Genesis 43:15 - Bible Ni Thothup

¹⁵ Miyad fek fapi tow’ath ni ngar pi’ed nge salpiy nike gaman e ruw yay nib yo’or ko fa yanem; ma kur feked Benjamin. Miyad fal’eg rogorad ngranod nga Egypt, miyad yan ra m’uggad ngak Josef.

Genesis 43:15 Iomraidhean Croise

Genesis 42:35

Ma fa’anra chuweged e pin’en ni bay u tutuw rorad, mra bagayad me pir’eg tafen e salpiy rok ni bay u lan e birok e tutuw; ma fa’anra guyed ni bay e salpiy riy, miyad rus ngay nge chitamangirad.

Genesis 43:11

Me ga’ar Israel ni chitamangirad ngorad, “Fa’anra er rogon, me ere nge par riy ni arrogon, ba’aray e n’en ni ngam rin’ed: Mfeked e tin th’abi fel’ ban’en ni bay ko nam rodad ngam ted nga tutuw romed nge mang tow’ath romed ngak governor, ni aram e bochu’uw e florida, nge buchu’uw e honey, nge spices, nge wom’ngin e pistachio nge keal.

Genesis 43:21

Ma fa’an gu sulod ko gin ni gu pired riy e re nep’ nem, mra bagamad me pir’eg e salpiy rok ni bay u daken e grain u lan e birok e tutuw, ni urngin e salpiy romad nni fulweg nrogon tomalngin. Ere ba’aray romad ni kug fulweged.

Genesis 43:25

Ma rabad ra ngongliyed rogon fapi tow’ath rorad ni fan ngak Josef ni bay yib ko misiw’; ya kar rung’aged ni ngar abichgad u rom.

2 Kronicles 28:7

Ba salthaw nu Israel ni Zikri fithingan e li’ Maaseyah nge yim’ nib mo’on ni fak Ahaz ni Pilung, miki li’ Azrikam nge yim’ ni aram e en nma gagiyegnag e naun rok e pilung, miki li’ Elkanah nge yim’ ni ir ba tolang nib migid ngak e en pilung.

Proverbs 19:6

Gubin e girdi’ nma guy rogon ni ngar fel’gad u wan’ e pi’in tolang; ma gubin e girdi’ nma yog ni yad tafager e pi’in yad ma pi’ ban’en nib puf pa’rad ngay.