Genesis 42:4 - Bible Ni Thothup

⁴ Ma de pi’ Jakob Benjamin nge un ko yan, ya be rusnag nrichey min li’ ngem’, ya Benjamin e yow Josef nga yal.

Genesis 42:4 Iomraidhean Croise

Genesis 11:4

Ma aram me lungurad, “Ngad ngongliyed reb e binaw ngodad ni pire’ e naun riy ni bay ba wulyang riy ni yan i tun ko lang. Me gilbuguwdad me siy da weargad u roy u fayleng.”

Genesis 3:22

Ma aram me ga’ar SOMOL ni Got, “Girdi’ e chiney e ke bod bagamad, ya kenang e n’en ni bfel’ nge n’en nib kireb. Thingar ri dab ni pag nge kay wom’ngin fare ke gek’iy nma pi’ e yafos, ya ra par ni dabki yim’.”

Genesis 35:24

Ma pagel ni fak Rachel e Josef nge Benjamin.

Genesis 42:3

Me yan ragag fapi pumo’on ni walagen Josef nga Egypt ko chuway’ grain.

Genesis 42:38

Machane me ga’ar Jakob, “Dabiyag ni nge un fakag ngomed; ya ke yim’ walagen, ke yan i par ni go ir e kabay rog. Ma richey me buch ban’en rok u kanawo’. Kari gu pilibthir ndabkiyag ni gu ra athamgiliy e kireban’ ni gimed ra fek i yib ngog; ya mmudugil nra li’eg nggum’.”

Genesis 43:14

I Got ni Gubin ma Rayag Rok e nge gagiyegnag e re mo’on nem nge runguymed, nge yag ni pi’ ngomed fa binem i walagmed me pag Benjamin nge un ngomed ko sul. Me gag, e fa’anra thangri thay e bitir rog u pa’ag, me ere nge thay.”

Genesis 43:29

Ma fa’ani guy Josef Benjamin, ni aram e cha’ ni yow nga yal, me ga’ar, “Dabisiy ni cha’ney e ir e th’abi bitir romed, ni ir fa’anem ni mu weliyed murung’agen ngog.” Me ga’ar ngak, “Fakag, I Got e ngi i ayuwegnem.”