Genesis 49:8 - Bible Ni Thothup

⁸ “Judah, pi walagem ni pumo’on e bay ra pininged e sorok ngom. Bay mu kol k’angan e pi to’ogor rom; ma pi walagem ni pumo’on e bay ra siro’gad ngom.

Genesis 49:8 Iomraidhean Croise

Genesis 27:29

Ma pi nam e ngar manged tapigpig rom, ma girdi’en e pi nam e ngu’ur siro’gad ngom. Ma ga par ni gur e masta rok e girdi’ rom, mi i siro’ ngom e pi’in ni owchen e chitinam. Ma pi’in yad ra yibilayem ni nge buch wa’atham, e nge buch wa’athrad, ma pi’in yad ra yibilayem ni nge fel’ wa’atham, e nge fel’ wa’athrad.”

Genesis 29:35

Me diyen nge gargel bayay ni ku reb e pagel. Me ga’ar, “Yaney e nggu pining e magaer nge sorok ngak SOMOL”; me tunguy fithingan ni Judah. Me tal ndaki diyen.

Genesis 42:6

Mi Josef, ni ir e governor u ga’ngin e nam nu Egypt, e i pi’ e grain nchuway’ ngak urngin e girdi’ nu fayleng. Ma aram me yib fapi pumo’on ni walagen Josef, marbad ra siro’gad ngak nge yan i math owcherad nga but’.

Genesis 46:12

Nge Judah nge pifak ni pumo’on: Shelah, Perez nge Zerah. (Fagal ni baaram e bitir rok Judah, ni Er nge Onan e karm’ow u Kanaan.) Ma pumo’on ni fak Perez e Hezron nge Hamul.

2 Samuel 22:41

Ga ma gagiyegnag e pi to’ogor rog ngar milgad rog; mu gu li’ e pi’in yad be fanenikayeg.

2 Samuel 24:9

Miyad sulweg e thin riy ko fare pilung u urngin e pumo’on nrayag rarogon e mael rorad: 800,000 u lan yu Israel ma 500,000 u lan yu Judah.

2 Samuel 5:3

Ma aram me yib urngin e pi’in yad be yog e thin rok piyu Israel ngak David nga Hebron. Me ngongliy ba m’ag u thilrad, ni ngongliy u p’eowchen Got, miyad liyef e gapgip nga lolugen ni aram e kar turguyed ni ir e ke mang pilung nu Israel.

1 Kronicles 28:4

I SOMOL ni fare Got nu Israel, e ke mel’egeg nge pi’in owcheg ni ngu’ug gagiyeg niged yu Israel ndariy n’umngin nap’an. Ke mel’eg fare ganong rok Judah ni yad e ngu’ur gafaliyed, mu lan yu Judah e ke mel’eg e tabnaw rok e chitamag. Mu lan e re tabnaw nem ni ga’ngin mab felan’ SOMOL ngay ni nge pilung nigeg u daken ga’ngin yu Israel.

1 Kronicles 5:2

Ma aram e fare ganong rok Judah e par ni ir e th’abi gel me ir e pi’ ba tagagiyeg ni fan ngak urngin fapi ganong.)

2 Kronicles 14:8

Asa ni Pilung e immoy barba’ i salthaw rok ni dalip mir’aye bbiyu’ e pumo’on riy ni piyu Judah, ni go’ bay e yungi shield nge sarey rorad, nge l’agruw mir’ay nge meruk i ragag e bbiyu’ i pumo’on ko Benjamin, ni ku bay yungi shield nge gat’ing rorad. Yad gubin ma bmuthan’rad, ma bfel’ rogon ni ka ni fil rogon e mael ngorad.

2 Kronicles 15:9

Bo’or e girdi’ nrabad u Efraim, Manasseh, nge Simeon nga ba’ rok Asa, ngar pired u tan lungun, ni bochan e ka ra guyed ni bay SOMOL rok. Me yog Asa ni ngar mu’ulunggad e girdi’ nu Judah ngu Benjamin.

2 Kronicles 17:2

Me tay e salthaw ngalan fapi binaw nu Judah ni kan yororiy nib gel ni fan ko mael, nge tin kabay e binaw u lan fapi binaw ni kol Asa ko nug nu Efraim.

