Genesis 48:17 - Bible Ni Thothup

¹⁷ Me dabuy Josef ni fa’ani guy nike tay e chitamngin e ba’ ni mat’aw i pa’ nga daken chugen Efraim; me kol pa’ e chitamngin ni nge chuweg u daken chugen Efraim nge tay nga chugen Manasseh.

Genesis 48:17 Iomraidhean Croise

Genesis 28:8

Ma fa’ani nang Esau ni Isak ni chitamngin e de fel’ u wan’ e ppin nu Kanaan,

Genesis 38:10

Ran’em ni rin’ e de mat’aw u p’eowchen SOMOL, ma aram miki thang SOMOL e fan rok.

Genesis 48:14

Machane me yin’ Israel baraba’ i pa’ nga daken baraba’ nge par nike thilpach, nge tay e ba’ ni mat’aw i pa’ nga daken chugen Efraim, ni ir e bbitir rorow, me tay e ba’ ni gilay’ i pa’ nga daken chugen Manasseh, ni ir e ba ilal rorow.

Genesis 48:18

Me ga’ar ngak e chitamngin, “Chitamag, gathi er rogon. Biney e ir e bin ilal; mu tay e ba’ ni mat’aw i pa’am nga daken chugen.”

1 Kings 16:25

Me denen Omri nib togopluw ngak SOMOL nib thum’ ngaru’ rok e pi’in ku ur gagiyeggad.

1 Kronicles 21:7

De fel’ u wan’ Got e tin kan rin’, ma aram me gechignag yu Israel.

Proverbs 24:18

Fa’anra ga be girig ma ra nang SOMOL, ma dabi m’agan’ ngay; ma aram e sana dabi gechignag fa’anem.

Numbers 11:1

Me tabab piyu Israel i gun’gun’ ngak SOMOL ni bochan e gafgow ni yad be tay. Fa’ani rung’ag SOMOL me damumuw, me pag e nifiy nga fithik’ rad nge urfiy e gin ni be par yu Israel riy ni kirebnag taban u baley.

Numbers 22:34

Me fulweg Balaam ni ga’ar, “Kug denen. Da gu nang ni ka mub mu sak’iy ngalan e kanawo’ ni ngam talegeg; machane fa’anra de fel’ u wun’um ni nggu wan me ere nggu sul nga tafnag.”

Roma 9:11

Machane bochan ni mel’eg Got bagayow fa gali pumo’on ni nge yib fan ko tin ni be finey Got, ma aram me ga’ar Got ngak Rebeka, “En nib ilal e bayi pigpig ngak e en ni bitir.” I yog Got e re bugithin ney ndawor ni gargelegrow, ma dawor ra ngongliyew ban’en, ni ban’en ni bfel’ fa ban’en nib kireb; ere rogon ni turguy Got bagayow e bay rogon ko pong ni tay ngak, ma dariy rogon nga ban’en ni manga kar ngongliyew.

Joshua 17:1

Bang ko fare gi but’ ni bay ko ngal u Jordan e ni pi’ ngak boch fapi tabnaw ni owchen e bin nganni’ e pumo’on ni fak Josef ni aram Manasseh. Me Makir e chitamngin Gilead ma irreram e bin nganni’ e pumo’on u fak Manasseh, cha’anem i Makir e reb e salthaw nrib cheag mab flu’, ere ni pi’ yu Gilead nge yu Bashan ngak ni bay ko ngek ko Jordan.

1 Samuel 16:7

Machane me ga’ar SOMOL ngak, “Dabi mit owchem nga n’umngin nge feni pichoay. Gathi ir e cha’ ni kug mel’eg, gag e dagur ma turguy ban’en nrogon nma turguy e girdi’ ban’en. Girdi’ e yad ma guy be’ u wuru’ i downgin, mi Gag e gu ma changar ko gum’ircha’.”