Genesis 43:8 - Bible Ni Thothup

⁸ Me ga’ar Judah ngak e chitamngin, “Mpag e cha’nir nge un ngog nggu warod. Ma aram e dariy bagdad nra yim’ nriyul’ ko uyongol.

Genesis 43:8 Iomraidhean Croise

Genesis 42:2

Kug rung’ag ni bay e grain u Egypt; mmarod ngam chuw’iyed boch ngodad nge dab da m’ad ko uyongol nriyul’.”

Genesis 42:38

Machane me ga’ar Jakob, “Dabiyag ni nge un fakag ngomed; ya ke yim’ walagen, ke yan i par ni go ir e kabay rog. Ma richey me buch ban’en rok u kanawo’. Kari gu pilibthir ndabkiyag ni gu ra athamgiliy e kireban’ ni gimed ra fek i yib ngog; ya mmudugil nra li’eg nggum’.”

Genesis 44:20

Me lungumad ngom, er rogon, bay be’ ni chitamangimad nike pilibthir, nge be’ nib mo’on ni walagmad ni ir e bbitir romad, nni gargeleg ngak e chitamangimad ko ngiyal’ nike pilibthir. Ma be’ nib mo’on ni walagen e ke yim’, ma kemus ni ir e kabay ni fak e chitiningin; ma rib t’uf rok e chitamngin.

Genesis 44:26

Me lungumad, ‘Dabiyag ni gu warod; ya dab ni pagmad nggu warod ngak fare mo’on ni fa’anra de moy romad e bin th’abi bitir i walagmad. Fa’anra un e bin th’abi bitir i walagmad ngomad, ma aram e gamad ra yan.’

Genesis 45:19

Ma gog ngorad ni ngar feked boch e karro ni wagon u Egypt ni fan ngak pi le’engirad nge pifakrad ni kab achig. Mog ngorad ni ngar feked e chitamangirad ngarbad.

Genesis 50:21

Ere dab kum rusgad. Ya bay gu ayuwegmed nge pifakmed.” Ara’ rogon ni micheg ngorad u fithik’ e thin nib munguy ni kun ngorad.

Genesis 50:8

nge urngin girdi’en e tabinaw rok Josef, ni pi walagen ni pumo’on, nge girdi’en e tabinaw rok e chitamngin. Kemus ni bitir rorad ni kab achig, nge saf nge kaming, nge garbaw rorad e ra pired u lan e nug nu Goshen.

2 Kings 7:13

Me ga’ar reb fapi salthaw nib tolang, “Girdi’ ni yad bay u lan e re binaw ney e ke muduwgil ni yad ra yim’ ni bod e pi’in ni ka’ar m’ad. Ere ngad l’oged boch e pumo’on ngar afgad nga daken lal ko fapi os nike magey ngad nanged e tin ke buch.”

2 Kings 7:4

Gadad ra yan ngalan binaw ma gadad ra yim’ ko bilig; ma gadad ra par u roy ma ka gadad ra yim’. Ere ngdarod ko gin bay e salthaw nu Syria riy; gomang e yad ra li’dad, fa ra thil ban’en riy miyad pagdad ni kagdad ba fos.”

Ezra 8:21

U rom u to’oben fare Lul’ ni Ahava mu gog ngomad ni gamad gubin ni go’ nggu paged e abich magmad sobut’ nagmad u owchen Got magmad ning ngak ni nge pow’iymad ko milekag romad me ayuwegmad nge pifakmad nge urngin e tiromad ban’en.

Psalms 118:17

Dab gum’, ya bay gu par ni gubfos nggu weliy murung’agen e tin ke rin’ SOMOL.

Exodus 20:12

“Mu liyor ko chitamam nge chitinam nge n’uw nap’an ni mu par ko gi binaw nike pi’ SOMOL ni Got rom ngom.

Numbers 14:31

Ka mogned ni yira kol pifakmed u fithik’ e mael nga ni fekrad, machane bay gu fekrad i yan ngalan fare nam ni kam pi’ed keru’med ngay, ma bayi mang taferad.

Deuteronomy 33:6

Ba’aray e thin ni yog Moses ni murung’agen fare ganong rok Ruben: “Ruben e nge dabi math owchen e birok e ganong, ni yugu aram feni lich e girdi’ riy.”