Genesis 43:9 - Bible Ni Thothup

⁹ Mpag nge milfan ngog; fa’anra dab gu fulweg ngom ni ka rogon, me gag e bayi par e kireb riy u dakenag u p’eowchem ni n’umngin nap’an e yafos rog.

Genesis 43:9 Iomraidhean Croise

Genesis 31:39

Gubin ngiyal nra li’ e gamanman ni malboch reb e saf rom, ma gag e ma aw ni nggu pi’ puluwon. Dagur ma fek i yib ngom, nggu dag ni gathi gag e kireb rog. Ma gabe gelnag lungum ni nggu pi’ puluwon e tin ni yibe iring nnep’ nge rran.

Genesis 42:37

Me ga’ar Ruben ngak e chitamngin, “Fa’anra dab gu fulweg Benjamin ngom, ma ga thang e fan rok fa gali pagel ni fakag. Mpag fan Benjamin ngog, ya bay gu fulweg ngom.”

Genesis 43:10

Fa’an mang e dad son gad ni aray n’umngin nap’an, ma ke gaman e ruw yay ni kug warod kugbad.”

Genesis 9:5

Ma fa’anra thang be’ e pogofan rok be’, ma yira gechignag. Ma re gamanman nra li’ be’ nge yim’, e bay gu thang e fan rok ni gechig rok.

2 Samuel 14:9

Me ga’ar fare pin, “Gur en Pilung, demturug e n’en ni ga ra rin’, ma chon e tabnaw rog nge gag e gamad e ra aw e kireb riy ngomad; gur nge tabnaw rom nib pilung e bfel’ e romed.”

1 Kings 1:21

Fa’anra dab mu rin’ ban’en ngay, ma yug nap’an e ga ra yim’ mi Solomon ni fakag nge gag e yira taymow ni gowa kug th’abew e motochiyel.”

BABYOR NI JOB 17:3

Got, gu be riyul’ ko tin gu be yog mu fanay e thin rog. Dariy be’ nra fol ngog ko tin gu be yog.

Psalms 119:122

Mmicheg ni ga ra ayweg e tapigpig rom; dab mu pag e pi tolngan’ ngar gafgow nigedgag!

Ezekiel 3:18

Fa’anra gog ni bay be’ nib kireb ni bay yim’, ma da mu ginaeng nge thiliyeg pangin nge par nib fos, ma bay yim’ u fithik’ e denen rok, ma gu ra tay ni gur e kireb rom nike yim’.

Ezekiel 3:20

“Fa’anra bay be’ nrib fel’ me tabab i ngongliy e kireb, mu gu gagiyegnag nge par nga bang nib tawogwog nra yib e riya’ riy ngak, ma ra yim’ ni fa’anra dam ginaeng. Ma bayi yim’ ni bochan e denen rok, ya dab gu leamnag e pin’en ni bfel’ ni i rin’. Ma bay gu tay ni gur e kireb rom nike yim’.

Ezekiel 33:6

Ma fa’anra guy fa’anem ni damit e to’ogor nike yib ma de thoy e yabul, mra yib e to’ogor ngar li’ed fapi tadenen. Ma fare damit e gu ra tay ni ir e kireb rok nike yim’ fa picha’.

Ezekiel 33:8

Fa’an gu ra yog ni bay be’ nib kireb ni bay yim’, ma da mu ginaeng nge thilyeg pangin nge siyki yim’, ma fa’anra yim’ u fithik’ e denen rok, ma yam’ nike tay e gu ra tay ni gur e kireb rom.

Luke 11:50

Girdi’ ko ngiyal’ney e bay ni gechig nagrad ni bochan urngin fapi profet ni kan li’rad ni ka nap’an e ngiyal’ nsunumiy e fayleng riy,

Hebrews 7:22

Re nn’ey e be micheg ni birok’ Jesus e m’ag e ba ga’.