Genesis 6:17 - Bible Ni Thothup

¹⁷ Ya bay gu pi’ e ran nge yib nga daken e fayleng ni nge thang mit urngin ban’en nib fos. Ma urngin ban’en ni bay u daken e fayleng ni bay yim’,

Genesis 6:17 Iomraidhean Croise

Genesis 2:7

Ma aram me fek SOMOL ni Got boch e but’ nge ngongliy be’ ni pumo’on riy; me pag athon l’ugun nma pi’ e yafos ngalan p’ethungun, me fos fare pumo’on.

Genesis 6:13

Me ga’ar Got ngak Noah, “Kug turguy u wun’ug ni nggu thang owchen urngin e girdi’. Bay gu thang owcherad, ya re fayleng ney e ke sug ko ngongol rorad nib kireb.

Genesis 6:16

Ma ga ngongliy e chigiy u daken, ma ga tay thilin e chigiy nge marichlen e barkow u baraba’ ngu baraba’ ni ragag nge meruk e inch. Ngam toy ni dalip thal e faraf u lan, ma ga tay ba mab u p’eyon.

Genesis 6:7

Me ga’ar, “Bay gu thang owchen urngin e girdi’ ni kug sunumeg, ndemturug e gin’en ni yad bay riy. Ma bay kug thang owchen urngin e gamanman nge urngin e arche’, ya kug kolngan’ug ni kug sunumegrad.”

Genesis 7:15

Reb e pumo’on nge reb e bpin u bmit nge bmit urngin ban’en nib fos nra uned ngak Noah ngalan fare barkow,

Genesis 7:17

Ma fare ran nike tharey e fayleng e aningeg i ragag e rran ni i ga’ i yan, me dib’ag e ran nge chibiy fare barkow u daken e but’ ngalang.

Genesis 7:4

Ya ka medlip e rran mu gu pi’ e n’uw nge yib nga daken e fayleng ni bayi par ni nge aw ni aningeg i ragag e rran nge nep’, ni fan e nge thang mit urngin e pin’en nib fos ni kug sunumeg.”

Genesis 9:9

“Chiney e nggu ngongliy e m’ag u thildad nge pi’in ni bayi sum ni owchemed,

BABYOR NI JOB 22:16

Ku dawor i taw nga nap’rad, miyad un ko sugbur ngar man’gad.

Psalms 107:34

I pingeg e but’ nib yong’ol nge buday ni daki fel’, ni bochan e kireb ni i ngongliy e pi’in i par u rom.

Psalms 29:10

SOMOL e be gagiyegnag e pi regur; be gagiyeg nib pilung ni dariy n’umngin nap’an.

Exodus 14:17

Bay gu tay piyu Egypt ngari gel lanin’rad ngar leked piyu Israel nga maday; ma bay gu gel ngak Farao, nge fa rab’ i salthaw rok, nge pi chariot rok, nge pi’in yad ma yannag e pi chariot rok nem, min ta’fag ni bochan.

Isaiah 51:12

I SOMOL e be ga’ar, “I gag e cha’ ni gu pi’ gelingmed. Ere mangfan ni gimed be rus ko girdi’, ni bod e pan ni dar ma n’uw nap’an.

Isaiah 54:9

“Nap’an Noah mu gu micheg ndab kug tharey e fayleng ko ran. Ma chiney e kug micheg ngom ndab kug damumuw ngom bayay; dab kug puwan’ ngom ara ggechig nigem.

Ezekiel 34:11

“I Gag SOMOL ni Th’abi Tolang e gu be yog ngomed ni gag e bay ggay e saf rog nggu ayuwegrad

Ezekiel 34:20

“Ere chiney e Gag SOMOL ni Th’abi Tolang e gu be yog ngomed ni bay gu turguy e n’en ni nggu rin’ ngomed e tin ba gel e saf nge tin ba me’waer.

Ezekiel 5:8

Ere I Gag SOMOL ni Th’abi Tolang, e gu be yog ngom ni gag e to’ogor rom. Bay gu pag e gechig nge aw ngom ni gubin e nam mra guy.