2 Kronicles 30:11

Miki immoy boch e girdi’ ko ganong rok Asher, Manasseh, nge Zebulun nib magan’rad ngay i ngarbad nga Jerusalem.

Psalms 76:1

Got e go’ yim nang u Judah; ma yima mathangeluwolnag fithngan u Israel.

Isaiah 9:7

Gelngin lungun nib pilung e bay i ga’ i yan; gin bay i gagiyeg riy e yugu bay i par u fithik’ e gapas. Bayi gagiyeg ni ir e ke yan nga luwan David ni Pilung, ma gagiyeg ni bay i tay e mmat’aw ma ba yal’uw, e chiney nge yan i mada’ ko tungun. I SOMOL ni Gubin ma Rayag Rok e ke turguy ni nge rin’ urngin e pin’ey.

Ezekiel 21:29

Pin’en ni be pig owchemed ngu’um guyed e go’ bogi ban’en, nge fapi yi’iy ni gimed be yog e go’ ban. Gimed ba kireb ma ba kireb e leam romed, ma fare rran romed e nge anog, ni fare rran ni tomuren e gechig romed. Fare gi saydon e nge aw nga belel’ugunmed.

Numbers 10:14

ma gubin ngiyal’ ni yad ra mithmith, ma yad beyan nikyad ba yaram. Pi’in bay u tan e flak ko fare raba’ i girdi’ ni be gafaliyrad fare ganong rok Judah e yad e som’on ko yan, ni yad be yan ni yu raba’, ni Nahshon nib mo’on ni fak Amminadab e ir e be gafaliyrad.

Numbers 26:22

Oren e pumo’on ko yuke girdi’ ney e 76,500 u gubin.

Deuteronomy 33:7

Me yog murung’agen e ganong rok Judah ni ga’ar: “SOMOL, mu telim ngorad ni yad be wenig ngom ni ngam ayuwegrad, mu fulwegrad bayay ko pi ganong nu Israel. SOMOL, mu cham ni pa’rad, ma ga ayuwegrad u pa’ e pi to’ogor rorad.”

Hebrews 10:13

Ireram e gin ni bay i son riy e chiney nge yan i mada’ ko ngiyal’ ni bayi tay Got e pi to’ogor rok nga tan e rifrif u ay ni nge mang tagil’ e magif ko rifrif u ay.

Hebrews 7:14

Rib tamilangan’uy riy nni gargeleg ni ir reb i girdi’en fare ganong rok Judah; mi Moses e de weliy murung’agen e re ganong ney ko fa ngiyal’ ni weliy murung’agen e pi prist riy.

Joshua 10:24

min fekrad i yan ngak Joshua. Me’ere me pining Joshua urngin e pumo’on nu Israel ni ngarbad ngak, me yog ngak e pi ga’ ko salthaw rorad ni ngar uned ngak ngar ted rifrifen ayrad nga daken belel’gun fapi pilung. Miyad rin’ ni aram rogon.

Joshua 15:20

Irera’ e re gi binaw nni pi’ ngak fapi tabnaw nu lan e ganong rok Judah ni ngar tafned.

Revelation 11:15

Me thoy fa bin medlip e engel e rappa rok, me yan lamay ni ba ga’ u lan e tharmiy ni be lunguy, “Ke yib gelngin Somol rodad nge Messiah rok ni ngar gagiyegnigew e girdi’ nu fayleng, ma bayi gagiyegnag ndariy n’umngin nap’an!”

Revelation 5:5

Me ga’ar bagayad fa pi’in pi’ilal ngog, “Dakumur yor. A mu changar! Fare Layon ni yib ko ganong rok Judah, ni fa’anem ni ba sorok ni ir owchen David e ke gel ngak e kireb nrayag ni nge guchthuy fa medlip i hang nge pithig fare gi babyor ni kan bachiy.”

Judges 20:18

Me yan piyu Israel nga tagil’ e meybil u Bethel, miyad fith Got u rom, “Bin ngan e ganong e nge yan ni mael ngak e Benjamin nsom’on?” Me fulweg SOMOL ni ga’ar, “Fare ganong rok Judah.”