyrad u reb e nam. Irera’ e ren’en ni bayi mang pow riy ni bay ba m’ag u thilmed nge gag.

Genesis 9:17

Miki ga’ar Got ngak Noah, “Ireray e pow ko fare bugithin ni kugog ngak urngin e pin’en nib fos ni bay u daken e fayleng.”

Exodus 12:13

Rracha’ ko pi mab e bayi mang pow ko pi naun ni gimed be par riy. Nap’an ni gu ra guy e racha’, mu gu luk’afmed ni dab gu bucheg ban’en romed, u nap’an ni gu be gechignag yu Egypt.

Exodus 13:16

Ran’ey ni gadad ma rin’ e ra puguran ngodad, ni bod ban’en ni kan m’ag nga pa’dad ara nga peri’dad ni ngi i puguran ngodad ni SOMOL e ke fekdad nga wuru’ yu Egypt u gelngin nib gel.’”

Joshua 2:12

Ere mmichegew ngog u daken fithingan SOMOL ni gimew ra ayuweg girdi’en e tabnaw rog, ni bod ni ku gu ayuwegmew, mi gimew pi’ ba pow ngog nrayag ni nge pagan’ug ngomew.