Ezekiel 6:3

Mog ko pi burey nu Israel ni ngar rung’aged e thin rok SOMOL ni Th’abi Tolang — ni ngar rung’aged e n’en ni Gag SOMOL ni Th’abi Tolang e gu be yog ko pi burey ni tolang, nge yochi burey, nge yungi thilin burey nib wa’ich’ich, nge yochi loway: Bay gu l’oeg bang i saydon ni nge gathay e yungi n’en nma tay e girdi’ fan e pi liyos riy.

Hosea 5:14

Bay gu cham ngak e girdi’ nu Israel ngu Judah ni bod ba layon nib gel. Bay gu popofrad nge mu’ mu gu pagrad. Nap’an ni gu ra girngiyrad nga bang, ma dariy be’ nra ayuwegrad u pa’ag.”

Levitikus 26:28

ma aram e bay gu sap ngomed u fithik’ e damumuw rog, mu kug gelnag e gechig ngomed ni medlip yay nib gel boch ko kafram.

Amos 9:6

I SOMOL e toy tafen u lan e pi tharmiy, me pulpuluy lane lang nga daken e fayleng. I pining e ran nifan ko regur me pu’og nga daken e fayleng. I SOMOL fithingan!

Matthew 24:39

machane da ur nanged e n’en ni bay yib ngorad nge yan i mada’ ko ngiyal’ ni ba’aram ni yib e ran nge tharey e binaw nge fekrad ni yad gubin. Ere aram rogon e ngiyal’ ni ba’aram ni bay yib e en ni Fak e Girdi’ riy.

Luke 17:27

Un par ni yibe abich ma yibe garbod, ma be mabgol e pumo’on nge ppin nge yan i mada’ ko re rran ni ba’aram ni yan Noah riy ngalan fare ark me yib e ran i tharey e binaw nge li’rad ni yad gubin.

Roma 5:21

Ere rogon ni i gagiyeg e denen u daken e yam’, e ku eram rogon e runguy rok Got ni be gagiyeg u daken e mat’aw ni be tay ngodad, be fekdad i yan ko yafos ni dariy n’umngin nap’an u daken Jesus Kristus ni ir e Somol rodad.

Roma 6:23

Ya denen e ma pi’ puluwoy — ni yam’; machane tow’ath rok Got ngodad ndariy puluwon e yafos ndariy n’umngin nap’an nra pi’ u daken e ta’ab girdi’ ni kad ted e Somol rodad i Jesus Kristus.

Deuteronomy 32:39

“‘I Gag, ma kemus ni go’ Gag e Got; dakuriy yugu reb e got ngabang. Gu ma thang e pogofan ma gu ma pi’ e pogofan, gu ma maad’ad nigey ma gu ma faseg e maad’ad, ma dariy be’ nrayag ni nge togopluw ko tin gu ma rin’.

Hebrews 11:7

Michan’ rok Noah ngak Got e ir e ayuweg Noah nge motoyil ko tin ni yog Got ngak ni murung’agen e pin’en ni bayi taw, ni bogi ban’en ndabiyag ni nge guy Noah e ngiyal’nem. Me fol ko tin keyog Got ngak ni nge rin’, me toy fare barkow ni ark fithingan, ni re ark nem e ir e faseg Noah nge girdi’ nu tabinaw rok. Ireray kanawo’en me gagiyelnag nib kireb e rok e girdi’ nu fayleng, me yag ngak Noah mat’awuy nma pi’ Got ngak e girdi’ u daken e michan’ rorad ngak.

1 Peter 3:20

ni pi kan nem e aram e picha’ ni ur moyed ko biney e tamilang ma da ur folgad rok Got ko fa ngiyal’nem ni i son nagrad Got riy u fithik’ e gumaen’, ni fa ngiyal’ i n’em ni i toy Noah fare ark riy. Ri in e girdi’ e ranod ngalan e re ark nem — ni yad meruk u gubin — e ra folgad nde li’rad e ran.

2 Peter 2:5

I Got e de pag e pi’in kakrom nde gechig nagrad, ya pag e ran nge tharey e nam ni tafen e girdi’ ni kireb; ma kemus ni pi’in ni ayuwegrad ndar uned ko yam’ e Noah, ni i machibnag e tin nib mat’aw, nge ku medlip i girdi’.