Genesis 43:18 - Bible Ni Thothup

¹⁸ Fa’an nni fekrad i yib ko naun rok Josef miyad tamdag, ya ra leam niged ni lungurad, “Ka ni fekdad i yib ngaray ni bochan fapi salpiy nni fulweg ngan tay ngalan e tutuw rodad ko som’on. Bay ra oggad ngodad ngan fekdad ngan ta’dad ni sib, mi ni fek e dongki rodad.”

Genesis 43:18 Iomraidhean Croise

Genesis 42:21

Me lungurad rorad, “Gadad ba kireb ko tin drin’ed ngak fa binem ni walagdad; da guyed gelngin e gafgow ni tay ko fa ngiyal’nem ni fa’ani wenig ngodad ni ngad ayuweged, machane dad folgad ko tin ni wenignag ngodad. Aram fan nike yib e biney e gafgow ngodad e chiney.”

Genesis 42:27

Miyad taw ko gin nra pired riy e re nep’ i n’em, me pithig bagayad langan e birok e tutuw ni nge duruw’iy e dongki rok, me pir’eg e salpiy rok u daken e grain u lan e tutuw rok.

Genesis 42:28

Me ga’ar ngak pi walagen, “Kan fulweg e salpiy rog ngog. Ba’aray u lan e tutuw rog.” Me ri yib e marus ngorad nib gel, mra bagayad me changar ngak bagayad me lungurad, “Mang e biney nike ngongliy Got ngodad?”

Genesis 42:35

Ma fa’anra chuweged e pin’en ni bay u tutuw rorad, mra bagayad me pir’eg tafen e salpiy rok ni bay u lan e birok e tutuw; ma fa’anra guyed ni bay e salpiy riy, miyad rus ngay nge chitamangirad.

Genesis 43:17

Me rin’ fare tapigpig ni bod nike yog Josef ngak, me fek fapi pumo’on i yan ko naun rok Josef.

Genesis 43:19

Ma aram miyad yib ngak fare tapigpig ni ir e mmilfan e naun rok Josef ngak, me lungurad ngak e re mo’on nem u langan e mab ko re naun nem,

Genesis 44:8

Kam guy e salpiy ni kug fulweged u Kanaan ngom, ni salpiy ni gu pir’eged u daken e ggan u lan e tutuw romad. Ere ra di’in ma gamad iring e silber ara gol u naun rok e masta rom?

BABYOR NI JOB 15:21

Bayi rung’ag lungun e morus ni be gogo’ ngalan tel, me og e moro’ro’ ngak ko ngiyal’ ni be leamnag ndariy ban’en nra buch rok.

BABYOR NI JOB 30:14

Ka ra t’ired e yoror nga dakenag ka ra awgad ngog ka ra chuchuyed gag nga’ar;

Psalms 53:5

Machane aram e bayib e marus ngorad nib gel, ndawor rrusgad bayay ni aram gelngin, ya bayi wereg Got yilen e pi to’ogor ko girdi’ rok. I Got e ke n’agrad, ma aram e yu Israel e ri bay ra gelgad ngorad.

Psalms 73:16

Ere kar gu athamgiliy ni nggu nangfan e ren’ey, ma kaygi mo’maw’ ngog,

Isaiah 7:2

Me taw e thin ngak fare pilung nu Judah ni salthaw nu Syria e ka ra mufgad ngalan yu Israel, me yib e marus ngak nge gubin e girdi’ rok ngu’ur t’on gad ni bod e gek’iy ni mithmitheg e nifeng.

Daniel 6:4

Ma fa galicha’ ni yow ma guy e maruwel ko fapi tafanow nge pi governor ra guyed rogon ni ngar pir’eged ban’en ni thibngin Daniel u rogon ni be tay murung’agen ga’ngin e gin ma gagiyegnag fare pilung. Machane dar pir’eged thibngin ara ban’en nike kirebnag, ya ma par Daniel nib yul’yul’ ma der ngongliy ban’en nib oloboch ara ba kireb.

Mark 6:16

Ma nap’an ni rung’ag Herod murung’agen ni aram rogon me ga’ar, “I ir fa’anem i John ni i tawfe nike fos ko yam’, ni fa’an gog faram ni ngan th’ab k’angan!”

Roma 7:8

Denen e maruwel u daken e motochiyel nge pir’eg kanawo’en ni nge ubchiya’nag urngin mit e chogow u fithik’ag. Ya denen e ban’en ni be par nib yam’ ni fa’anra dariy e motochiyel.

Deuteronomy 22:14

Ma aram me tunguy e thin nga daken fare pin. Ni be yog ni fare pin e kenang e pumo’on u m’on ni ngar mabgolgow.

Deuteronomy 22:17

Ma be tunguy e thin nga daken fakag, be yog ni gathi ir be’ nibfal. Ere ba’aray e mich riy ni fakag e immoy nibfal; amguyed e racha’ ko re gi mad ney ko rofen nra mabgolgow.’

Judges 13:22

Me ga’ar Manoah ngak le’engin, “Ke mich ni ngadmow, ya kad guyew Got!”

Judges 14:4

Ma de nang e chitamngin nge chitiningin ni SOMOL e be pow’iy Samson ni nge yodorom, ya be guy SOMOL rogon ni nge cham ngak piyu Filistia. Ya re ngiyal’ i n’em e ke par ni piyu Filistia e be gagiyegnag piyu Israel.