Genesis 49:26 - Bible Ni Thothup

²⁶ Nge fel’ rogon ni bayi pi’ ni aram e grain nge floras, Nge fel’ rogon ni be yib ko burey nike kakrom, Nge urngin e tin ni bfel’ ni bay ko pi burey, ni burey ni bay i par, Pi tow’ath ney e ngi i par rok Josef, Ni ir e ka ni fael ngabang u fithik’ walagen ni pumo’on.

Genesis 49:26 Iomraidhean Croise

Genesis 37:28

Ma fa’ani yib bogi ni’ ntachuway’ ni kanog e Midianite ngorad, miyad girengiy Josef u lan fare low ngalang ngar pi’ed nchuway’ ngak fapi girdi’ ni kanog e Ishmaelite ngorad, mi ni pi’ reliw’ yang i silber ngorad ni puluwon, miyad fek Josef nga Egypt.

Genesis 37:8

Me fith pi walagen ngak ni lungurad, “Ga be finey ni gur e bay um gagiyeg nagmad? Ga be finey ni bay mang gur e um tay murung’agmad?” Ma aram e ri gel e fanenikan rorad ngak, ni bochan e tin ni weliy ngorad ni murung’agen e lik’ay rok.

Genesis 49:27

“I Benjamin e bod ba gamanman ni wolf nma thang e pogofan; Kadbul e ma languy e n’en nike li’, Ma blayal’ me pag e f’oth nga k’on.”

Psalms 132:18

Bay gu upunguy e pi to’ogor rok ko tamra’, ma gin bayi gagiyegnag e bayi fel’ rogon me mon’og.”

Psalms 89:36

Gubin ngiyal’ ni bayi par ni bay e gird’ ni owchen, ma bay ug matanagiy gil’ilungun u n’umngin nap’an ni bay e yal’ ni be mat ram’en.

Isaiah 54:10

Pi burey nge yungi ted e rayag ni nge puth, machane rogon nri gab t’uf rog e dariy e rofen nra mus; m’ag ko gapas ni kug micheg ngom e bay i par u gil’ ndariy n’umngin nap’an.” Irera’ rogon nike yog SOMOL ni ri gab t’uf rok.

Isaiah 66:5

Motoyil ko mang e be yog SOMOL, gimed e pi’in bay madgun romed ma gimed ma fol rok: “Bochan e gimed ba yul’yul’ ngog aramfan ni boch e girdi’ romed e ke dabuymed ni dakriy ban’en ni ba’adag romed. Yad be moning nagmed yad be ga’ar, ‘Mu paged SOMOL nge dag feni ga’ me aywegmed, ya ngug guyed ni kam felfelan’gad.’ Machane yad e bayi m’a’y farad!

Jonah 2:6

Gu wan nga’ar nggu mada’ nga enggin fapi burey; ngalan fa re binaw ni yug ma par e garog riy nib man’ ndariy n’umngin nap’an; machane gur SOMOL ni Got rog e kam fulwegneg u ar nda gum’!

Habakkuk 3:6

Ra tal, me rur e fayleng; ra sap, me t’on e pi nam. Fapi burey nike kakrom e ke puth; ma yochi burey nike kakrom e ke aw nga but’, ni fa yochi burey ni i yan u daken kakrom.

Numbers 6:2

ni nge weliy rogon e pin’en ni ba’aray ngak e girdi’ nu Israel. Demturug be’ nib mo’on fa be’ ni bpin nra micheg ni nge mang reb e Nazirite, ni aram e ke pi’ ir ni polo’ ngak SOMOL

Acts 7:9

“Pi chitamngin fapi ganong rok piyu Israel e awan’rad ngak Josef, ngar pi’ed ni chuway’ ngalan yu Egypt ni nge mang sib. Machane bay Got rok ni be un ngak,

Efesus 1:3

Ngad pininged e magaer ngak Got ni ir e Chitamngin e Somol rodad i Jesus Kristus! Ya ke tow’ath nagdad u daken e ta’ab girdi’ ni kad ted Kristus, ni fan e ke pi’ ngodad urngin mit e tow’ath nu tharmiy.