Genesis 49:6 - Bible Ni Thothup

⁶ Dab gu un ngorow ko thin nib mith ni yow ma puruy’nag; dab gu mang reb i girdi’en e mu’ulung rorow, ni bochan e yow ra damumuw mi yow thang e fan rok e girdi’, ma yow ma marwothnag e garbaw nib gosgos u wan’row.

Genesis 49:6 Iomraidhean Croise

Genesis 34:30

Me ga’ar Jakob ngak Simeon nge Levi, “Kam tew e oloboch nga puluwog; ni aram e bayi dabuyeg piyu Kanaan, nge Perizzites, nge gubin e girdi’ ko re binaw ney. Ma gadad buchu’uw; mra chey ni ta’reb lungrad ni ngar togopluwgad ngar chamgad ngog, ma ga’ngin e re ke girdi’ rodad ney nra math owcharad.”

2 Samuel 8:4

Me kol David 1,700 e salthaw rok Hadadezer ni ma yan u os nge 20,000 e salthaw rok ni yad be yan u but’. Me tay David boch e pi os nem ni nge fanay 100 e chariot rok ma go’ th’ab e graw u ay e tin ni magey nge dakiyag nranod.

1 Kronicles 18:4

Me kol David reb e bbiyu’ e chariot rok, nge medlip e bbiyu’ e salthaw nma yan u os, nge rliw’ e bbiyu’ e salthaw nma yan u but’. Me fek e os nra gaman u ra’ay e chariot me t’ar ay e tin kabay os.

Psalms 1:1

Ba felan’ e cha’ nma siyeg ni nge fol ko fonow rok e girdi’ nib kireb, ma der folwok ko pi’in ni tadenen, ara un ngak e pi’in dariy fan Got u wan’rad.

Psalms 103:1

Lanin’ug, mu pining e sorok ngak SOMOL! Polo’ i gag, mu pining e sorok nga fithingan nib thothup!

Psalms 139:19

A Got, kari gum’ ni bochan ni manga yugu mu thang e pogofan rok e pi’in kireb! Ku gum’ ni bochan ni manga yigi pageg e pi girdi’ nma mathang pogofan!

Psalms 16:9

Ere gu be par ni gu ba felan’ ma bfel’ lanin’ug, ni gubin ngiyal’ nib pagan’ug;

Psalms 26:9

Dab mu unegeg ko pi tadenen ngam thang owchamad; mu teg u orel rok e pi’in tathang e pogofan —

Psalms 28:3

Dab mu unegeg ko pi’in kireb ngam gechig nigeg, ni pi’in yad ma ngongoliy e kireb nib sumunguy e thin rorad, machane ba sug lanin’rad ko fananikan.

Psalms 30:12

Ere dab gu th’ab gulungag; bay gu tangnag e sorok ngom. SOMOL, I gur e Got rog; Bay gu pining e magaer ngom ni manemus.

Psalms 42:11

Mangfan ni kari taganan’ug? Mangfan ni dakir paslag lanin’ug? Bay gu tay e pagan’ rog nga daken Got, ma aram bayay ni bay ku gu pining e sorok ngak, ya ir e ta’ayuw rog ma Got rog.

Psalms 42:5

Mangfan ni kari taganan’ug? Mangfan ni dakir paslag lanin’ug? Bay gu tay e pagan’ rog nga daken Got, ma aram bayay ni bay ku gu pining e sorok ngak, ya ir e ta’ayuw rog ma Got rog.

Psalms 43:5

Mangfan ni kari taganan’ug? Mangfan ni dakir paslag lanin’ug? Bay gu tay e pagan’ rog nga daken Got, ma aram bayay ni bay ku gu pining e sorok ngak, ya ir e ta’ayuw rog ma Got rog.

Psalms 5:10

Got, mu bucheg wa’athrad ma ga gechig nagrad; mang e yug ra awgad ko pi makath rorad. Mu chuwegrad u p’eowchem ni bochan e ba pire’ e denen rorad nge togopluw ni yad be tay ngom.

Psalms 57:8

Lanin’ug mu od! Talin e musik rog ni harp nge lyre mu odgow! Bay gu pug e yal’ nge od.

Psalms 64:2

Mu ayuwegneg ko pi makath rok e pi’in kireb, nge yu raba i girdi’ ni kireb e leam rorad.

Proverbs 1:11

Fa’an mang e yad ra ga’ar ngom, “Moy, ngdarod da guyed be’ ngad li’ed ngem’! Ngad oggad ngak e pi’in ndawor ra bucheged ban’en ni fan e ngad minmingad ngay!

Proverbs 12:5

Girdi’ ni yul’yul’ e gimew ra puruy’ ni bfel’; ma be’ nib kireb e kemus ni ba’adag ni ngi i ban nigem.

Jeremiah 15:17

Da ug un ngak e girdi’ ko minmin nge mur ni yad be tay ni yad be felfelan’, ni bochan e maruwel ni mpi’ ngog mu gu par rog ni gu be damumuw.

Jeremiah 4:19

Amith! Dabkiyag ni ngu athmagliy e amith! Gumircha’eg! Be mithmith gumircha’eg nib almarin! Dabkiyag ni gu th’ab gulngag; kug rung’ag lingan e rappah nge lungun e tolul ko mael.

Luke 12:19

Ma aram mu gog ngog u lanin’ug ni lungug, Bfel’ wa’atham! Ke yag ngom urngin e tin ni bfel’ ni bay fan ngom nra par ni bo’or e duw. Mpagan’um, ngu’um abich ma ga be garbod, ma ga be rin’ e tin ni gab adag!

2 Korinth 6:14

Dab mu guyed rogon ni ngam pachgad ngak e pi’in nde mich Got u wun’rad ngu’um maruwelgad u ta’bang nib ta’reb lanin’med, ya dabiyag. Ra di’in me ta’reban’ e tin nib mat’aw nge tin nib kireb? Ra di’in me par e tamilang nge talumor u ta’bang?

Deuteronomy 27:24

“‘Nge bucheg Got wa’athan e en nra thang e fan rok be’ nib mith.’ “Me fulweg e girdi’ ni gubin ni lungurad, ‘Amen!’

Joshua 11:9

I rin’ Joshua ngorad e tin ke tay SOMOL chiylen: i th’ab e garaw u ay e os rorad me urfeg fapi chariot rorad.

Judges 5:21

I sugbur e lul’ nu Kishon me fekrad e ran, ko gireng ko lul’ nu Kishon. Bay gu ayi salthaw, i yan nga m’on nib el mirin!