Genesis 6:9 - Bible Ni Thothup

^9-10 Ba’aray e pi’in ni owchen Noah: dalip e pagel ni fak ni immoy, ni Shem nge Ham nge Jafeth. Noah e be’ nib mo’on ni bfel’ ni kemus ni ir e immoy ni kabfel’ u wan’ Got e ngiyal’nem; i par ni bay Got rok.

Genesis 6:9 Iomraidhean Croise

Genesis 10:1

Ba’aray e pi cha’ ni owchen Shem, Ham, nge Jafeth ni pifak Noah ni pumo’on. Ra fakyed boch e bitir ni pumo’on u tomuren fare sugbur ni tharey e fayleng.

Genesis 17:1

Nap’an ni mereb i ragay nge merab e duw yangren Abram, me yib i m’ug SOMOL ngak me ga’ar ngak, “I gag Got ni Gubin ma Rayag Rog. Mu par ni ga be fol rog u n’umngin nap’an e yafos rom ngam par ni dariy thibngim.

Genesis 2:4

Ere ara’ rogon ni sunumeg Got e fayleng nge urngin ban’en ni bay u lanelang. Ngiyal’ ni sunumeg fare SOMOL ni Got e fayleng nge urngin ban’en ni bay u lanelang,

Genesis 48:15

Ma aram me fal’eg wa’athan Josef ni ga’ar: “I Got e ngi i fal’eg wa’athan e gali pagel ney, ni fare Got ni i par e chitamag i Abraham nge Isak u p’eowchen. I Got, ni i pow’iyeg i yib ke mada’ ko bin daba’ e rran e ngi i fal’eg wa’athrow.

Genesis 5:1

Irera’ fithingan e pi’in owchen Adam nni yoloy. (Nap’an ni sunmeg Got e girdi’, me ngongliyrad ni bod ya’an.

Genesis 5:22

Tomuren ni kan gargeleg Methuselah miki par Enok nib fos ni 300 e duw ngi i liyor ngak Got miki fakay boch e bitir.

Genesis 5:24

I par Enok ni be fol rok Got, ma aram mada kun guy ni bochan e ke fek Got.

Genesis 7:1

Me ga’ar SOMOL ngak Noah, “Mmarod girdi’en e tabinaw rom ngalan fare barkow; ya kug pir’eg ni kemus ni gur u fithik’ e girdi’ e ka gab fel’ u wun’ug.

2 Samuel 22:24

Manang ndariy e kireb ni kug rin’, ma kug teg u urel ko kireb.

1 Kings 3:6

Me ga’ar Solomon, “Gubin ngiyal’ ni um dag nrib t’uf rom e chitamag i David ni tapigpig rom, ma i par ni bfel’, ma ba yul’yul’, ma mmat’aw u p’eowchem. Ma ka ga be dag nrib t’uf rom ya kam pi’ be’ nib mo’on ni fak ni ir e be gagiyeg e daba’ u tagil’.

2 Kronicles 15:17

Yug aram rogon nde thirif Asa urngin e yungi n’en ni tagil’ e tayfan rok e pi’in ndar nanged Got u lan fare nam, machane mi i par Asa nib yul’yul’ ngak SOMOL u n’umngin nap’an e yafos rok.

2 Kronicles 25:2

I rin’ e tin nib m’agan’ SOMOL ngay machane i rin’ ni gathi rib pasigan’ ngay.

BABYOR NI JOB 1:1

Immoy be’ nib mo’on ni Job fithingan, ni i par ko nam nu Uz. I par ni be liyor ngak Got ma ba yul’yul’ ngak. I par ni ir be’ nib manigil ma be ayuw ni nge dabi rin’ ban’en nib kireb.

BABYOR NI JOB 1:8

Me ga’ar SOMOL, “Mog, kam guy fare tapigpig rog i Job? Dariy be’ u fayleng nib yul’yul’ ma bfel’ ni bod ir. Bay madgug u wan’ mma ayuw ni nge dabi ngongliy e kireb.”

BABYOR NI JOB 12:4

Mus ngak e pi tafager rog ma ku gu mang bmakak’ar ngorad; yad be minmin ngog, ni yug aram rogon ni gub mat’aw ni dariy thibngig; ma immoy bingyal’ nma fulweg Got taban e meybil rog.

Psalms 37:37

Mu tay fanamyan ko en dariy thibngin, ma ga yaliy e en nib yal’uw; be’ ni ba gapas e ra yib e pi’in owchen.

Psalms 37:39

I SOMOL e ra thapeg e pi’in yad mmat’aw, me yororiyrad ko ngiyal’ nike yib e oloboch ngorad.

Proverbs 4:18

Fare pa’ i kanawo’ nma yan e girdi’ nib mat’aw u daken e bod e yal’ ni nge m’ug, ni be ga’ ra’en i yan nge mada’ ko ngiyal’ ni kari rran.

