Genesis 45:22 - Bible Ni Thothup

²² Miki bagayad me pi’ ba wu’ e mad ngak, machane i Benjamin e 300 yang e silber ni pi’ ngak nge lal wu’ e mad.

Genesis 45:22 Iomraidhean Croise

Genesis 43:34

Mi ni fek e ggan u tebel rok Josef i yib ngorad, mi Benjamin e lal yay urngin e ggan nni pi’ ngak ko ggan nni pi’ ngorad. Ma aram miyad abich miyad unum e wayin ngar felfelan’gad.

Genesis 45:23

Me pi’ ragag e dongki nge yan ngak e chitamngin ni kan chugom nga daken keru’rad ko tin th’abi fel’ ban’en ni bay u Egypt, ma ragag e dongki e kan af e grain nga daken keru’rad, nge flowa, nge ku boch e ggan ni fan ko re milekag rorad nem ni ngarbad nga Egypt.

2 Kings 5:5

Me ga’ar fare pilung ngak, “Mfek e re gi babyor ney ngam man mpi’ ko pilung nu Israel.” Me yan Naaman nike fek ragag e biyu’ yang e silber, nge nel biyu’ yang e gol, nge ragag madan e madnom.

Revelation 6:11

Ra bagayad min pi’ reb e mad nib wechwech ngak; minog ngorad ni nga yigu ra son gad nge yan i mada’ urngirad ko re matha’eg ni kan finey, ni pi’in ni ka yad be pigpig ngak Got ni ku boch i walagrad ni bay fin nli’rad ngarm’ad ni bod yad e bay ra gamneged e re matha’eg nem.

Judges 14:12

Me ga’ar Samson ngorad, “Nggog ba salipow ngomed. Guyey yang e mad ni wech nge guyey wu’ e mad ni bfel’ ni gu ra pi’ ngomed ni fa’an gimed ra yog ngog fan u lan e re medlip i rran ney ni yibe madnomnag e mabgol riy.

Judges 14:19

Me pi’ SOMOL gelngin nge gel, me yan nga p’ening nga Ashkelon. Me li’ guyey i pumo’on u rom, me fek e chugum rorad, me pi’ e mad rorad ni bfel’ ngak fapi pagel ni kar nanged fan fare salipow. Me sul nga tabinaw rok ni kari damumuw ko ren’em,