Genesis 45:21 - Bible Ni Thothup

²¹ Me rin’ pifak Israel ni aram rogon. Me pi’ Josef e karro ni wagon ngorad, ni bod rogon nike yog Farao, me pi’ e ggan ngorad ni fan ko re milekag nem.

Genesis 45:21 Iomraidhean Croise

Genesis 45:19

Ma gog ngorad ni ngar feked boch e karro ni wagon u Egypt ni fan ngak pi le’engirad nge pifakrad ni kab achig. Mog ngorad ni ngar feked e chitamangirad ngarbad.

Genesis 45:20

Ma dabi magafan’rad ni ngar paged e tin bay rorad ban’en; ya gin nth’abi fel’ ko nam nu Egypt e bay ni pi’ ngorad.”

Genesis 45:27

Machane fa’anra weliyed ngak urngin e tin nike weliy Josef ngorad, me guy fapi wagon nike pi’ Josef ni nga ni fek riy nga Egypt, me ri felfelan’.

Genesis 46:5

Me chuw Jakob u Beersheba. Fapi pagel e ra ted e chitamangirad, nge pifakrad, nge pi le’engirad ngalan fapi wagon nike pi’ fare pilung nu Egypt.

2 Kronicles 35:16

Ere bod rogon nike yog Josiah ni Pilung ni ngan rin’, e aram rogon nrin’ urngin ban’en e rofen nem ni fan e ngan tayfan SOMOL, ko fare madnom ni Paluk’af, nge maligach ni mo’oruf nni pi’ u daken fare altar.

2 Kronicles 8:13

I pi’ e pi maligach ni mo’oruf nrogon ni bay ko Motochiyel rok Moses ni fan ko yu rran nib thothup: pi Sabbath, nge pi Madnom ko M’ug e Pul, nge fa dalip i madnom ni gubin e duw — fare Madnom ko Flowa Ndariy e Is Riy, nge Madnom ko T’ar Wom’ngin e Woldug, nge fare Madnom ko Nochi Naun.

Exodus 17:1

Me chuw urngin e girdi’ nu Israel u daken e ted ni desert u Sin, ngu’ur pired u bang ngu bang u tan lungun SOMOL. Rabad ra pired nga Refidim, machane dariy e ran u rom ni yira unum.

Eklesiastes 8:2

Mu rin’ e tin be yog e pilung, ma dab mu gur ngam micheg ban’en ngak Got.

Lamentations 1:18

“Machane SOMOL e ir e bmat’aw, ya gag e da ug fol rok. Mmotoyil gad ngog, gimed e girdi’ u gubin yang; mu guyed gag u fithik’ e amith rog. Pi’in pagel nge rugod rog e kan fek’rad nga bang ni yad ba kalbus.

Ezekiel 23:24

Bay ra chamgad ngom ko lel’och, ni kar feked barba’ i salthaw nib ga’ ni bay e chariot rorad nge wagon nma fek e chugum. Yad ra rungrung ko shield nge helmet ngarbad ron’ed gur nga longob. Ma bay gu pi’em nga pa’rad, ma bay ra pufthin niged gur u rogon e tirorad e motochiyel.

Numbers 3:16

me rin’ Moses ni aramrogon.