Genesis 47:12 - Bible Ni Thothup

¹² Mi i pi’ Josef gan e chitamngin, nge pi walagen ni pumo’on, nge urngin girdi’en e tabinaw rok e chitamngin, nib mu’un e bin th’abi bitir ngay.

Genesis 47:12 Iomraidhean Croise

Genesis 45:10

Ya rayag ni nga mub mu par ko nug nu Goshen ngam chugur ngog, ni gur nge pifakam, nge pifak pifakam, nge saf nge kaming rom, nge garbaw rom, nge urngin ban’en ni bay rom.

Genesis 45:11

Ya ga ra yib mu par ngalan yu Goshen, mrayag ni ug pigpig ngom. Ya kaba’ lal e duw ko re uyongol ney; ma dabug ni ngu’um gafgow, nge girdi’en e tabinaw rom, nge urngin e tin bay rom.’”

Genesis 45:7

Got e pi’eg nggu m’on romed nge yag ni gu aywegmed ni ara’ feni fel’ rogon ma nge muduwgil ni dab m’ad nge pi’in owchamed.

Genesis 47:1

Ma aram me yan Josef nge weliy ngak Farao ni ga’ar, “Chitamag nge pi walageg ni pumo’on e karbad u Kanaan ni kar feked yu ran’ i saf nge kaming ni fakrad, nge yu ran’ i garbaw, nge urngin e chugum rorad. Yad bay e chiney u lan e nug nu Goshen.”

Genesis 47:21

Me yan i par nike ngongliy Josef e girdi’ u Egypt kar manged sib ni mus u baley yu Egypt ke yan i mada’ nga baley.

Genesis 47:24

Mra taw nga nap’an ni ngan t’ar wom’ngin e woldug, ma thingar mpi’ed ta’ab guruy u lal guruy riy ngak Farao. Ma tin nike magey riy e ngam yunged nga daken e yungi milay’ romed, mi gimed kay nge girdi’ nu tabinaw romed, nge pifakmed.”

Genesis 50:21

Ere dab kum rusgad. Ya bay gu ayuwegmed nge pifakmed.” Ara’ rogon ni micheg ngorad u fithik’ e thin nib munguy ni kun ngorad.

Exodus 20:12

“Mu liyor ko chitamam nge chitinam nge n’uw nap’an ni mu par ko gi binaw nike pi’ SOMOL ni Got rom ngom.

Isaiah 22:24

“Machane gubin e girdi’ rok nge gathon e tabnaw rok e bay ra tomalgad ngak. Bay ra gamuchmuchgad ngak ni bod e th’ib nge yu raba’ i dabiy ni kan the’ ko rrichib!

1 Thessalonika 2:7

ni yugu aram rogon ni bay mat’awmad ni nggogned ngomed e tin ngam rin’ed ngomad ni bochan e gamad e apostel rok Kristus. Machane u gu pired romed ni gamad bmunguy ni bod ba matin ngak pifak ni be ayuwegrad.

1 Timothy 4:8

Dowef ni yima gelnag u fithik’ urngin mit e gosgos e bay fan, machane gel ni yima tay ko bin nib be’ech e pangiy nike pi’ Got e ri ba ga’ fan u gubin ban’en, ya ba ga’ fan ko biney e tamilang nge binem e tamilang.

1 Timothy 5:4

Ma fa’anra bay be’ ni bpin ni aray rogon ma bay pifak ara pifak pifak, ma susun e som’on e nge fil e pi’in ni pifak nem rogon ni ngar ngongliyed e maruwel rorad nrogon e maruwel nma tay girdi’en Kristus ngak girdi’en e tabinaw rorad, ireray kanawo’en miyad fulweg taban e magaer rok e matam nge matin rorad nge matam nge matin rok e gallibthir rorad, ya ireram e n’en nib m’agan’ Got ngay.

1 Timothy 5:8

Ma fa’anra dabi ayuweg be’ e girdi’ rok, ni ba ga’ ni girdi’en e tabinaw rok, ma aram e ke n’ag rogon nib mich Got u wan’, ma kab gel e kireb rok ngak be’ ndawori mich Got u wan’.

Ruth 4:15

Mang e yigi ayuwegnem nge fel’ lanin’um me ayuwegnem ko ngiyal’ ni kam pilibthir. Fare pin ni i figirngiy fakem, ni ir e ke diyennag e re tir ney e ri gab t’uf rok, ma ka ba ga’ e ayuw nra tay ngom ko ayuw nra pi’ medlip i pumo’on ni fakam ngom.”