Genesis 49:18 - Bible Ni Thothup

¹⁸ “SOMOL, gu be sonnag e ayuw ni bay mpi’.

Genesis 49:18 Iomraidhean Croise

Genesis 49:17

Dan e bayi bod ba porchoyog u barba’ e kanawo’, Ni ba porchoyog ni bay e yub u l’ugun u to’oben e kanawo’, Nma k’ad wurilen ay e os, Ya nganon’ nga wuriyel e en ni bay u daken eos.

Psalms 119:166

SOMOL, gu be son nigem ni ngam mat’aw nigeg, ma gu be rin’ e n’en kamog.

Psalms 119:174

A SOMOL, kargum’ ni bochan ni ngam mat’aw nigeg! Gu be pir’eg e felfelan’ u lan e motochiyel rom.

Psalms 119:41

SOMOL, mu dag ngog gelngin ni gub t’uf rom, ma ga aywegeg nrogon nim micheg.

Psalms 123:2

Bod ba tapigpig nma toer ngak e masta rok, bod ba yarif nma toer ngak e re bpin nma pigpig ngak, ere aram rogon ni kayiggu changargad ngom, i gur SOMOL ni Got romad, nge taw ko ngiyal’ nike wurengan’um ngomad.

Psalms 130:5

Gu be son ni be oban’ug ko ayuw rok SOMOL, ma gu be par nib pagan’ug ko thin rok.

Psalms 14:7

Ri gu be meybil nu Zion e nge yib e ayuw riy ngak yu Israel! Rib gel e felfelan’ nra tay e girdi’ nu Israel nap’an nra fal’eg SOMOL rograd bayay!

Psalms 40:1

Gu son gu sonnag e ayuw rok SOMOL; me motoyil ngog me rung’ag lamag ni gu be wenig ngak ni nge ayuwegneg.

Psalms 62:1

Gu be gum’an nigeg gu be sonnag Got ni nge ayuwegneg; kemus ni ir e gu ma toer ngak.

Psalms 62:5

Kemus ni Got e gu be toer ngak; ni ir ke l’agan’ug ngak.

Psalms 85:7

A SOMOL, mu dag ngomad fare t’ufeg rom ni dabimus. Ma ga pi’ ngomad e ayuw nggu mat’awgad ngom.

Exodus 15:2

I SOMOL e ir e yoror rog nib gel; Ir fa’anem nike ayuwegneg ni de buch ban’en rog. Ir e Got rog, ma bay u gog e sorok ngak, ma ir e Got rok e chitamag, bay gu tangnag feni gel gelngin.

Proverbs 14:32

Ngongolen e pi’in kireb e ra mulegrad nga but’, ma pi’in fel’ e ma yororiyrad farad yul’yul’.

Isaiah 25:9

Nap’an nra yodrom, ma gubin e girdi’ ni bayi ga’ar, “Ir e Got rodad! Kad ted e pagan’ rodad nga daken, ma ke aywegdad ni de buch ban’en rodad. I ir e SOMOL! Kad ted e pagan’ rodad nga daken, ma chiney e kad felfelan’gad ma kad ufgad ni bochan e ke ayuwegdad.”

Isaiah 30:18

Machane SOMOL e be son nagmed ni ngam sulod ngak me ayuwegmed. Ba’adag ni nge runguymed, ya gubin ngiyal’ nma rin’ e tin nib mat’aw. Ba felfelan’ e pi’in nike pagan’rad ngak SOMOL.

Isaiah 33:2

SOMOL, mu runguymad. I gur e ke l’agan’mad ngom. Um yoror romad u reb e rran nge reb, ma ga ayuwegmad ko ngiyal’ nike yib e oloboch ngomad.

Isaiah 36:8

Nggu ngongliy ba m’ag u daken fithingan e emperor nu Assyria. Bay gu pi’ ngomed l’agruw e biyu’ e os ni fa’an gimed ra pir’eg aram oren e pumo’on ni nge yan u daken.

Isaiah 8:17

I SOMOL e ke mith ko girdi’ rok, machane gu be par nib pagan’ug ngak me ir e ke lagan’ug ngak.

Lamentations 3:25

I SOMOL e ba gol ko pi’in ni karted e pagan’ rorad nga daken,

Hosea 12:7

Be ga’ar SOMOL, “Girdi’ nu Israel e yad ba sasalap ni bod e piyu Kanaan; yad ba’adag ni yad ma sasalpiy i thabthabelnag e chugom rok e pi’in karbad nni chuway’.

Mikah 7:7

Machane gag e gu be toer ngak SOMOL. Bay ug par nike l’agan’ug ngak Got ma gu be son nag, ya ir e bayi ayuwegneg; Got rog e bayi rung’ag lungug.

Matthew 1:21

Ya bayi gargeleg bochi pagel ma ngam tunguy fithingan ni Jesus — ya bayi ayuweg girdi’en nge chuwegrad ko denen ni yad be ngongliy nge thapegrad ngak Got.”

Mark 15:43

ni ir reb e girdi’ u lan e mu’ulung ni yima tayfan, ni ku be sonnag e ngiyal’ ni bayi taw e gagiyeg rok Got ni bay yib. Ma chirofen nem e eram e rofen ni dumm’adil (ni aram e rofen ni bay ngam’on ko Sabbath); me athamgil Josef nge yan i ning downgin Jesus ngak Pilate.

Luke 1:30

Me ga’ar fare engel ngak, “Maria, dab mu tamdag, ya Got e kari tow’ath nigem.

Luke 2:25

Ma aram e immoy be’ nib mo’on ni be par u lan yu Jerusalem ni Simeon fithingan; ni ir be’ ni bfel’ ni bay madgun Got u wan’, ni be sonnag yu Israel ni ngan chuwegrad ko gafgow ni yibe tay ngorad. Ma bay fare Kan Nthothup rok,

Luke 2:30

Ya kug guy nga owcheg e en ni kam pi’ ni ir e nge thapeg e girdi’ ngom,

Roma 8:19

Urngin e pin’en ni sunumiy Got e ri yad be sonnag e chirofen ni bayi fla’abnag Got pifak.

Roma 8:25

Machane fa’anra l’agan’dad nga ban’en ndariy guyed, ma ngu’ud son niged u fithik’ e gumaen’.

Galatia 5:5

Machane gadad e be l’agan’dad ngak Got ni ir e nge mat’awnagdad ngak; ni ireray e ren’en ni ir e gadad be sonnag ni nge yag ngodad u gelngin e Kan Nthothup rok Got ni be maruwel u fithik’ e michan’ rodad ngak Kristus.

1 Thessalonika 1:10

ma gimed be sonnag Fak ni nge sul u tharmiy — ni Fak ni Jesus, ni Got e faseg ko yam’, me ir e ke chuwegdad ko damumuw rok Got ni bay fini yib.