Genesis 48:16 - Bible Ni Thothup

¹⁶ Ma fare engel ni chuwegeg u fithik’ urngin e riya’ e ngi i fal’eg wa’athrow. Fithingag nge fithingan e gal chitamag i Abraham nge Isak e ngi i par u dakenrow. Nge yo’or pifak row ngar manged baraba’ i girdi’ ni pire’.”

Genesis 48:16 Iomraidhean Croise

Genesis 22:11

Machane me non fare engel rok SOMOL ngak u tharmiy ni ga’ar, “Abraham, Abraham!” Me ga’ar Abraham, “Gu ba’aray.”

Genesis 22:15

Me non fare engel rok SOMOL ngak Abraham u tharmiy ko yay ni gaman e l’agruw ngay ni ga’ar,

Genesis 32:28

Me ga’ar fare mo’on, “Dabki par fithingam ni Jakob. Kam fathael ngak Got nge ngak e girdi’, ma kam gel; ere nge par fithingam ni Israel.

Genesis 46:3

Me ga’ar, “I gag Got, ni Got rok e chitamam. Dab mu tamdag ni ngam man nga Egypt; ya pi’in owchem e bay gu gagiyeg nagrad u rom ngar manged girdi’en reb e nam ni ba ga’.

Genesis 48:5

Fa gali pagel ni fakam, nni gargelegrow u lan yu Egypt u m’on ndawor gub ngom ngaray e ku fakag yow; ni aram Efraim nge Manasseh e fakag yow ni ta’reb rogorow ngak Ruben nge Simeon.

Genesis 49:22

“I Josef e bod ba dongki nib malboch u to’oben ba alublub, Bod ba fak e dongki ni malboch ni bay u sigre’en bburey.

2 Samuel 4:9

Me fulweg David ni ga’ar, “Kug micheg u fithingan SOMOL ni bepar nib fos nike ayuwegneg u fithik’ urngin e riya’!

1 Kings 1:29

Me ga’ar David ngak, “Gu be micheg ngom u fithingan Somol ni be par nib fos, ni ir e ke chuwegneg u fithik’ urngin e gafgow ni yib ngog,

2 Kronicles 7:14

ma fa’anra yad ra meybil ngog ni ka ra kal gad ngan’rad miyad pi’ keru’rad ko kireb ni yad be ngongliy, ma aram e gu ra rung’ag nga tharmiy, mu gu n’agfan u wun’ug e denen rorad, mu ku gu fulweg e nam rorad nge fel’ rogon bayay.

Psalms 121:7

I SOMOL e ra yororiyem rok urngin e riya’; me tem ndabi buch ban’en rom.

Psalms 34:2

Bay ug pining e sorok ngak ko tin ke rin’; mang e yigi gubin e pi’in yibe gafgow nagrad e ngar motoyilgad me felan’rad!

Psalms 34:22

I SOMOL e ra ayuweg e pogofan rok e pi tapigpig rok; ma dabi gechignag e pi’in yad ra yan ngak ni ngar nafgad nga tan pa’.

Psalms 34:7

Engel rok e ma matanagiy e pi’in bay madgun SOMOL u wun’rad, me chuwegrad ko riya’.

Psalms 34:8

Mu gay ngam pir’eg feni manigil SOMOL. Ba felan’ e cha’ ni be naf nga tan pa’!

Exodus 1:7

ma pi’in owcharad ni piyu Israel, e ke yo’or pifakrad, ma aram mra yo’or ra yo’orgad ngar pired ni yad ba gel ma kar yo’orgad u daken e nam nu Egypt.

Isaiah 47:4

Fare Got nib thothup nu Israel e ke pithigdad fithngan e SOMOL ni Gubin ma Rayag Rok.

Isaiah 63:9

u gubin e gafgow rorad. Gathi ba engel ya SOMOL ni ir e ayuwegrad. I ayuwegrad ni bochan e ri yad ba t’uf rok ma be runguyrad. Kab kakrom i yib ni i ayuwegrad ni gubin ngiyal’,

Jeremiah 14:9

Mangfan ni ka mu bod be’ nike gin ngomad, ni bod ba salthaw ni dakriy gelngin ni nge pi e ayuw? Rriyul’ SOMOL ni ga bay romad! Gamad e girdi’ rom; are dab mu n’agmad.’”

