Genesis 50:11 - Bible Ni Thothup

¹¹ Fa’ani par e girdi’ nu Kanaan ngar guyed e girdi’ ni yad be dololoy’ u Atad, me lungurad, “Ren’ey e dololoy’ nma tay piyu Egypt ko yam’.” Aram fan ntunguy fithingan e gin’em ni Abel Mizraim. Bay ko ngek ko lul’ ni Jordan.

Genesis 50:11 Iomraidhean Croise

Genesis 13:7

Ere i malu’ag thin e pi’in yad ma gafaliy e gamanman rok Abram nge pi’in yad ma gafaliy e gamanman rok Lot. (Re ngiyal’ i n’em e ka be par e girdi’ ko gi nam nem ni kanog e Kanaanite nge Perizzite ngorad.)

Genesis 24:6

Me ga’ar Abraham, “Ngam guy rogon ndab mu pi’ fakag nge sul ngaram!

Genesis 34:30

Me ga’ar Jakob ngak Simeon nge Levi, “Kam tew e oloboch nga puluwog; ni aram e bayi dabuyeg piyu Kanaan, nge Perizzites, nge gubin e girdi’ ko re binaw ney. Ma gadad buchu’uw; mra chey ni ta’reb lungrad ni ngar togopluwgad ngar chamgad ngog, ma ga’ngin e re ke girdi’ rodad ney nra math owcharad.”

Genesis 50:10

Fa’anra tawgad ko gin ni yima gunugunuy e grain riy u Atad, ni bay ko ngek ko lul’ ni Jordan, miyad dololoy’ u rom nib n’uw nap’an ni kari kireban’rad, me un Josef ngorad ngar mowaw niged e chitamngin ni medlip e rran.

Genesis 50:12

Fapi pumo’on ni fak Jakob e rrin’ed ni bod rogon ni yog ngorad;

Deuteronomy 11:30

Gali burey ney e yow bay ko ngal ko lul’ ni Jordan u lan e nug rok yu Kanaan ni yad ma par u lan fare loway nu Jordan. Yow ba kan ko ngal, dar paloggow ko fapi gek’iy ni machmach nu Moreh nib chugur ko fare binaw nu Gilgal.)

Deuteronomy 3:25

SOMOL, mpageg nggu th’ab e Jordan nga ba’ nem, ngug guy fare binaw nib yong’ol ni bay u ba’ nem, ni go’ burey ni bfel’ ya’an nge fapi Burey nu Lebanon.’

Deuteronomy 3:27

Man nga p’ebugul fare Burey ni Pisgah ngam changar ngalan e lel’och nge lan e yimuch, nge lan e ngek nge lan e ngal. Ma ga fal’eg i yaliy e tin ga ra guy, ya ri dab mu th’ab e Jordan nga ba’ nem.

1 Samuel 6:18

Ma ku er rogon e gol ni ya’an e boro’, nra reb ma pa’ reb fapi binaw ni fa lal i pilung ko pi Filistine e yad be gagiyegnag, ni pa’ e pi binaw ni ka ni yororiy ni fan ko mael nge pi binaw ndawor ni yororiy. Fare war ni ba ga’ ni bay u lan e flang rok Joshua nu Beth Shemesh, ni ir e ra feked fare Kahol ko M’ag rok SOMOL ngar ted nga daken e kabay u rom, ni ir e be micheg e ran’em.