Genesis 46:6 - Bible Ni Thothup

⁶ Miyad fek e gamanman rorad nge urngin ban’en rorad ni yag ngorad u Kanaan ngranod nga Egypt. Me fek Jakob urngin e pi’in owchen ngar uned ngak,

Genesis 46:6 Iomraidhean Croise

Genesis 15:13

Me ga’ar SOMOL ngak, “Pi’in ni bay rabad ni owchem e bay ra pired ni yad e milekag u lan ba nam ni gathi nam rorad; bay ra pired ni yad e sib u rom ma ba kireb e n’en ni bay un rin’ ngorad ni 400 e duw.

Genesis 46:7

ni aram pifak ni pumo’on, nge pi pumo’on ni pifakrad, nge ppin ni pifak, nge pi ppin ni fak pifak.

Psalms 105:23

Me yan Jakob nga Egypt, me par ko re nam nem.

Isaiah 52:4

Nap’an nim marod ni ngam pired u Egypt ni gimed e milekag u rom, ni gimed e lanin’med ni ngam rin’ed ni aram rogon; me modyargal yu Assyria ngomed ngan fekmed ngabang ni dan pi’ ba salpiy ni pulwonmed.

Numbers 20:15

nge rogon ni yan e pi ga’ romad nga Egypt, ma gamad par u rom ni pire’ e duw. Mi i gafgownag yu Egypt epi ga’ romad nge gamad,

Acts 7:15

Ma aram me yan Jakob nga Egypt, ni aram e gin ni yim’ riy nge pi chitamangidad.

Deuteronomy 10:22

Fa’ani yan e pi chitamangimed ni kakrom nga Egypt ma kemus ni yad medlip i ragag u gubin. Machane SOMOL ni Got romed e ke yo’or nagmed kam pire’gad ni bod feni yo’or e t’uf u lanelang.

Deuteronomy 26:5

Ma aram e ngamog e pi thin ni ba’aray u p’eowchen SOMOL: ‘Ga’ rog kakrom e be’ u Aramea, ni be’ ndariy tafen me fek chongin e tabnaw rok nga Egypt ni ngar pired u rom. Ranod ngaram ni yad ba lich, machane miyad yo’or ngar pired ni yad ba nam nib ga’ ma ba gel.

Joshua 24:4

mu gu pi’ Jakob nge Esau ngak Isak. Gu pi’ ngak Esau fare nam nu Seir ni go’ burey ni nge tafnay, me yan Jakob nge pifak nga Egypt.

1 Samuel 12:8

Fa’ani yan Jakob nge girdi’ ko tabinaw rok nga Egypt me cheal piyu Egypt ngar gafgow niged yad, me pag e pi chitamangimed lamrad ngalang ngar ninged e ayuw ngak SOMOL, me pi’ Moses nge Aron ngorad, ni yow e ra pow’iyew yad nga wuru’ yu Egypt marbad ra pired ngalan e re nam ney.