Genesis 43:23 - Bible Ni Thothup

²³ Me ga’ar fare tapigpig, “Dabi magafan’med, ma dab mu tamdaggad. Ya Got, ni fare Got rok e chitamangimed, e ir e ke tay e salpiy ngalan e tutuw romed ni fan ngomed. Ya salpiy ni mpi’ed nga puluwon e ggan ko som’on e kug fek.” Me fek fare tapigpig Simeon i yib ngorad.

Genesis 43:23 Iomraidhean Croise

Genesis 42:24

Me chuw Josef rorad nge yan i par ngi i yor. Ma fa’ani yag rok ni ngki welthin ngorad bayay, me sul ngorad, me fek Simeon u fithik’rad nge fal nga bang, me m’ag u p’eowcherad.

Genesis 42:28

Me ga’ar ngak pi walagen, “Kan fulweg e salpiy rog ngog. Ba’aray u lan e tutuw rog.” Me ri yib e marus ngorad nib gel, mra bagayad me changar ngak bagayad me lungurad, “Mang e biney nike ngongliy Got ngodad?”

Genesis 42:36

Me ga’ar e chitamangirad i Jakob ngorad, “Bay mpagedgag ndariy e bitir rog. Ya ke yan Josef; ma ke yan Simeon; ma chiney e gimed be finey ni ngam feked Benjamin rog. I gag e gu ra gafgow!”

Genesis 43:14

I Got ni Gubin ma Rayag Rok e nge gagiyegnag e re mo’on nem nge runguymed, nge yag ni pi’ ngomed fa binem i walagmed me pag Benjamin nge un ngomed ko sul. Me gag, e fa’anra thangri thay e bitir rog u pa’ag, me ere nge thay.”

Genesis 43:22

Ma ku er rogon ni kug feked e salpiy ni nggu chuw’iyed boch e ggan ngay. Da gu nanged e en ni fulweg e salpiy romad ngalan e tutuw romad.”

1 Kronicles 12:18

Me ying fare kan nthothup rok Got ngak bagyad, ni aram Amasai, facha’ ni munmun me mang tolang ko “Fare Guyey,” me tolul ni be ga’ar, “David ni fak Jesse, bmil famad ngom! Nge fel’ rogom nge pi’in yad be ayuwegnem! Got e bay u ba’ rom.” Me pining David e kefel’ ngorad ni ngar pired u rom me tayrad ni yad e tolang ko yu raba’ i salthaw rok.

1 Kronicles 12:19

Boch e salthaw ko fare ganong rok Manasseh e ra uned nga ba’ rok David nap’an ni be un ngak piyu Filistia ni ngar maelgad ngak Saul ni Pilung. Machane de ayuweg e pi Filistia, ya i rus e pi pilung rorad nrichey me liyab nagrad ngalan pa’ Saul ni fare masta rok kafram, ere rpi’ed nge sul nga Ziklag.

Ezra 4:17

Ba’aray e fulweg ni pi’ fare emperor: “Ngak Rehum ni governor, nge Shimshai ni tayol ko nam, nge pi’in yad ngabang ni yad ma par u Samaria nge pi’in ni magach ko lay ni ngal yu Eufrates, e gu be fingichiymed.

Luke 10:5

Ma ngiyal’ ni gimed ra yan riy ngalan reb e naun, e som’on e nge lungumed, Nge yib e gapas ngak girdi’en e re naun ney.

Luke 24:36

Nap’an ni ka yow be weliy ngorad e pi thin ney, ma yugu ra gin gad ma ke sak’iy Somol nga fithik’rad me ga’ar ngorad, “Nge yib e gapas ngomed.”

John 14:27

“Nggu tay e gapas nge par romed; nggu pi’ e gapas rog ngomed. Dab gu pi’ ngomed ni bod rogon nma rin’ e girdi’ nu fayleng. Dabi magafan’med ma dabi wagagey lanin’med; ma dab mu tamdaggad.

John 20:19

Ke n’uw nap’an nike aw e lumor ko re rran nem ni madnom nike mu’ulung pi gachalpen Jesus nga ta’bang kar man’ niged e mab ngorad, ya yad be tamdag ngak piyu Israel. Me sak’iy Jesus nga fithik’rad me ga’ar ngorad, “Nge yib e gapas ngomed.”

John 20:21

Me ga’ar Jesus ngorad bayay, “Nge yib e gapas ngomed. Rogon nike l’oegeg e en ni Chitamangiy e aram rogon ni nggu l’oegmed.”

John 20:26

Me reb e wik nga tomuren nike mu’ulung pi gachalpen Jesus ngalan e naun bayay ma bay Thomas rorad ni kan man’nag e mab. Me sak’iy Jesus nga fithik’rad me ga’ar ngorad, “Nge yib e gapas ngomed.”

Judges 19:20

Me ga’ar fare pilibthir, “Rayag ni ngambad nga tafnag! Gu ra ayuwegmed; dariyfan ni ngam pired e re nep’ ney u lulukngun e binaw.”

Judges 6:23

Machane me ga’ar SOMOL ngak, “Nge par e gapas rom; dab mu rus, ya dab mum’.”

1 Samuel 25:6

Me yog ngorad ni nge lungurad ngak Nabal: “Be fangichiyem David ni be ga’ar, ‘Fager rog, gu be athpeg e falwa’athan ni fan ngom, nge tabnaw rom, nge urngin e tin bay rom’.