Jeremiah 15:21

Bay gu chuwegem u pa’ e girdi’ nib kireb, mu gu ayuwegnem rok e pi’in yad ma gafgownag e girdi’. I Gag SOMOL e kugog e pi thin ney.”

Amos 9:12

Ma aram e bayi fek piyu Israel e gini magey ko nam nu Edom nge urngin e pi nam ni immoy ba ngiyal’ ni gag e bmil suwon ngog.” Ara’ rogon ni be yog SOMOL, ni ir e bayi gagiyegnag nge yodorom.

Malaki 3:1

Fulweg rok SOMOL ni Gubin ma Rayag Rok ko re bugithin ney e be ga’ar, “Bay gu l’oeg ba tafek thin rog nge ngongliy rogon e kanawo’ rog. Ma aram e fare SOMOL ni gimed be changar nag e bay mu gin gad ma keyib ko Tempel rok. Fare tafek thin ni gimed be finey ni mang e yug mu guyed e bayi taw ni nge weliy murung’agen e m’ag rog.”

Matthew 6:13

Dab mfekmad i yan ko sikeng nib mo’maw’, machane ngam ayuwegmad rok Fa’anem nib Kireb.’

John 17:15

Ma gathi gu be wenignag ngom ni ngam fekrad ngar chuwgad u fayleng, machane gu be wenignag ngom ni ngam ayuwegrad rok Fa’anem nib Kireb.

Acts 15:17

Ma aram e urngin e tin ni kabay e girdi’ e bay ur gayed Somol, ni urngin e pi nam ni kug piningrad ni ngar manged girdi’eg.

Roma 8:23

Gathi kemus ni tin ke sunumiy Got; gadad e pi’in bay fare Kan Nthothup rodad ni ir e bin som’on ko pi tow’ath rok Got, e ku er rogodad ni gadad be gel’gel’ u fithik’ i lanin’dad, ma gadad be sonnag Got ni nge ngongliydad ngad manged pifak, me chuwegdad u tan pa’ e wod.

1 Korinth 10:4

ma yad gubin nra unumed fare ran ni yib ko fare war ni pi’ Got ni fa’an i un ngorad i yan, nre war nem e aram Kristus.

1 Korinth 10:9

Ere thingar dab da sikeng niged rogon e k’adan’ rok Somol ni bod rogon e n’en ni rin’ boch i yad — me li’rad e porchoyog ngarm’ad.

Deuteronomy 28:10

Ma aram e gubin e girdi’ nu fayleng ni yad ra guy nike mel’egmed SOMOL ni ngam manged girdi’en, miyad par ni bay doguwmed u wun’rad.

Deuteronomy 33:17

Josef e bod gelngin ba garbaw ni pumo’on, ni bod e gagey rok ba garbaw ni malboch. Gagey rok e fa yu biyu’ i girdi’ rok Manasseh, nge fa yu ragag i biyu’ i girdi’ rok Efraim. Ir e ma yip’ ngak e pi nam nge thuruyrad i yan nga thathran e fayleng.”

2 Timothy 4:18

Mi Somol e bayi chuwegeg u fithik’ urngin e gafgow, me thapegeg nga tharmiy ko gin nsuwon. Me ir e nganog e sorok ngak ndariy n’umngin nap’an! Amen.

Titus 2:14

I ir e pi’ ir ni bochdad ni fan e nge leagdad u fithik’ urngin e kireb me ngongliydad ngad manged ba ulung i girdi’ ni kad machalboggad nib mil fadad ngak me pasigan’dad ni ngad rin’ed e tin ni bfel’.

Hebrews 11:21

Michan’ rok Jakob ngak Got e ir e pow’iy Jakob nge yibilay fa gali pumo’on ni fak Josef u m’on ni be n’en ni nge yim’; ni duwgil nga p’ebugul e sog rok nge yibil ngak Got.

Joshua 17:17

Me ga’ar Joshua ngak e ganong rok Efraim nge ba’ ni Ngal e Manasseh, “Rriyul’ ni gimed ba yo’or, ma rib gel gelingmed. Dabisiy ni nge yo’or e f’oth romed ko ta’reb.