Genesis 47:15 - Bible Ni Thothup

¹⁵ Ma nap’an ni m’ay e salpiy rok e girdi’ nu Egypt nge girdi’ nu Kanaan me yib i ga’ar urngin e girdi’ nu Egypt ngak Josef, “Mpi’ e ggan ngomad! Dab mu pagmad nggu m’ad; mu rin’ ban’en! Ya kem’ay urngin e salpiy romad.”

Genesis 47:15 Iomraidhean Croise

Genesis 41:36

Ya re ggan nem e nge par ni talpen e ggan ni nge m’ay u daken e nam u lan e medlip i duw ni ba’aram ni bay yib e uyongol nga Egypt, ya nge dabi yim’ e girdi’ nu Egypt ko ngiyal’nem ni bay yib e uyongol.”

Genesis 47:16

Me ga’ar Josef, “Mfeked e gamanman romed i yib; mu gu pi’ e ggan ngomed ni fa’anra kem’ay e salpiy romed ni urngin.”

Genesis 47:24

Mra taw nga nap’an ni ngan t’ar wom’ngin e woldug, ma thingar mpi’ed ta’ab guruy u lal guruy riy ngak Farao. Ma tin nike magey riy e ngam yunged nga daken e yungi milay’ romed, mi gimed kay nge girdi’ nu tabinaw romed, nge pifakmed.”

Psalms 37:3

Um par ni SOMOL e ke pagan’um ngak ma ga rin’ e tin ni bfel’; mu’um par u daken e nam rom u fithik’ e gapas.

Isaiah 33:16

Ma aram e dabi buch ban’en romed; bay mu pired ni gimed ba muduwgil ni bod rogon ni gimed bay u ba lan e gin kan yororiy ni fan ko mael. Bay u mu pired ni bay e ggan ni gimed ra kay nge ran ni gimed ra garbod ngay.

Matthew 6:11

Mpi’ ngomad e daba’ e ggan ni nge yag ngomad.

Judges 8:5

Me wenig ngak e pumo’on ko binaw nu Sukkoth ni ga’ar, “Wenig ngomed, mu pi’ed boch e flowa ngak e salthaw rog. Ya ke aw porowrad, ma gu be lol’oeg Zebah nge Zalmunna, ni yow e pilung rok piyu Midian.”

Judges 8:8

Me yan Gideon nga Penuel, miki wenig ngak e girdi’ u rom ni nga ni pi’ e ggan ngak e salthaw rok, machane miki fulweg e pumo’on nu Penuel ngak ni bod e n’en ni yog e pumo’on nu Sukkoth.

1 Samuel 21:3

Be mang e bay rom ni yira kay? Mpi’ lal e flowa ni gang’ ngog ara tin ni bay rom.”

1 Samuel 25:8

Kemus ni ngam fithrad miyad weliy ngom. Kugbad ko re rran ni yaran e madnom, ma be wenignag David ngom ni ngam gol ngomad nggu fel’gad u wun’um. Wenig ngom mu pi’ e tin nrayag ni ngam pi’ ngomad e pi tapigpig rom nge ngak e fager rom i David.’”