Eklesiastes 7:20

Dariy be’ u fayleng ni go’ tin nib mat’aw e ngongliy ni gubin ngiyal’ ma der ma oloboch.

Ezekiel 14:14

Fa’an mang e i par fa dalip i pumo’on ni Noah, Danel, nge Job u rom, ma farad mat’aw e go’ yafos rorad e ra ayweg.” I SOMOL ni Th’abi Tolang e keyog e pi thin ney.

Ezekiel 14:20

mus ni fa’an mang e ku ma par Noah, Danel, nge Job u rom — ma bod feni muduwgil ni Gag fare SOMOL ni Th’abi Tolang, me gag fare Got ni gu ma par nib fos — ma mus nga pifakrad ma dabyag ni ngar aywegned. Farad mat’aw e go’ yafos rorad e ra ayweg.”

Habakkuk 2:4

Ba’aray e thin rog ngom: ‘Pi’in yad ba kireb e dab ra fosgad; ma pi’in yad bmat’aw e yad ra fos ni bochan e yad ba yul’yul’ ngak Got.’”

Luke 1:6

Ni yow l’agruw ma ur pirew ni bfel’ e ngongol rorow u p’eowchen Got, ma yow be fol ko tin keyog Somol nge pi motochiyel.

Luke 2:25

Ma aram e immoy be’ nib mo’on ni be par u lan yu Jerusalem ni Simeon fithingan; ni ir be’ ni bfel’ ni bay madgun Got u wan’, ni be sonnag yu Israel ni ngan chuwegrad ko gafgow ni yibe tay ngorad. Ma bay fare Kan Nthothup rok,

Luke 23:50

Ma bay be’ nib mo’on ni Josef fithingan, ni be’ ko binaw nu Arimathea ni bay u lan yu Judea, ni ir be’ ni bfel’ ma yima tayfan, ma be sonnag e ngiyal’ ni bayi taw e gagiyeg rok Got. Yugu aram rogon ni ir reb i girdi’en fare ulung ko pilung, machane de fel’ u wan’ e n’en ni kar turguyed nge n’en ni kar ngongliyed.

Acts 10:22

Me lungurad, “I kapten Kornelius e ke l’oegmad. I ir be’ ni bfel’ nma meybil ngak Got mma tay urngin e girdi’ nu Israel fan. Keyog ba engel rok Got ngak ni nge non ngom ngam man nga tabinaw rok, nge yag ni rung’ag e tin bay ni ngamog ngak.”

Roma 1:17

Ya Thin Ni Bfel’ ni yib rok Got e be dag rogon nma mat’awnag Got e girdi’ ngak ni ba’aray rogon: ma mat’awnagrad ngak ni kemus ni fa’anra mich Kristus u wun’rad mi i gel e michan’ rorad ngak i yan. Ni bod rogon ni be yog e babyor nib thothup ni be ga’ar, “En nike mat’aw ngak Got ni bochan e ke mich Got u wan’ e ra fos.”

Galatia 3:11

Ere chiney e kari tamilang ndariy be’ nra mat’aw ngak Got ni Motochiyel e nge mat’awnag; ni fan e be yog e babyor nib thothup ni be ga’ar, “En nike mat’aw ngak Got ni bochan e mich Got u wan’ e ir e ra fos.”

Deuteronomy 18:13

Ngu’um pired ni gimed ba yul’yul’ ngak SOMOL.”

Hebrews 11:7

Michan’ rok Noah ngak Got e ir e ayuweg Noah nge motoyil ko tin ni yog Got ngak ni murung’agen e pin’en ni bayi taw, ni bogi ban’en ndabiyag ni nge guy Noah e ngiyal’nem. Me fol ko tin keyog Got ngak ni nge rin’, me toy fare barkow ni ark fithingan, ni re ark nem e ir e faseg Noah nge girdi’ nu tabinaw rok. Ireray kanawo’en me gagiyelnag nib kireb e rok e girdi’ nu fayleng, me yag ngak Noah mat’awuy nma pi’ Got ngak e girdi’ u daken e michan’ rorad ngak.

1 Peter 2:5

Mired nrogon e malang nib fos ngam pi’ed gimed ngan fanaymed ko Tempel ni yibe toy ni Tempel ni bfel’ u wan’ Got, ni ir e bay mu pigpiggad riy ni bod rogon e pi prist ni yad ba thothup, ni ngam pi’ed ngak Got lanin’med ni be gagiyegnag fare Kan Nthothup nge pi maligach nib m’agan’ Got ngay u daken Jesus Kristus.

2 Peter 2:5

I Got e de pag e pi’in kakrom nde gechig nagrad, ya pag e ran nge tharey e nam ni tafen e girdi’ ni kireb; ma kemus ni pi’in ni ayuwegrad ndar uned ko yam’ e Noah, ni i machibnag e tin nib mat’aw, nge ku medlip i girdi’.